ಮನಾಲಿ ಯಾವ ವಿದೇಶ ತಾಣಗಳಿಗೂ ಕಡಿಮೆ ಇಲ್ಲ, ತನ್ನ ಅಗಾಧವಾದ ಸೌಂದರ್ಯದಿಂದ ಪ್ರವಾಸಿ ಪ್ರಿಯರನ್ನು ಹಿಡಿದಿಟ್ಟುಕೊಂಡಿದೆ.
ಇಲ್ಲಿ ಸಾಕಷ್ಟು ಟ್ರೆಕ್ಕಿಂಗ್ ಹಾದಿಗಳು, ಭವ್ಯವಾದ ಪ್ರಾಕೃತಿಕ ದೃಶ್ಯಾವಳಿಗಳು, ಆಹ್ಲಾದಕರವಾದ ಜಲಪಾತಗಳಿಗೆ ಮಾರು ಹೋದ ಜನರು ವರ್ಷಕ್ಕೊಮ್ಮೆ ಮನಾಲಿಯ ಪ್ರವಾಸ ಕೈಗೊಳ್ಳುತ್ತಾರೆ.
ಇನ್ನು ಸಾಕಷ್ಟು ಮಂದಿ ಮನಾಲಿಯ ಸಂಪೂರ್ಣ ಸೌಂದರ್ಯವನ್ನು ಜೀವನದಲ್ಲಿ ನೋಡಬೇಕು ಎಂದು ಆಶಿಸುತ್ತಾರೆ. ಒಟ್ಟಾರೆ ದಟ್ಟವಾದ ಕಾಡುಗಳು, ದೇವದಾರು ವೃಕ್ಷಗಳು, ಬೃಹದಾಕಾರದ ಬಂಡೆಗಳು ಮನಸ್ಸಿಗೆ ಹಿತವೆನಿಸುತ್ತದೆ. ಇಂತಹ ಚುಮು ಚುಮು ಪ್ರದೇಶದಲ್ಲಿ ಜಲಪಾತವು ಹೇಗೆ ಧುಮ್ಮಿಕ್ಕಬಹುದು ಎಂಬ ಕುತೂಹಲ ಸಾಕಷ್ಟು ಮಂದಿಗೆ ಇರುತ್ತದೆ.
ಹಾಗಾದರೆ ಮನಾಲಿಯಲ್ಲಿ ಮನೋಹರವಾದ ಜಲಪಾತಗಳಿವೆ. ಅವುಗಳು ಯಾವುವು ಎಂಬುದನ್ನು ಲೇಖನದ ಮೂಲಕ ಮಾಹಿತಿ ಪಡೆಯಿರಿ.
ಜೋಗಿನಿ ಜಲಪಾತ
ಜೋಗಿನಿ ಜಲಪಾತವು ಮನಾಲಿಯ ಸುಂದರವಾದ ಕಣಿವೆಯಲ್ಲಿ ನೆಲೆಸಿದೆ. ಈ ಜಲಪಾತದ ಸಮೀಪದಲ್ಲಿ ನಿಮ್ಮ ಭಕ್ತಿಯನ್ನು ಹೆಚ್ಚಿಸುವ ಒಂದು ಹಿಂದೂ ದೇವಾಲಯ ಕೂಡ ಇದೆ. ಅದನ್ನು ವಶಿಷ್ಠ ದೇವಾಲಯ ಎಂದು ಕರೆಯುತ್ತಾರೆ. ಆಲಯದ ಸುತ್ತಲೂ ಸುಂದರವಾದ ಪೈನ್ ಮರಗಳು ದಟ್ಟವಾದ ತೋಟಗಳಿಂದ ಆವೃತ್ತವಾಗಿದೆ.
ಇನ್ನು ಜಲಪಾತದ ವಿಷಯಕ್ಕೆ ಬಂದರೆ ಜೋಗಿನಿ ಜಲಪಾತವು ಸುಮಾರು 160 ಅಡಿ ಎತ್ತರದಿಂದ ಧುಮ್ಮಿಕ್ಕುತ್ತದೆ. ಈ ದೃಶ್ಯವನ್ನು ಕಣ್ಣಾರೆ ಕಾಣುವುದೇ ಆನಂದ. ಜಲಪಾತದ ಆಸುಪಾಸಿನಲ್ಲಿರುವ ಪ್ರಾಕೃತಿಕ ದೃಶ್ಯಾವಳಿಗಳು ಬಹುಶಃ ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸಬಹುದು.
