ಇಂದು ವಿಶ್ವ ಪ್ರಸಿದ್ಧಿಯನ್ನು ಪಡೆದಿರುವಂತಹ ಯೋಗವು ಹಲವಾರು ಶತಮಾನಗಳಿಗೂ ಹಿಂದಿನಿಂದಲೂ ಭಾರತದಲ್ಲಿ ಜನ್ಮ ತಳೆದಿದೆ. ಋಷಿ ಮುನಿಗಳು ಪ್ರಮುಖವಾಗಿ ಯೋಗಾಸನದಿಂದಲೇ ತಮ್ಮ ಜೀವಿತಾವಧಿಯನ್ನು ಹೆಚ್ಚಿಸಿಕೊಳ್ಳುತ್ತಾ, ಹಠ ಯೋಗದಲ್ಲಿ ನಿರತರಾಗುತ್ತಿದ್ದರು.
ಇಂತಹ ಯೋಗಾಸನಗಳು ಇಂದಿಗೂ ಪ್ರಸ್ತುತ. ಅನಾರೋಗ್ಯ ದೂರವಿಟ್ಟು, ಆರೋಗ್ಯ ಕಾಪಾಡುವಂತಹ ಯೋಗಾಸನವು ದೇಹದಲ್ಲಿ ಕಾಡುವಂತಹ ನಿಶ್ಯಕ್ತಿಯನ್ನು ದೂರ ಮಾಡುವುದು.
ಇಂತಹ ಕೆಲವು ಯೋಗಾಸನಗಳ ಬಗ್ಗೆ ನಾವು ನಿಮಗೆ ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ. ಈ ಯೋಗಗಳನ್ನು ನಿತ್ಯವೂ ಅಭ್ಯಾಸ ಮಾಡಿದರೆ ಅದರಿಂದ ಖಿನ್ನತೆ, ನೋವು, ನಿಶ್ಯಕ್ತಿ ದೂರವಾಗುವುದು.
ಬಾಲಾಸನ
ಸಮಯ 3-5 ನಿಮಿಷ
ಲಾಭಗಳು:
ಸೊಂಟ, ತೆರೆಯುವುದು, ಬೆನ್ನಿಗೆ ವಿಶ್ರಾಂತಿ ನೀಡುವುದು ಹಾಗೂ ದೇಹಕ್ಕೆ ಶಮನ.
ನೆಲದ ಮೇಲೆ ಕುಳಿತುಕೊಳ್ಳಿ ಮತ್ತು ಪೃಷ್ಠದ ಕೆಳಗಡೆ ಕಾಲುಗಳು ಜತೆಯಾಗಿರಲಿ ಮತ್ತು ಮೊಣಕಾಲುಗಳು ಗಳನ್ನು ಸ್ವಲ್ಪ ಅಗಲ ಮಾಡಿ. ಹಾಗೆ ಮುಂದಕ್ಕೆ ಬಾಗಿಕೊಂಡು ನೆಲದ ಮೇಲೆ ಹಣೆಯನ್ನು ಇಟ್ಟುಬಿಡಿ. ಹಣೆಯು ನೆಲಕ್ಕೆ ತಾಗದೆ ಇದ್ದರೆ ಆಗ ನೀವು ತಲೆದಿಂಬು ಬಳಸಬಹುದು. ನಿಧಾನವಾಗಿ ದೀರ್ಘವಾಗಿ ಉಸಿರಾಡುತ್ತಾ ಇರಬೇಕು.
ಬೆಕ್ಕು, ಗೋ ಆಸನ
ಸಮಯ: 2 ನಿಮಿಷ
ಲಾಭಗಳು:
ಬೆನ್ನುಹುರಿ ತೆರೆಯುವುದು, ಜೀರ್ಣಕ್ರಿಯೆ ಸುಧಾರಣೆ, ಬೆನ್ನು ನೋವು ತಗ್ಗಿಸುವುದು.
