ಮನೆ ಉದ್ಯೋಗ ಬ್ಯುಸಿನೆಸ್ ಸ್ಟಡಿ ಓದಿದವರಿಗೆ ಯಾವ ಕ್ಷೇತ್ರದಲ್ಲಿ ಉದ್ಯೋಗಾವಕಾಶಗಳಿವೆ ಗೊತ್ತೇ?

ಬ್ಯುಸಿನೆಸ್ ಸ್ಟಡಿ ಓದಿದವರಿಗೆ ಯಾವ ಕ್ಷೇತ್ರದಲ್ಲಿ ಉದ್ಯೋಗಾವಕಾಶಗಳಿವೆ ಗೊತ್ತೇ?

April 3, 2023

ಮಾರ್ಕೆಟಿಂಗ್ ಡಿಗ್ರಿ, ಉದ್ಯಮಶಾಸ್ತ್ರ, ಇಂಟರ್ನ್ಯಾಷನಲ್ ಬ್ಯುಸಿನೆಸ್, ಹ್ಯೂಮನ್ ರಿಸೋರ್ಸ್ ಮ್ಯಾನೇಜ್ಮೆಂಟ್, ಆಪರೇಷನ್ಸ್ ಮ್ಯಾನೇಜ್ಮೆಂಟ್, ಪ್ರಾಜೆಕ್ಟ್ ಮ್ಯಾನೇಜ್ಮೆಂಟ್, ಹೀಗೆ ಹಲವು ಬ್ಯುಸಿನೆಸ್ ಡಿಗ್ರಿಗಳನ್ನು ಪಡೆಯುವುದು ಇತ್ತೀಚಿನ ದಿನಗಳಲ್ಲಿ ಹಾಟ್ ಫೇವರಿಟ್ ಆಗಿದೆ. ಹೀಗೆ ಹತ್ತು ಹಲವು ಸ್ಪೆಷಿಯಲೈಜೇಷನ್ ವ್ಯವಹಾರ ಶಾಸ್ತ್ರ ಓದಿದವರಿಗೆ ಯಾವೆಲ್ಲ ಅತಿ ಹೆಚ್ಚು ಸಂಬಳದ ಉದ್ಯೋಗಗಳು ಇವೆ ಎಂದು ಇಂದಿನ ಲೇಖನದಲ್ಲಿ ತಿಳಿಸಲಾಗಿದೆ.

ಮಾನವ ಸಂಪನ್ಮೂಲ ಕ್ಷೇತ್ರದಲ್ಲಿ ಉದ್ಯೋಗಾವಕಾಶ

ಸಿಬ್ಬಂದಿಯ ನೇಮಕಾತಿ, ತರಬೇತಿ, ಸಂಬಳ ನಿಗದಿ ಮುಂತಾದ ಎಲ್ಲ ವಿಷಯಗಳನ್ನು ಮಾನವ ಸಂಪನ್ಮೂಲ (ಹ್ಯೂಮನ್ ರಿಸೋರ್ಸ್-ಎಚ್ ಆರ್) ವಿಭಾಗವು ನಿರ್ವಹಿಸುತ್ತದೆ. ಇದನ್ನು ಒಂದು ಕಂಪನಿಗೆ ಬೇಕಾದ ಮಾನವ ಸಂಪನ್ಮೂಲ ಕ್ರೋಢೀಕರಿಸುವುದು ಎನ್ನಬಹುದು. ಉತ್ತಮ ಸಂವಹನ ಕೌಶಲವಿದ್ದು, ನಿರ್ದಿಷ್ಟ ಉದ್ಯಮವೊಂದರ ಕಾರ್ಯಚಟುವಟಿಕೆಗಳ ಬಗ್ಗೆ ಆಳವಾದ ಜ್ಞಾನ, ಕಾರ್ಮಿಕ ಕಾನೂನುಗಳ ಅರಿವು ಮತ್ತು ನೇಮಕಾತಿಯ ಬಗ್ಗೆ ಅರಿವು ಹಾಗೂ ಆಸಕ್ತಿ ಇರುವವರು ಎಚ್ ಆರ್ ವಿಭಾಗದಲ್ಲಿ ಉತ್ತಮ ಸಂಬಳದೊಂದಿಗೆ ಜಾಬ್ ಮಾಡಬಹುದು.