ಒಂದು ವೇಳೆ ಟ್ರೆಕ್ಕಿಂಗ್ ಮಾಡಲು ಆಸಕ್ತಿ ಹೊಂದಿದ್ದರೆ, ತಪ್ಪದೇ ಈ ಜೋಗಿನ ಜಲಪಾತಕ್ಕೆ ಹೋಗಬಹುದು. ಮನಾಲಿಯ ಪ್ರವಾಸ ಕೈಗೊಂಡಾಗ ಜಲಪಾತದ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಲು ಜೋಗಿನಿ ಜಲಪಾತಕ್ಕೆ ಭೇಟಿ ನೀಡಿ.
ಜನ ಜಲಪಾತ
ಮನಾಲಿಯಲ್ಲಿರುವ ಮತ್ತೊಂದು ಆಹ್ಲಾದಕರವಾದ ಜಲಪಾತವೆಂದರೆ ಅದು ಜನ ಜಲಪಾತವಾಗಿದೆ. ಇದು ಸುಮಾರು 30 ಅಡಿ ಎತ್ತರದಿಂದ ಬೀಳುತ್ತದೆ. ವಿಲಕ್ಷಣವಾದ ಜನ ಎಂಬ ಹಳ್ಳಿಯಲ್ಲಿ ಗುಪ್ತ ರತ್ನದಂತೆ ಈ ಜಲಪಾತವು ನೆಲೆಸಿದೆ. ಇಲ್ಲೂ ಕೂಡ ಅಚ್ಚುಕಟ್ಟಾಗಿ ಜೋಡಿಸ್ಪಟ್ಟಂತೆ ಕಾಣುವ ದೇವದಾರು ವೃಕ್ಷಗಳಿಗೆ ನೆಲೆಯಾಗಿದೆ.
ಚಾರಣ ಮಾಡಲು ನೀವು ಆಸಕ್ತಿ ಹೊಂದಿದ್ದರೆ ನಿಸ್ಸಂದೇಹವಾಗಿ ಈ ಜಲಪಾತಕ್ಕೆ ಭೇಟಿ ನೀಡಬಹುದು. ಸ್ನೇಹಿತರೊಂದಿಗೆ ಜನ ಜಲಪಾತದ ಭೇಟಿಯು ನಿಮಗೆ ಇಷ್ಟವಾಗಬಹುದು.
ರಹಾಲಾ ಜಲಪಾತ
ಮನಾಲಿಯಲ್ಲಿರುವ ಮತ್ತೊಂದು ಗುಪ್ತ ರತ್ನವೆಂದರೆ ಅದು ರಹಾಲಾ ಜಲಪಾತವು ಒಂದು. ಇದು ಮನಾಲಿಯಿಂದ ಕೇವಲ 29 ಕಿ.ಮೀ ದೂರದಲ್ಲಿ ನೆಲೆಸಿದೆ. ಇದೊಂದು ಪಿಕ್ನಿಕ್ ತಾಣವು ಹೌದು. ಹಿಮಾಲಯದಲ್ಲಿರುವ ಈ ಜಲಪಾತದ ನೀರು ಸಾಮಾನ್ಯವಾಗಿ ತಂಪಾಗಿರುತ್ತದೆ.
ಇಲ್ಲಿ ಪಕ್ಷಿಗಳ ಕಲರವ, ದೇವದಾರು ಮರದ ತಂಪಾದ ಗಾಳಿ, ಮಂಜು ಇಳಿಜಾರಿನಂತೆ ಧುಮ್ಮಿಕ್ಕುವ ಜಲಪಾತ ಆಹಾ..! ಇಂತಹ ಸೊಗಸಾದ ದೃಶ್ಯವನ್ನು ಕಂಡೇ ಆನಂದಿಸಬೇಕು. ಸಾಹಸ ಹುಡುಕುವವರಿಗೆ, ಸಾಹಸಿಗಳಿಗೆ ರಹಾಲಾ ಜಲಪಾತದ ಆಸುಪಾಸಿನ ವಾತಾವರಣ ತುಂಬಾ ಇಷ್ಟವಾಗಬಹುದು.
