ಸಾಗಿ ಬಂದೆನೋ ಬಾಗಿ ಬಂದೆನೋ
ನಿನ್ನ ಭಕ್ತಳು ನಾನಾಗ ಬಂದೆನೋ || ಪ
ಇರಲಿ ನಿನ್ನ ದಯೆಯು ಅಪಾರಾ
ತರಲಿ ದಿನವು ನಿನ್ನ ದರುಶನ ಸಾಕಾರಾ
ಮನವು ಮರ್ಕಟದಂತೆ ಚಿತ್ತ ಚಂಚಲವು
ಎತ್ತ ಹೋದರು ಬಿಡದು ಸಂಸಾರವು || 1
ಪತಿತೋದ್ಧಾರ ಪರಮ ಪುರುಷ ನೀನು
ಗತಿ ಎಂದು ಬಳಿಗೆ ಬಂದವಳು ನಾನು
ಧರಣಿ ಪಾಲಕ ನಿನ್ನ ಹೋರತಿನ್ನೆನಿದೆ
ತರುಣಿಯ ಮೊರೆಯಾಲಿಸು ಶ್ರೀನಿಧೆ || 2
ಭಾವದುರಿಯಲಿ ಬೇಯಲಾರೆನೋ
ಭವಸಾಗರದ ಭಯವ ತಾಳೆನೋ
ನೋವ ನೀಗಿಸುತ ದಾರಿ ತೋರಿಸು
ದೇವರ ದೇವ ಜಾಹ್ನವಿ ವಿಠಲ ಕರುಣಿಸು || 3