ಮೊಣಕಾಲು ಮತ್ತು ಕೈಗಳಿಂದ ಆರಂಭಿಸಿ. ಮೊಣಕಾಲುಗಳನ್ನು ಸೊಂಟದಿಂದ ಸ್ವಲ್ಪ ದೂರವಿಡಿ ಮತ್ತು ಕೈಗಳು ಭುಜದಷ್ಟು ಅಗಲವಾಗಿರಲಿ.
ಉಸಿರಾಡುತ್ತಾ ಸೊಂಟವನ್ನು ಮೇಲಕ್ಕೆತ್ತಿ ಮತ್ತು ಹೊಟ್ಟೆಯು ಹಾಗೆ ಇರಲಿ, ಭುಜಗಳನ್ನು ಹಿಂದೆ ಮಾಡಿ ಮತ್ತು ಮುಂದಕ್ಕೆ ನೋಡಿ. ಉಸಿರನ್ನು ಬಿಡುತ್ತಿರವಾಗ ಹಾಗೆ ತಲೆಯನ್ನು ಕೆಳಗೆ ಮಾಡಿ. ಇದನ್ನು 5-6 ಸಲ ಮಾಡಿ.
ಸುಪೈನ್ ಟ್ವಿಸ್ಟ್
ಸಮಯ: 2-3 ನಿಮಿಷ
ಲಾಭಗಳು:
ಭುಜಗಳನ್ನು ತೆರೆಯುವುದು, ಜೀರ್ಣಕ್ರಿಯೆ ಸುಧಾರಣೆ, ಬೆನ್ನಿನ ಕೆಳಭಾಗಕ್ಕೆ ಆರಾಮ.
ಮೊಣಕಾಲನ್ನು ಮಡಚಿಕೊಂಡು ಬೆನ್ನ ಮೇಲೆ ಮಲಗಿ ಮತ್ತು ಕಾಲುಗಳು ನೆಲದಲ್ಲಿರಲಿ.
ಮೊಣಕಾಲನ್ನು ಬಲದ ಬದಿಗೆ ತನ್ನಿ ಮತ್ತು ಎಡ ಭುಜವು ನೆಲದ ಮೇಲಿರಲಿ. ಇದರ ಬಳಿಕ ಕೈಗಳನ್ನು ಟಿ ಆಕಾರಕ್ಕೆ ತನ್ನಿ ಮತ್ತು ಎಡದ ಭುಜವನ್ನು ನೋಡಿ. ದೀರ್ಘವಾಗಿ ಉಸಿರಾಡಿದ ವೇಳೆ ನಿಮಗೆ ಸೆಳೆತದ ಒಳ್ಳೆಯ ಅನುಭವ ಆಗುವುದು.
ಕುರ್ಚಿಯ ಭಂಗಿ
ಸಮಯ: 3-5 ನಿಮಿಷ
ಲಾಭಗಳು:
ನರ ವ್ಯವಸ್ಥೆಗೆ ಶಮನ ನೀಡುವುದು, ರಕ್ತದೊತ್ತಡ ನಿಯಂತ್ರಣ, ಬೆನ್ನು, ಕಾಲು ಮತ್ತು ಪಾದಗಳಲ್ಲಿನ ಸ್ನಾಯುಗಳ ಬಿಡುಗಡೆ.
ಇದನ್ನು ಕುರ್ಚಿ ಅಥವಾ ಗೋಡೆಯ ನೆರವಿನಿಂದ ಮಾಡಬಹುದು. ಗೋಡೆಗೆ ಸಮನವಾಗಿ ಕುಳಿತುಕೊಳ್ಳಿ. ಕಾಲುಗಳನ್ನು ಹಾಗೆ ಗೋಡೆಗೆ ತನ್ನಿ ಮತ್ತು ನೀವು ಹಾಗೆ ಬೆನ್ನನ್ನು ನೆಲಕ್ಕೆ ತನ್ನಿ.