ರೋಜಿ ಜಲಪಾತಗಳು
ರೋಜಿ ಜಲಪಾತವು ಮನಾಲಿಯಲ್ಲಿರುವ ಒಂದೊಳ್ಳೆ ಪಿಕ್ನಿಕ್ ತಾಣವಾಗಿದೆ. ನಿಧಾನವಾಗಿ ಧರೆಗೆ ಇಳಿಯುವ ಜಲಧಾರೆ, ದೇವದಾರು ವೃಕ್ಷಗಳು, ದೇಹವನ್ನು ತಂಪಾಗಿಸುವ ವಾತಾವರಣ ಅದ್ಭುತವಾಗಿರುತ್ತದೆ. ಮನಾಲಿಯಲ್ಲಿರುವ ಗುಪ್ತ ರತ್ನಗಳಲ್ಲಿ ರೋಜಿ ಜಲಪಾತವು ಒಂದಾಗಿದೆ.
ಮನಾಲಿಯಲ್ಲಿರುವ ಮತ್ತೊಂದು ಆಹ್ಲಾದಕರವಾದ ಜಲಪಾತಗಳಲ್ಲಿ ಗೋಶಾಲ್ ಜಲಪಾತವು ಒಂದು. ಕುಟುಂಬ ಸಮೇತ ಪರಿಪೂರ್ಣವಾಗಿ ಎಂಜಾಯ್ ಮಾಡಲು ಗೋಶಾಲ್ ಜಲಪಾತಕ್ಕೆ ಭೇಟಿ ನೀಡಿ.
ಡೆಂಗ್ಯೂ ಜ್ವರದ ಆತಂಕದಲ್ಲಿ ಮೈಸೂರಿನ ಕೆ ಆರ್ ಒನ್ ಬೆಟ್ಟದಪುರದ ಜನರು!
ಗುಜರಾತ್ ಕರಕುಶಲ ಉತ್ಸವದ ಸದುಪಯೋಗ ಪಡೆದುಕೊಳ್ಳಿ: ಕೆ ಎಂ ಗಾಯಿತ್ರಿ
ನ್ಯಾಯಾಲಯದಲ್ಲಿ ಜವಾನ ಹುದ್ದೆಗಳ ಭರ್ತಿಗೆ ಅಧಿಸೂಚನೆ !
ಮೂಡ ಹಗರಣಕ್ಕೆ ಸಂಬಂಧಿಸಿದ ವ್ಯಕ್ತಿಯ ಅಮಾನತು ಮಾಡುವಂತೆ ಪ್ರತಿಭಟನೆ
ಗುಜರಾತ್ ಹ್ಯಾಂಡಿಕ್ರಾಫ್ಟ್ ಉತ್ಸವ -2024 ಕುರಿತು ಪತ್ರಿಕಾಗೋಷ್ಠಿಯನ್ನು ಏರ್ಪಡಿಸಲಾಯಿತು
T20 ವಿಶ್ವ ಚಾಂಪಿಯನ್ ಟೀಮ್ ಇಂಡಿಯಾವನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ
4,000 ಕೋಟಿ ಬ್ರಹ್ಮಾಂಡ ಭ್ರಷ್ಟಾಚಾರ ಹಗರಣ ವಿರೋಧಿಸಿ ಪ್ರತಿಭಟನೆ
ಗ್ರಾಮ ಪಂಚಾಯಿತಿಗಳಲ್ಲೇ, ಜನನ ಮತ್ತು ಮರಣ, 'ಪ್ರಮಾಣ ಪತ್ರ' ದೊರೆಯುತ್ತದೆ.
ಮಿನಿ ಉದ್ಯೋಗ ಮೇಳ..!
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.