ನವದೆಹಲಿ : ಕ್ರಿಮಿನಲ್ ಪ್ರಕ್ರಿಯಾ ಸಂಹಿತೆಯ (CrPC) ನಿಬಂಧನೆಗಳ ಅಡಿಯಲ್ಲಿ, ಹೆಂಡತಿಯ ನಿರ್ವಹಣೆಯು ಎಲ್ಲಾ ಸಮಯದಲ್ಲೂ ಸಂಪೂರ್ಣ ಹೊಣೆಗಾರಿಕೆಯಲ್ಲ. ಪರಿಸ್ಥಿತಿ ಬದಲಾವಣೆಯಿಂದ ಬದಲಾವಣೆಯಾಗಬಹುದು. ಜೀವನಾಂಶ ಅದನ್ನ ಹೆಚ್ಚಿಸಬಹುದು ಅಥವಾ ಕಡಿಮೆಯೂ ಮಾಡಬಹುದು ಎಂದು ದೆಹಲಿ ಹೈಕೋರ್ಟ್ ಹೇಳಿದೆ.
ಮಧ್ಯಂತರ ಅಥವಾ ಶಾಶ್ವತ ಜೀವನಾಂಶವನ್ನ ನೀಡುವ ಉದ್ದೇಶವೂ ಸಂಗಾತಿಯನ್ನ ಶಿಕ್ಷಿಸೋದಲ್ಲ. ಆದ್ರೆ, ಮದುವೆಯ ವೈಫಲ್ಯದಿಂದಾಗಿ ಅವಲಂಬಿತವಾದ ಸಂಗಾತಿಯನ್ನ ನಿರ್ಗತಿಕರಾಗದಂತೆ ನೋಡಿಕೊಳ್ಳುವುದು ಎಂದು ನ್ಯಾಯಮೂರ್ತಿ ಚಂದ್ರಧಾರಿ ಸಿಂಗ್ ಹೇಳಿದರು. ಈ ನಿಟ್ಟಿನಲ್ಲಿ ಎಲ್ಲಾ ಸಂಬಂಧಿತ ಅಂಶಗಳ ನಡುವೆ ಸಮತೋಲನ ಇರಬೇಕು ಎಂದರು.
ವಿಚಾರಣಾ ನ್ಯಾಯಾಲಯದ ಆದೇಶದಂತೆ ಪತಿ ಪಾವತಿಸಬೇಕಾದ ಜೀವನಾಂಶ ಮೊತ್ತವನ್ನ ಹೆಚ್ಚಿಸುವಂತೆ ಕೋರಿ ಮಹಿಳೆಯೊಬ್ಬರು ಸಲ್ಲಿಸಿದ ಪರಿಷ್ಕರಣೆ ಅರ್ಜಿಯನ್ನ ನಿರ್ಧರಿಸುವಾಗ ನ್ಯಾಯಾಲಯವು ಈ ಅಭಿಪ್ರಾಯವನ್ನ ವ್ಯಕ್ತಪಡಿಸಿತು.
ಈ ವೇಳೆ ಅರ್ಜಿದಾರರು ಮಾಸಿಕ 35,000 ರೂ. ಜೀವನಾಂಶ ನೀಡುವಂತೆ ಮನವಿ ಮಾಡಿದ್ದು, ವಿಚಾರಣಾ ನ್ಯಾಯಾಲಯ ನಿಗದಿಪಡಿಸಿರುವ 3,000 ರೂ.ಗಳು ಜೀವನಾಂಶಕ್ಕೆ ಸಾಕಾಗುವುದಿಲ್ಲ ಎಂದು ಮಹಿಳೆ ಹೇಳಿದ್ದಾಳೆ. ಇನ್ನು ಪತಿಯ ಆದಾಯ ತಿಂಗಳಿಗೆ 82,000 ರೂಪಾಯಿ ಎಂದು ಮಹಿಳೆ ವಾದಿಸಿದ್ದು, ತನ್ನ ನಿಜವಾದ ಆದಾಯದ ಬಗ್ಗೆ ವಿಚಾರಣಾ ನ್ಯಾಯಾಲಯಕ್ಕೆ ತಿಳಿಸಿಲ್ಲ.
ಪ್ರತಿವಾದಿ ಪತಿ ತಾನು ಬಾಡಿಗೆ ವಸತಿಗೃಹದಲ್ಲಿ ವಾಸಿಸುವ ಮತ್ತು ಕ್ಯಾಬ್ ಡ್ರೈವರ್ ಆಗಿ ಕೆಲಸ ಮಾಡುವ ಮೂಲಕ ತಿಂಗಳಿಗೆ 15,000 ರೂ ಗಳಿಸುತ್ತಿದ್ದೇನೆ. ಇನ್ನು ತನ್ನ ವೃದ್ಧ ಮತ್ತು ಅನಾರೋಗ್ಯದ ಪೋಷಕರನ್ನ ನೋಡಿಕೊಳ್ಳಬೇಕು ಎಂದು ಹೇಳಿಕೊಂಡಿದ್ದಾನೆ.
ನಿರ್ವಹಣೆಗೆ ಸರಿಯಾದ ಮೊತ್ತವನ್ನ ನಿರ್ಧರಿಸಲು ಪತಿಯ ಆರ್ಥಿಕ ಸಾಮರ್ಥ್ಯ, ಕುಟುಂಬ ಸದಸ್ಯರ ಹೊಣೆಗಾರಿಕೆಗಳು ಮತ್ತು ಅವಲಂಬಿತರು, ಅವರ ಸ್ವಂತ ನಿರ್ವಹಣೆಗಾಗಿ ವೆಚ್ಚಗಳನ್ನ ಸಹ ಗಣನೆಗೆ ತೆಗೆದುಕೊಳ್ಳಬೇಕಾಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ. ನ್ಯಾಯಾಲಯವು ಪತ್ನಿಯ ಮನವಿಯನ್ನ ವಜಾಗೊಳಿಸಿದ್ದು,ವಿಚಾರಣಾ ನ್ಯಾಯಾಲಯದ ಆದೇಶದಲ್ಲಿ ಮಧ್ಯಪ್ರವೇಶಿಸಲು ಯಾವುದೇ ಬಲವಾದ ಕಾರಣವನ್ನ ನೋಡುವುದಿಲ್ಲ ಎಂದು ಹೇಳಿದೆ.
