ಮಹದಾದಿದೇವ ನಮೋ ಮಹಾಮಹಿಮನೆ

ಮಹದಾದಿದೇವ ನಮೋ ll ಪ ll

ಮಹದಾದಿದೇವ ನಮೋ

ಮಹಾಮಹಿಮನೆ ನಮೋ

ಪ್ರಹ್ಲಾದವರದ ಅಹೋಬಲ ನಾರಸಿಂಹ ll ಅ ಪ ll

ಧರಣಿಗುಬ್ಬಸವಾಗೆ ತಾರಾಪಥವು ನಡುಗೆ

ಸುರರು ಕಂಗೆಟ್ಟೋಡೆ ನಭವ ಬಿಟ್ಟು

ತರುಗಿರಿಗಳಲ್ಲಾಡೆ ಉದ್ಭವಿಸಿದೆ ನರಸಿಂಹ ll 1 ll

ಸಿಡಿಲಿನಂತೆ ಗರ್ಜಿಸುತ ಕುಡಿಯ ನಾಲಗೆ ಚಾಚಿ

ಅಡಿಗಡಿಗೆ ಲಂಘಿಸುತ ಕಡುಕೋಪದಿಂದ

ಮುಡಿ ಪಿಡಿದು ರಕ್ಕಸನ ಕೆಡಹಿ ನಖದಿಂದೊತ್ತಿ

ಕಡು ಉದರ ಬಗಿವೆ ಕಡುಗಲಿ ನಾರಸಿಂಹ ll 2 ll

ಸರಸಿಜೋದ್ಭವ ಹರ ಪುರಂದರಾದಿ ಸಮಸ್ತ

ಸುರರು ಅಂಬರದಿ ಪೂಮಳೆಯ ಕರೆಯೆ

ಸಿರಿಸಹಿತ ಗರುಡಾದ್ರಿಯಲಿ ನಿಂತು ಭಕುತನ

ಕರುಣಿಸಿದೆ ಪುರಂದರವಿಟ್ಠಲ ನರಸಿಂಹ ll 3 ll