ಯಾವಾಗ ಮನುಷ್ಯನ ಆಹಾರ ಪದ್ಧತಿ ಚೆನ್ನಾಗಿರುತ್ತದೆ ಆಗ ಸಾಮಾನ್ಯವಾಗಿ ರೋಗ ರುಜಿನಗಳು ಹತ್ತಿರ ಕೂಡ ಬರುವುದಿಲ್ಲ. ಅನುವಂಶಿಯವಾಗಿ ಬಿಟ್ಟರೆ ಬೇರೆ ಕಾರಣಗಳಿಂದ ಈ ರೀತಿಯ ತೊಂದರೆ ಆಗಲು ಸಾಧ್ಯವಿರುವುದಿಲ್ಲ. ಹೆಚ್ಚಾಗಿ ಈಗಿನ ಕಾಲದಲ್ಲಿ ಜನರು ಧೂಮಪಾನದ ಅಭ್ಯಾಸ ಮಾಡಿಕೊಂಡಿರುತ್ತಾರೆ. ಇದರಿಂದ ಶ್ವಾಸಕೋಶಕ್ಕೆ ಸಂಬಂಧಪಟ್ಟಂತೆ ಮತ್ತು ಉಸಿರಾಟದ ತೊಂದರೆಯನ್ನು ಅನುಭವಿಸುತ್ತಿರುತ್ತಾರೆ. ಕೆಮ್ಮು, ದಮ್ಮು, ಅಸ್ತಮಾ ಇಂತಹ ತೊಂದರೆಗಳು ಸಾಕಷ್ಟು ಹೆಚ್ಚಾಗಿರುತ್ತವೆ.
ಇದಕ್ಕೆಲ್ಲ ಪರಿಹಾರ ಎಂದು ಕೇವಲ ಔಷಧಿಗಳನ್ನು ಹುಡುಕಿಕೊಂಡು ಹೋಗುವುದಲ್ಲ. ಬದಲಾಗಿ ಮನೆಯಲ್ಲೇ ನಮ್ಮ ಹಿಂದಿನ ಹಿರಿಯರು ಮಾಡುತ್ತಿದ್ದ ಮನೆ ಮದ್ದುಗಳನ್ನು ಈಗಲೂ ನಾವು ಸಹ ಟ್ರೈ ಮಾಡಿ ಪರಿಹಾರ ಮಾಡಿಕೊಳ್ಳಬಹುದು. ಈ ನಿಟ್ಟಿನಲ್ಲಿ ನೋಡುವುದಾದರೆ ಅಸ್ತಮಾ ವಿಚಾರಕ್ಕೆ ಬೆಲ್ಲ ತುಂಬಾ ಒಳ್ಳೆಯದು ಎಂಬುದು ತಜ್ಞರ ಅಭಿಪ್ರಾಯ.
ಇದರಲ್ಲಿ ಕಬ್ಬಿಣದ ಅಂಶ ಇದೆ
ಹೌದು ಬೆಲ್ಲದಲ್ಲಿ ಕಬ್ಬಿಣದ ಪ್ರಮಾಣ ಹೇರಳವಾಗಿದೆ. ಹಾಗಾಗಿ ಇದು ಅನಿಮಿಯ ವಿರುದ್ಧ ಹೋರಾಡು ತ್ತದೆ ಮತ್ತು ಕೆಂಪು ರಕ್ತ ಕಣಗಳನ್ನು ದೇಹದಲ್ಲಿ ಹೆಚ್ಚು ಮಾಡುತ್ತದೆ. ಇದರಿಂದ ದೇಹದಲ್ಲಿ ರಕ್ತ ಸಂಚಾರ ಉತ್ತೇಜಿಸುತ್ತದೆ ಜೊತೆಗೆ ಉಸಿರಾಟ ವ್ಯವಸ್ಥೆ ಕೂಡ ಅಭಿವೃದ್ಧಿಯಾಗುತ್ತದೆ.