ಮಾರ್ಕೆಟಿಂಗ್ / ಜಾಹೀರಾತು ಉದ್ಯೋಗಾವಕಾಶ

ಕ್ರಿಯಾಶೀಲ ವ್ಯಕ್ತಿಗಳಿಗೆ ಈ ಕ್ಷೇತ್ರ ಬೆಸ್ಟ್. ಮಾರ್ಕೆಟ್ ರಿಸರ್ಚ್, ಮಾರ್ಕೆಟಿಂಗ್ ನೀತಿಯ ಅಭಿವೃದ್ಧಿಪಡಿಸುವಿಕೆ, ಗ್ರಾಹಕ ಕಂಪನಿಗಳೊಂದಿಗೆ ಸಂಪರ್ಕದಲ್ಲಿರುವುದು, ಕಾಪಿರೈಟರ್, ಡಿಸೈನರ್ ಮತ್ತು ಪ್ರಿಂಟರ್ಗಳಿಗೆ ಮಾರ್ಗದರ್ಶನ ನೀಡುವುದು ಮುಂತಾದ ಜವಾಬ್ದಾರಿ ಇಲ್ಲಿರುತ್ತವೆ.

ಅಕೌಂಟಿಂಗ್ / ಹಣಕಾಸು ಕ್ಷೇತ್ರ

ಬ್ಯುಸಿನೆಸ್ ಪದವಿಗಳ ಪಠ್ಯಕ್ರಮದಲ್ಲಿ ಸಾಮಾನ್ಯವಾಗಿ ಫೈನಾನ್ಸ್ ಹಾಗೂ ಅಕೌಂಟೆನ್ಸಿಗಳನ್ನು ಕಡ್ಡಾಯವಾಗಿ ಕಲಿಸಲಾಗುತ್ತದೆ. ಆದರೆ ಈ ಕ್ಷೇತ್ರಗಳಲ್ಲಿಯೇ ನೀವು ಭವಿಷ್ಯ ಕಟ್ಟಿಕೊಳ್ಳಬೇಕೆಂದು ನಿರ್ಧರಿಸಿದ್ದಲ್ಲಿ ಅದಕ್ಕಾಗಿ ಹೆಚ್ಚಿನ ತರಬೇತಿ ಪಡೆಯುವುದು ಅಗತ್ಯ. ಹೀಗಾಗಿ ಕೆಲಸ ಮಾಡುತ್ತಲೇ ನಿರ್ದಿಷ್ಟ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ವಿದ್ಯಾಭ್ಯಾಸ ಮುಂದುವರಿಸುವುದು ಸೂಕ್ತ. ಈ ಕ್ಷೇತ್ರದಲ್ಲಿ ಅತಿ ಹೆಚ್ಚು ಸಂಬಳ ನೀಡುವ ಹುದ್ದೆಗಳೆಂದರೆ ಫೈನಾನ್ಸ್ ಮತ್ತು ಅಕೌಂಟ್ಸ್ ಮ್ಯಾನೇಜರ್, ಸ್ಟಾಚುಟರಿ ಆಡಿಟರ್, ಟ್ಯಾಕ್ಸೇಷನ್ ಮ್ಯಾನೇಜರ್ ಮತ್ತು ಎಕ್ಸ್ಪರ್ಟ್, ಸಿಪಿಎ, ಇತರೆ.

ರಿಟೇಲ್ ಮತ್ತು ಸೇಲ್ಸ್ ಕ್ಷೇತ್ರದಲ್ಲಿನ ಉದ್ಯೋಗಾವಕಾಶ

ಬ್ಯುಸಿನೆಸ್ ಡಿಗ್ರಿ ಹೊಂದಿದವರಿಗೆ ಈ ಕ್ಷೇತ್ರದಲ್ಲಿ ಹಲವಾರು ಅತ್ಯುತ್ತಮ ಅವಕಾಶಗಳಿವೆ. ಮಳಿಗೆ ಅಥವಾ ಆಫೀಸ್ ನಲ್ಲಿ ಕೆಲಸ ಮಾಡುವುದು ಸೇರಿದಂತೆ ಸೇಲ್ಸ್ ಹಾಗೂ ಮಾರ್ಕೆಟಿಂಗ್ ಗಾಗಿ ದೇಶ-ವಿದೇಶ ಸುತ್ತಾಡುವ ಕೆಲಸಗಳೂ ಇಲ್ಲಿವೆ. ಇನ್ನು ಆಡಿಟಿಂಗ್, ಬ್ಯಾಂಕಿಂಗ್, ಸಂವಹನ, ಸರಕು ಸಾಗಣೆ ಮತ್ತು ಪೂರೈಕೆ, ಮಾಧ್ಯಮ ಸಂಪರ್ಕ, ಸಾರ್ವಜನಿಕ ಸಂಪರ್ಕ, ರಿಸ್ಕ್ ಮ್ಯಾನೇಜ್ಮೆಂಟ್ ಹೀಗೆ ಇನ್ನೂ ಹಲವಾರು ಉದ್ಯೋಗಾವಕಾಶಗಳು ಈ ಕ್ಷೇತ್ರದಲ್ಲಿವೆ.

ಮ್ಯಾನೇಜ್ಮೆಂಟ್ ವಲಯ

ಒಂದು ಕಂಪನಿಯ ಮ್ಯಾನೇಜರ್ ಆಗುವುದು ಸುಲಭದ ಮಾತಲ್ಲ. ಆಫೀಸ್ ಅವಧಿಗಿಂತ ಹೆಚ್ಚುವರಿ ಕೆಲಸ, ಸದಾಕಾಲ ಒಂದಿಲ್ಲೊಂದು ಜವಾಬ್ದಾರಿ ಹೀಗೆ ಹತ್ತಾರು ಕಡೆ ಏಕಕಾಲಕ್ಕೆ ನಿಗಾವಹಿಸುವ ಕೆಲಸ ಇದಾಗಿದೆ. ಆದರೆ ಮ್ಯಾನೇಜ್ಮೆಂಟ್ ವಲಯದಲ್ಲಿ ಸಂಬಳ ಮಟ್ಟವು ಅಧಿಕವಾಗಿದ್ದು, ಬೇಗನೆ ಕೆಲಸದಲ್ಲಿ ಬಡ್ತಿ ಪಡೆಯುವ ಸಾಧ್ಯತೆಗಳಿರುವುದರಿಂದ ಈ ಜವಾಬ್ದಾರಿ ನಿಭಾಯಿಸುವುದು ಒಳ್ಳೆಯದೇ ಎಂದು ಹೇಳಬೇಕಾಗುತ್ತದೆ. ಮ್ಯಾನೇಜರ್ ಹುದ್ದೆಗೆ ಹೆಚ್ಚು ಸಂಬಳ ಈ ವಲಯದಲ್ಲಿ ಸಿಗಲಿದೆ.

ಕನ್ಸಲ್ಟೆನ್ಸಿ ವಲಯದಲ್ಲಿ ಉದ್ಯೋಗಾವಕಾಶ

ಬ್ಯುಸಿನೆಸ್ ಕನ್ಸಲ್ಟೆನ್ಸಿ ಎಂಬುದು ಬ್ಯುಸಿನೆಸ್ ಡಿಗ್ರಿ ಪಡೆದವರಿಗೆ ಮತ್ತೊಂದು ಉತ್ತಮ ಕ್ಷೇತ್ರವಾಗಿದೆ. ಒಂದು ತಂಡದ ಸದಸ್ಯನಾಗಿ ಕೆಲಸ ಮಾಡುತ್ತ, ನಿಮ್ಮ ವ್ಯವಹಾರ, ಉದ್ಯಮದ ಪರಿಣಿತಿ ಹಾಗೂ ಕೌಶಲಗಳನ್ನು ಕ್ರೋಢೀಕರಿಸಿ ಮತ್ತೊಂದು ಕಂಪನಿಯ ಬೆಳವಣಿಗೆಗೆ ಸಲಹೆಗಳನ್ನು ನೀಡುವುದು ಈ ಕ್ಷೇತ್ರದ ಪ್ರಮುಖ ಜವಾಬ್ದಾರಿಯಾಗಿರುತ್ತದೆ. ಈ ಕ್ಷೇತ್ರದಲ್ಲೂ ಡೀಸೆಂಟ್ ಸಂಬಳದ ಹುದ್ದೆಗಳಿವೆ.

ಮಾಧ್ಯಮ ಕ್ಷೇತ್ರದಲ್ಲಿ ಉದ್ಯೋಗಾವಕಾಶ

ಈ ಪದವಿ ಪಡೆದವರಿಗೆ ಮಾಧ್ಯಮ ಕ್ಷೇತ್ರದಲ್ಲೂ ಉದ್ಯೋಗಗಳಿವೆ. ಟಿವಿ, ಪತ್ರಿಕೆ, ಚಲನಚಿತ್ರ, ಆನ್ಲೈನ್ ಮೀಡಿಯಾ, ಮ್ಯಾಗಜೀನ್ ಹೀಗೆ ಅನೇಕ ಕ್ರಿಯಾಶೀಲತೆಯ ಕಾರ್ಯಗಳೆಲ್ಲವೂ ಮಾಧ್ಯಮ ಕ್ಷೇತ್ರದ ವ್ಯಾಪ್ತಿಗೆ ಬರುತ್ತವೆ. ಈ ಸಂಸ್ಥೆಗಳಲ್ಲಿ ವ್ಯಾಪಾರ ವ್ಯವಹಾರ ವೃದ್ಧಿಗಾಗಿ, ಎಚ್ಆರ್ ವಿಭಾಗ ನೋಡಿಕೊಳ್ಳಲು ಸೇರಿದಂತೆ ಇನ್ನೂ ಹಲವಾರು ಕೆಲಸಗಳಿಗಾಗಿ ಬ್ಯುಸಿನೆಸ್ ಡಿಗ್ರಿ ಅಗತ್ಯವಿರುತ್ತದೆ.