ನವದೆಹಲಿ (New Delhi)- ಭಾರತ ಇದೇ ಮೊದಲ ಬಾರಿಗೆ ಸುಖೋಯ್-30 ಎಂಕೆಐ ಯುದ್ಧ ವಿಮಾನದಿಂದ ಬ್ರಹ್ಮೋಸ್ ವಾಯು ಉಡಾವಣೆ ಕ್ಷಿಪಣಿಯ ವಿಸ್ತೃತ ಶ್ರೇಣಿ ಆವೃತ್ತಿಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ.
ಭಾರತೀಯ ನೌಕಾಪಡೆ, ಡಿಆರ್ ಡಿಒ, ಬಿಎಪಿಎಲ್ ಮತ್ತು ಎಚ್ಎಎಲ್ ಭಾರತೀಯ ವಾಯುಪಡೆಯೊಂದಿಗೆ ಈ ಪರೀಕ್ಷೆಯಲ್ಲಿ ಭಾಗಿಯಾಗಿದ್ದವು. ಬ್ರಹ್ಮೋಸ್ ನ ವಿಸ್ತೃತ ಆವೃತ್ತಿಯ ಕ್ಷಿಪಣಿಯಿಂದಾಗಿ ಸು-30ಎಂಕೆಐ ಯುದ್ಧವಿಮಾನಗಳ ಶಕ್ತಿ ಹೆಚ್ಚಾಗಿದೆ.
ಭಾರತೀಯ ವಾಯುಪಡೆ ನಡೆಸಿದ ಪರೀಕ್ಷೆಯಲ್ಲಿ ಉಡಾವಣೆಯು ಯೋಜಿಸಿದಂತೆ ಕ್ಷಿಪಣಿಯು ಬಂಗಾಳಕೊಲ್ಲಿ ಪ್ರದೇಶದಲ್ಲಿ ಗೊತ್ತುಪಡಿಸಿದ ಗುರಿಯ ಮೇಲೆ ನಿಖರ ದಾಳಿ ಮಾಡಿದೆ.
ಭವಿಷ್ಯದ ಯುದ್ಧಗಳ ದೃಷ್ಟಿಕೋನದಿಂದ ಐಎಎಫ್ ಈ ಮೌಲ್ಯೀಕರಣವನ್ನು ಪ್ರಮುಖ ಎಂದು ಕರೆದಿದೆ. ಇದರೊಂದಿಗೆ ಸು-30MKI ವಿಮಾನದಿಂದ ಭೂಮಿ/ಸಮುದ್ರ ಗುರಿಯ ವಿರುದ್ಧ ಬಹಳ ದೂರದವರೆಗೆ ನಿಖರವಾದ ಸ್ಟ್ರೈಕ್‌ಗಳನ್ನು ನಡೆಸುವ ಸಾಮರ್ಥ್ಯವನ್ನು IAF ಸಾಧಿಸಿದೆ.
