ಶಿವಲೋಕದಿಂದ ಒಬ್ಬ ಸಾಧು ಬಂದಾನೋ
ಶಿವಲೋಕದಿಂದ ಒಬ್ಬ ಸಾಧು ಬಂದಾನೋ
ಶಿವನಾಮವನ್ನು ಕೇಳಿ ಅಲ್ಲಿನಿಂತಾನೋ || ಶಿವಲೋಕದಿಂದ ||
ಮೈತುಂಬ ಬೂದಿಯನ್ನು ಧರಿಸಿಕೊಂಡಾನು
ಕೊರಳೊಳು ರುದ್ರಾಕ್ಷಿ ಕಟ್ಟಿಕೊಂಡಾನು ||
ಮೈಯಲ್ಲಿ ಕಪನೀಯ ತೊಟ್ಟುಕೊಂಡಾನು |
ಕೈಯಲ್ಲಿ ತ್ರಿಶೂಲ ಹಿಡಿದುಕೊಂಡಾನು || ಶಿವ ಲೋಕದಿಂದ ||
ಊರಹೊರಗೆ ಒಂದು ಮಠ ಕಟ್ಟಿಸ್ಯನೋ
ಮಠದ ಬಾಗಿಲೊಳಗೆ ತಾನೇ ನಿಂತನೋ ||
ಒಂಭತ್ತು ಬಾಗಿಲ ಮನೆಗೆ ಹಚ್ಯಾನೋ |
ಧರೆಯೋಳು ಮೆರೆಯುವ ಶಿಶುನಾಳದೀಶನು||
ಶಿಷ್ಯ ಶರೀಫನ ಕೂನ ಹಿಡಿದಾನೋ || ಶಿವ ಲೋಕದಿಂದ ||