ಬೆಲ್ಲ ಅಲರ್ಜಿ ವಿರೋಧಿ
ಯಾರಿಗೆ ಶ್ವಾಸಕೋಶದಲ್ಲಿ ತೊಂದರೆ ಇದ್ದು, ಉಸಿರಾಟ ವ್ಯವಸ್ಥೆ ಕಷ್ಟವಾಗುತ್ತದೆ ಅಂತಹವರಿಗೆ ದಮ್ಮು ಮತ್ತು ಅಸ್ತಮ ಸಮಸ್ಯೆ ಕಂಡುಬರುವ ಸಾಧ್ಯತೆ ದಟ್ಟವಾಗಿರುತ್ತದೆ. ಹಾಗಾಗಿ ಆಗಾಗ ಸ್ವಲ್ಪ ಪ್ರಮಾಣದ ಬೆಲ್ಲ ಬಾಯಲ್ಲಿ ಹಾಕಿಕೊಳ್ಳುವುದರಿಂದ ಕೆಮ್ಮಿನ ಸಮಸ್ಯೆಯಿಂದ ಪಾರಾಗಬಹುದು.
ಖನಿಜಾಂಶಗಳ ಕಣಜ ಬೆಲ್ಲ
• ಬೆಲ್ಲದಲ್ಲಿ ನಿಮ್ಮ ನಿರೀಕ್ಷೆಗೂ ಮೀರಿದ ಖನಿಜಾಂಶಗಳ ಪ್ರಮಾಣ ಇದೆ. ನಿಜ ಹೇಳಬೇಕು ಎಂದರೆ ಬೆಲ್ಲದಲ್ಲಿ ಪೊಟಾಸಿಯಂ, ಸೋಡಿಯಂ, ಕ್ಯಾಲ್ಸಿಯಂ, ಫಾಸ್ಫರಸ್ ಮತ್ತು ಜಿಂಕ್ ಹೆಚ್ಚಾಗಿದೆ.
• ಇದು ಆರೋಗ್ಯಕರವಾದ ಜೀವನಕ್ಕೆ ಸಹಕಾರಿಯಾಗಿದೆ ಜೊತೆಗೆ ಮೆಗ್ನೀಷಿಯಂ ಇರುವುದರಿಂದ ನರಮಂಡಲಗಳಿಗೆ ಸಹಕಾರಿ ಜೊತೆಗೆ ದೇಹದ ಮಾಂಸ ಖಂಡಗಳನ್ನು ಶಾಂತಗೊಳಿಸುತ್ತದೆ. ಶ್ವಾಸಕೋಶದ ಭಾಗದಲ್ಲಿ ಉತ್ತಮ ಉಸಿರಾಟ ವ್ಯವಸ್ಥೆಗೆ ಅನುಕೂಲ ಮಾಡಿಕೊಡುತ್ತದೆ. ವಿಪರೀತ ಅಸ್ತಮಾ ಇರುವವರಿಗೆ ಬೆಲ್ಲ ತುಂಬಾ ಒಳ್ಳೆಯದು.
ಬೆಲ್ಲದ ಸೇವನೆ ಹೇಗೆ?
• ಊಟ ಆದ ಮೇಲೆ ಒಂದು ಸಣ್ಣ ಬೆಲ್ಲದ ಚೂರನ್ನು ಬಾಯಿಯಲ್ಲಿ ಹಾಕಿಕೊಂಡು ತಿನ್ನಬೇಕು. ಇದರಿಂದ ಸಿಹಿ ತಿನ್ನಬೇಕು ಎನ್ನುವ ಆಸೆ ಕಡಿಮೆ ಆಗುತ್ತದೆ ಜೊತೆಗೆ ಮಾಂಸ ಖಂಡಗಳಿಗೆ ವಿಶ್ರಾಂತಿ ಒದಗಿಸುತ್ತದೆ.
