ಕೊಳಕು ಬುದ್ಧಿಯ ಬಿಡಿಸಿದೆ

ಕೊಳಕು ಬುದ್ಧಿಯ ಬಿಡಿಸಿದೆ |

ಹುಳುಕು ಮನೆಕೆ ಔಷಧಿ ಹಚ್ಚಿದೆ |

ಬೆಳಗು ತೋರುತ ನಿ ನಡೆಸುತ್ತಿರುವೆ |

ಗುರು ರಾಘವೇಂದ್ರ || (ಪ)

ನಿನ್ನ ದರುಶನಕ್ಕೆ ಬರುವ ಭಕ್ತರ |

ಮನದಭಿಲಾಷೆ ಈಡೇರಿಸುವೆ ||

ಕಷ್ಟಗಳ ಕೊನೆಗಾಣಿಸಿ ಸುಖ ತೋರಿ |

ಬದುಕಿಗೆ ಆಸರೆಯಾಗಿ ನಿಲ್ಲುವೆ ||

ಕೊಳಕು ಬುದ್ಧಿಯ ಬಿಡಿಸಿದೆ. (1)

ಬೇಡಿದ್ದಲ್ಲ ನೀಡುವ ಮಂತ್ರಾಲಯದ ದೊರೆ, |

ನಾ ಬೇಡುತ್ತಾ ಬಂದೆ ನಿನ್ನ ಬಳಿಗೆ ||

ದಯ ತೋರಿ ನೀಡು ಅಭಯವಾ |

ದೂರ ಮಾಡು ಭಯವ ||

ಕೊಳಕು ಬುದ್ಧಿಯ ಬಿಡಿಸಿದೆ  (2)

ನಿನ್ನ ಚರಣಾಮೃತದ ಮಹಿಮೆಯಿಂದ |

ಸರ್ವ ರೋಗ ದೂರಾಗುವದೆಂದು ||

ಸರ್ವ ಕಾಲಕ್ಕೂ ನಿನ್ನ ನಾಮಸ್ಮರಣೆ |

ಮಾಡಿ ಈ ಧರೆಯೋಳು ಧನ್ಯವಾಗಲೆಂದು ||

ಕೊಳಕು ಬುದ್ಧಿಯ ಬಿಡಿಸಿದೆ.  (3)

ದುರುಳ ನವಾಬನ ಮನ ಪರಿವರ್ತನೆ ಮಾಡಿ |

ಮಂಚಾಲಯದ ನೆಲವ ನೋಡಿ ||

ಬರುವ ಭಕ್ತರಿಗೆ ವರ ಕೊಡುವ ನಿಂತ |

ನಮ್ಮ ಜಾಹ್ನವಿ ವಿಠಲನ ಪ್ರಿಯ ||

ಕೊಳಕು ಬುದ್ಧಿಯ ಬಿಡಿಸಿದೆ  (4)