ಮುಖ್ಯವಾಗಿ ಅಕ್ಟೋಬರ್ ತಿಂಗಳ ಪ್ರವಾಸ ಅತ್ಯಂತ ಆಹ್ಲಾದಕರವಾಗಿರುತ್ತದೆ. ಈ ಸಮಯವು ಉಲ್ಲಾಸಮಯ ಪ್ರವಾಸಕ್ಕೆ ಯಾವುದೇ ಅಡ್ಡಿಯನ್ನು ತಂದೊಡ್ಡುವುದಿಲ್ಲ. ಉತ್ತರ ಭಾರತದ ಪ್ರವಾಸಕ್ಕಿಂತ ದಕ್ಷಿಣ ಭಾರತದ ಪ್ರವಾಸವನ್ನು ಕುಟುಂಬ ಸಮೇತ ಕೈಗೊಳ್ಳಲು ನೀವು ಬಯಸಿದರೆ ಲೇಖನದಲ್ಲಿ ಹೇಳಲಾಗುವ ಈ ತಾಣಗಳಿಗೆ ಭೇಟಿ ನೀಡುವುದು ಬೆಸ್ಟ್.
ದಕ್ಷಿಣದಲ್ಲಿ ಸುಂದರವಾದ ಗಿರಿಧಾಮಗಳು, ಭವ್ಯವಾದ ದೇವಾಲಯಗಳು, ಮನೋಹರವಾದ ಜಲಪಾತಗಳು, ಹಿನ್ನೀರು ಸೇರಿದಂತೆ ಇನ್ನು ಹಲವಾರು ಪ್ರವಾಸಿ ಸ್ಥಳಗಳಿಗೆ ಬಜೆಟ್ ಸ್ನೇಹಿಯಾಗಿರುತ್ತವೆ.
ಪುದುಚೇರಿ
ಪಾಂಡಿಚೇರಿ ಅಥವಾ ಪುದುಚೇರಿ ತಮಿಳುನಾಡಿನ ಅತ್ಯಂತ ಸುಂದರವಾದ ಪಟ್ಟಣವಾಗಿದೆ. ನಿಮ್ಮ ಬಜೆಟ್ ಸ್ನೇಹಿ ಪ್ರವಾಸಕ್ಕಾಗಿ ಪುದುಚೇರಿಗೆ ಹೋಗಬಹುದು. ಈ ತಾಣವು ನಿಮ್ನನ್ನು ಬೇರೆಯೇ ಲೋಕಕ್ಕೆ ಕೊಂಡೊಯ್ಯುತ್ತದೆ. ಇದಕ್ಕೆ ಪ್ರಮುಖವಾದ ಕಾರಣವೆಂದರೆ, ಪಟ್ಟಣವು ಫ್ರೆಂಚ್ ಶೈಲಿಗೆ ಒಳಗಾಗಿದೆ. ವಿದೇಶದ ಪ್ರವಾಸದಲ್ಲಿದ್ದೇವೆ ಎಂದು ಭಾಸವಾಗದೇ ಇರದು.
ಕುಟುಂಬ ಸಮೇತ ಆನಂದಮಯ ಕ್ಷಣಗಳನ್ನು ಕಳೆಯಲು ಅಥವಾ ಮೋಜು-ಮಸ್ತಿ ಮಾಡಲು ಪುದುಚೇರಿಗೆ ಹೋಗಬಹುದು. ಇಲ್ಲಿನ ಆಕರ್ಷಕವಾದ ಫ್ರೆಂಚ್ ಶೈಲಿಯ ಕಟ್ಟಡಗಳು ಮತ್ತು ಪಾಕ ಪದ್ಧತಿಗಳು ಬಹುಶಃ ನಿಮಗೆ ಇಷ್ಟವಾಗಬಹುದು. ಇಲ್ಲಿ ಚರ್ಚುಗಳು, ಮ್ಯೂಸಿಯಂಗಳು, ದೇವಾಲಯಗಳು, ಕಡಲತೀರಗಳ ಚಿತ್ತಾಕರ್ಷಕ ಸೊಬಗನ್ನು ಕಣ್ತುಂಬಿಕೊಳ್ಳಬಹುದು.
ಕೊಡೈಕೆನಾಲ್
ಬಜೆಟ್ ಸ್ನೇಹಿ ಗಿರಿಧಾಮದ ಪ್ರವಾಸ ಮಾಡಲು ನೀವು ಕೊಡೈಕೆನಾಲ್ಗೆ ಭೇಟಿ ಕೊಡಿ. ಕೊಡೈಕೆನಾಲ್ ತಮಿಳುನಾಡಿನ ಅತ್ಯಂತ ಪ್ರಸಿದ್ಧವಾದ ಗಿರಿಧಾಮವಾಗಿದೆ. ