ಯೊಗಾಸನಗಳು ಆರೋಗ್ಯವನ್ನು ಉತ್ತಮಗೊಳಿಸಲು ಇರುವ ಸರಳ ವಿಧಾನವಾಗಿದೆ. ಮಾನಸಿಕ, ದೈಹಿಕ ಆರೋಗ್ಯ ಸೇರಿದಂತೆ ಇಂದಿನ ಜನರ ಬಹುದೊಡ್ಡ ಸಮಸ್ಯೆಯಾದ ತೂಕ ಇಳಿಕೆಗೆ ಕೂಡ ಯೋಗಾಸನಗಳು ಸಹಕಾರಿಯಾಗಿವೆ.
ಪ್ರಕೃತಿಯ ಭಾಗವಾದ ಯೋಗ ದೇಹದ ಸರ್ವತೋಮುಖ ಆರೋಗ್ಯವನ್ನು ಕಾಪಾಡುತ್ತದೆ. ಎಲ್ಲಾ ವಯೋಮಾನದವರೂ ಕೂಡ ಯೋಗಾಸನಗಳನ್ನು ಮಾಡಬಹುದಾಗಿದೆ. ಆದರೆ ಸರಿಯಾಗಿ ತರಬೇತಿ ಪಡೆದುಕೊಳ್ಳುವುದು ಮುಖ್ಯ.
ತರಬೇತಿ ಇಲ್ಲದೆ ಆಸನಗಳನ್ನು ಮಾಡಿದರೆ, ಇನ್ನೊಂದು ರೀತಿಯ ಅನಾರೋಗ್ಯ ಕಾಡಬಹುದು. ಹಾಗಾದರೆ ಯೋಗ ದೇಹಕ್ಕೆ ಉಪಯುಕ್ತ ರೀತಿಯಲ್ಲಿ ಪರಿಣಾಮ ಬೀರಬೇಕು ಎಂದರೆ ಯಾವೆಲ್ಲಾ ಅಂಶಗಳನ್ನು ಗಮನಿಸಬೇಕು, ಯೋಗಕ್ಕೆ ತಯಾರಿ ಹೇಗಿರಬೇಕು ಎಂದು ಯೋಗ ಶಿಕ್ಷಕಿ ಅಹಲ್ಯಾ ಅವರು ಟಿಪ್ಸ್ ನೀಡಿದ್ದಾರೆ ಇಲ್ಲಿದೆ ನೋಡಿ.
ಯೋಗ ಮಾಡುವ ಮೊದಲು ತಯಾರಿ ಈ ರೀತಿ ಇರಲಿ
• ಯೋಗದ ಅಭ್ಯಾಸಗಳನ್ನು ಚೆನ್ನಾಗಿ ಗಾಳಿ ಇರುವ ಕೋಣೆಯಲ್ಲಿ ಮಾಡಬೇಕು, ಯೋಗ ಮ್ಯಾಟ್ ಹಾಸಿಕೊಳ್ಳಲು ಮರೆಯದಿರಿ.
• ಬಾಯಿ, ಮುಖವನ್ನು ತೊಳೆದುಕೊಂಡು ಯೋಗ ಮಾಡುವುದು ಒಳ್ಳೆಯದು. ಅದೂ ಅಲ್ಲದೆ ಯೋಗಾಭ್ಯಾಸವಾದ ತಕ್ಷಣ ಸ್ನಾನ ಮಾಡುವುದು ಒಳ್ಳೆಯದಲ್ಲ.
• ಯೋಗಾಭ್ಯಾಸಗಳನ್ನು ಖಾಲಿ ಹೊಟ್ಟೆಯಲ್ಲಿ ಮಾಡಬೇಕು. ಯಾವುದೇ ದ್ರವವನ್ನು ಸೇವಿಸಿದ ನಂತರ, ಅಭ್ಯಾಸವನ್ನು ಪ್ರಾರಂಭಿಸುವ ಮೊದಲು ಅರ್ಧ ಘಂಟೆಯವರೆಗೆ ಕಾಯಿರಿ. ಲಘು ಆಹಾರವನ್ನು ತೆಗೆದುಕೊಂಡರೆ, 1-2 ಗಂಟೆಗಳ ಕಾಲ ಕಾಯಿರಿ. ಪೂರ್ಣ ಊಟವನ್ನು ತೆಗೆದುಕೊಂಡರೆ, 3-4 ಗಂಟೆಗಳ ಕಾಲ ನಂತರ ಯೋಗಾಭ್ಯಾಸ ಮಾಡಿ.
• ಯೋಗಾಭ್ಯಾಸವನ್ನು ಪ್ರಾರಂಭಿಸಲು ಸೂಕ್ತವಾದ ಮಾರ್ಗವೆಂದರೆ ನೆಲದ ಮೇಲೆ ಮ್ಯಾಟ್’ನ್ನು ಹರಡಿ, ಬೆಳಿಗ್ಗೆ ಪೂರ್ವ ಅಥವಾ ಉತ್ತರಕ್ಕೆ ಮತ್ತು ಸಂಜೆ ಪಶ್ಚಿಮ ಅಥವಾ ಉತ್ತರಕ್ಕೆ ಎದುರಾಗಿ ಯೋಗವನ್ನು ಮಾಡಬೇಕು.
• ಯೋಗದಲ್ಲಿ ಪ್ರಾಣಾಯಾಮ ಅತಿ ಮುಖ್ಯವಾಗಿರಬೇಕು. ಅದೇ ರೀತಿ ಆದಷ್ಟು ಸಡಿಲವಾದ ಬಟ್ಟೆಗಳನ್ನು ಧರಿಸಿದರೆ ಒಳ್ಳೆಯದು.
ಯೋಗ ಪರಿಣಾಮಕಾರಿಯಾಗಿರಬೇಕೆಂದರೆ ಅಭ್ಯಾಸ ಹೀಗಿರಲಿ
ಉಸಿರಾಟದೆಡೆಗೆ ಗಮನವಿರಲಿ
ಯೋಗ ಮಾಡುವಾಗ ಮುಖ್ಯವಾಗಿ ಉಸಿರಾಟದೆಡೆಗೆ ಗಮನವಹಿಸಬೇಕು. ದೇಹದ ಚಲನೆಯ ಜೊತೆಗೆ ಉಸಿರಿನೆಡೆಗೆ ಗಮನ ನೀಡಿದಾಗ ಪೂರ್ತಿ ದೇಹದೆಡೆಗೆ ಲಕ್ಷ್ಯ ನೀಡಿದಂತಾಗುತ್ತದೆ. ಹಾಗೆಂದು ದೈಹಿಕ ಚಲನೆಯನ್ನು ನಿಲ್ಲಿಸಬೇಡಿ. ಎರಡನ್ನೂ ಬ್ಯಾಲೆನ್ಸ್ ಮಾಡಿ. ದೀರ್ಘವಾದ ಉಸಿರಾಟ ಯೋಗಕ್ಕೆ ಮುಖ್ಯವಾಗಿದೆ.
ನಿಮ್ಮ ಸಾಮರ್ಥ್ಯದ ಬಗ್ಗೆ ಅರಿವಿರಲಿ
ನೀವು ಅಭ್ಯಾಸ ಮಾಡುವ ಪ್ರತಿ ಬಾರಿ ನಿಮ್ಮ ಸಾಮರ್ಥ್ಯ, ನಮ್ಯತೆ ಮತ್ತು ಶಕ್ತಿಯ ಮಟ್ಟ ತಿಳಿದಿರಲಿ. ಇವು ದಿನದಿಂದ ದಿನಕ್ಕೆ ಬದಲಾಗಬಹುದು. ನೀವು ಭಂಗಿಗಳನ್ನು ಮಾಡುತ್ತಿರುವಾಗ ಉತ್ತಮ ಭಾವನೆ ಮತ್ತು ನೀವು ಮಾಡಿದ ನಂತರ ಉಲ್ಲಾಸ ಮತ್ತು ಚೈತನ್ಯವನ್ನು ಪಡೆಯಬೇಕು. ಅದರ ಬದಲಾಗಿ ನೀವು ಆಯಾಸವನ್ನು ಹೊಂದುತ್ತಿದ್ದರೆ ಆ ರೀತಿಯ ಭಂಗಿಗಳನ್ನು ನಿಲ್ಲಿಸಿ.
ಸಮತೋಲಿತ ಅಭ್ಯಾಸ ರೂಢಿಯಲ್ಲಿರಲಿ
ಯೋಗಾಸನ ಮಾಡುವಾಗ ಒಂದು ಭಂಗಿಯಿಂದ ಇನ್ನೊಂದು ಭಂಗಿಗೆ ಮುಂದುವರೆಯುವ ಬಗ್ಗೆ ತಿಳಿದಿರಬೇಕು. ಅದೇ ರೀತಿ ಒಂದು ದಿನ ಹೆಚ್ಚು ಹೊತ್ತು, ಇನ್ನೊಂದು ದಿನ ಕಡಿಮೆ ಸಮಯ ಯೋಗಾಸನ ಮಾಡುವುದು ಒಳ್ಳೆಯದಲ್ಲ. ಇದಕ್ಕಾಗಿ ನಿಮ್ಮ ಸಾಮರ್ಥ್ಯದ ಬಗ್ಗೆ ತಿಳಿದುಕೊಂಡು ಯೋಗ ತರಬೇತುದಾರರ ಬಳಿ ಸರಿಯಾದ ಸಲಹೆ ಪಡೆದುಕೊಳ್ಳಿ.
ಗ್ರಂಥಾಲಯ ಕಂ ಸಹಾಯಕ ಹುದ್ದೆಗೆ ಅರ್ಜಿ….
ಚಿಕ್ಕಬಳ್ಳಾಪುರ ಜಿಲ್ಲೆಯ ಆರು ತಾಲೂಕುಗಳಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆ…
ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯಿಂದ ಕೋ ಆರ್ಡಿನೇಟರ್ ಹುದ್ದೆಗಳು
ಹೆಚ್ಎಎಲ್ ಯಲ್ಲಿ ಅಪ್ರೆಂಟಿಸ್ ಹುದ್ದೆ
ಸಿಬ್ಬಂದಿ ನೇಮಕಾತಿ ಆಯೋಗ ಎಸ್ ಎಸ್ ಸಿ ಇಂದ 39,481 ಹುದ್ದೆಗಳ ನೇಮಕಾತಿ
ಚಿಕ್ಕಬಳ್ಳಾಪುರ ಗ್ರಾಮ ಪಂಚಾಯಿತಿಯಲ್ಲಿ ಗ್ರಂಥ ಪಾಲಕರು ಹಾಗೂ ಮೇಲ್ವಿಚಾರಕರ ಹುದ್ದೆಗಳು
ಮಂಗಳೂರಿನ ಸುರತ್ಕಲ್ ನಲ್ಲಿರುವ ಎನ್ ಐ ಟಿ ಕೆ ಯಲ್ಲಿ ಹುದ್ದೆಗಳಿಗೆ ಅರ್ಜಿ ಆಹ್ವಾನ..
ಗ್ರಾಮೀಣ ಅಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯಲ್ಲಿ ಫೆಲೋಶಿಪ್ ಹುದ್ದೆಗಳ ಭರ್ತಿ..
ರಾಮನಗರ ಜಿಲ್ಲೆ ವ್ಯಾಪ್ತಿಯಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆಗಳು..
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.