ಆರಾಮವಾಗಿ ಹಾಗೆ ವಿಶ್ರಾಂತಿ ಮಾಡಿ. ತಲೆ ಮತ್ತು ಸೊಂಟದ ಭಾಗಕ್ಕೆ ತಲೆದಿಂಬು ಬಳಸಬಹುದು. ಒಂದು ಕೈಯನ್ನು ಹೊಟ್ಟೆ ಮತ್ತೊಂದನ್ನು ಎದೆಯ ಮೇಲಿಡಿ. ಕೈಗಳನ್ನು ಚಲಿಸುವಾಗ ಹಾಗೆ ಉಸಿರಾಡಿ.
ಚಿಟ್ಟೆಯ ಭಂಗಿ
ಸಮಯ: 2-3 ನಿಮಿಷ
ಲಾಭಗಳು:
ಒಳಗಿನ ತೊಡೆ ಮತ್ತು ಸೊಂಟ ಸೆಳೆಯುವುದು, ನಿಶ್ಯಕ್ತಿ ಹೋಗಲಾಡಿಸುವುದು ಮತ್ತು ಕರುಳಿನ ಕ್ರಿಯೆ ಸರಾಗವಾಗಿಸುವುದು.
ನೆಲದ ಮೇಲೆ ಕುಳಿತುಕೊಳ್ಳಿ ಮತ್ತು ಹಿಂಗಾಲುಗಳನ್ನು ಜತೆಯಾಗಿಸಿಕೊಳ್ಳಿ. ಪಾದಗಳನ್ನು ಹಾಗೆ ಮೇಲಕ್ಕೆ ತನ್ನಿ ಮತ್ತು ಹಾಗೆ ಮುಂದಕ್ಕೆ ಬಾಗಿಗೊಂಡು ಪಾದಗಳನ್ನು ಸೊಂಟದ ಭಾಗಕ್ಕೆ ತನ್ನಿ. ಕಣ್ಣುಗಳನ್ನು ಮುಚ್ಚಿಕೊಳ್ಳಿ ಮತ್ತು 2-3 ನಿಮಿಷ ಕಾಲ ಹಾಗೆ ಇರಿ.
ಶವಾಸನ
ಸಮಯ: 5-10 ನಿಮಿಷ
ಲಾಭಗಳು:
ಒತ್ತಡ ನಿವಾರಣೆ, ಮಾನಸಿಕ ಏಕಾಗ್ರತೆ ಹೆಚ್ಚಳ, ವಿಶ್ರಾಂತಿ
ಬೆನ್ನ ಮೇಲೆ ಹಾಗೆ ಮಲಗಿಕೊಳ್ಳಿ ಮತ್ತು ಕಾಲುಗಳನ್ನು ಅಗಲ ಮಾಡಿಕೊಳ್ಳಿ. ದೇಹದ ಎರಡು ಬದಿಯಲ್ಲಿ ಕೈಗಳು ಇರಲಿ. ಅಂಗೈಯು ಮೇಲಕ್ಕೆ ನೋಡುತ್ತಲಿರಲಿ ಮತ್ತು ಕಣ್ಣುಗಳನ್ನು ಮುಚ್ಚಿ.
ಇದನ್ನು ನಿಮಗೆ ಬೇಕಾದಷ್ಟು ಹೊತ್ತು ಮಾಡಬಹುದು. ಹಾಗೆ ಉಸಿರಾಟದ ಮೇಲೆ ಗಮನ ನೀಡಿ. ಶವಾಸನದ ವೇಳೆ ನೀವು ಹಾಗೆ ಉಸಿರಾಟದ ಮೂಲಕ ಧ್ಯಾನ ಮಾಡಬಹುದು. ಆದರೆ ಇದನ್ನು ಸರಳವಾಗಿ ಮಾಡಬೇಕು.