• ನೀವು ತಯಾರು ಮಾಡುವ ಆಹಾರ ಪದಾರ್ಥಗಳಲ್ಲಿ ಕೂಡ ಬೆಲ್ಲವನ್ನು ಬಳಸಬಹುದು. ಪಲ್ಯಗಳು ಇತ್ಯಾದಿಗಳಲ್ಲಿ ಬೆಲ್ಲ ಬಳಕೆ ಮಾಡುವುದರಿಂದ ಅದರ ಪ್ರಯೋಜನ ಮತ್ತಷ್ಟು ಹೆಚ್ಚಾಗುತ್ತದೆ.
ಒಳ್ಳೆಯ ಬೆಲ್ಲ ಖರೀದಿ ಮಾಡುವುದು ಹೇಗೆ?
• ಇತ್ತೀಚಿಗೆ ಮಾರುಕಟ್ಟೆಯಲ್ಲಿ ಬಹುತೇಕ ಎಲ್ಲಾ ಪದಾರ್ಥಗಳಲ್ಲಿ ನಾವು ಕಲಬೆರಕೆ ಕಾಣುತ್ತಿದ್ದೇವೆ. ಬೆಲ್ಲ ಕೂಡ ಇದಕ್ಕೆ ಹೊರತಲ್ಲ. ಇದರಲ್ಲಿ ಕೂಡ ಹಲವಾರು ರಾಸಾಯನಿಕ ಅಂಶಗಳು ಸೇರಿಕೊಂಡಿರುತ್ತದೆ. ಹಾಗಾಗಿ ಸಾಧ್ಯವಾದಷ್ಟು ನಾವು ಕೆಟ್ಟ ರಾಸಾಯನಿಕ ಪದಾರ್ಥಗಳು ಇಲ್ಲದ ಬೆಲ್ಲವನ್ನು ಅಂದರೆ ಸಾವಯುವ ಬೆಲ್ಲವನ್ನು ಸವಿಯಬೇಕು.
• ಬೆಲ್ಲ ಖರೀದಿ ಮಾಡುವಾಗ ಅದರ ಬಣ್ಣ ಮತ್ತು ಅದು ಹೇಗಿದೆ ಎಂಬುದನ್ನು ಮೊದಲು ಗಮನಿಸಿ ನೋಡಿ. ಸಾಧ್ಯವಾದಷ್ಟು ಬೆಲ್ಲ ಮುಟ್ಟಲು ಮೆತ್ತಗಿರಬೇಕು ಮತ್ತು ಗಾಢವಾದ ಬಣ್ಣ ಹೊಂದಿರ ಬೇಕು. ಬೆಲ್ಲ ಗಟ್ಟಿ ಇದ್ದರೆ ಅದರಲ್ಲಿ ಹೆಚ್ಚು ಜೀವಿತಾವಧಿ ಬರಲು ರಾಸಾಯನಿಕ ಅಂಶಗಳನ್ನು ಸೇರಿಸಿದ್ದಾರೆ ಎಂದರ್ಥ.
• ಚಳಿಗಾಲದಲ್ಲಿ ಬೆಲ್ಲ ಖರೀದಿ ಮಾಡುತ್ತಿದ್ದೀರಿ ಎಂದರೆ ತುಂಬಾ ಒಳ್ಳೆಯದು. ಏಕೆಂದರೆ ನಿಮಗೆ ಈ ಸಮಯದಲ್ಲಿ ಕಬ್ಬು ಕತ್ತರಿಸಿ ತಯಾರು ಮಾಡಿದ ಫ್ರೆಶ್ ಬೆಲ್ಲ ಸಿಗುತ್ತದೆ. ಹಾಗಾಗಿ ವರ್ಷಕ್ಕೊಂದು ಬಾರಿ ಚಳಿಗಾಲದಲ್ಲಿ ಬೆಲ್ಲ ಖರೀದಿಸಿ.
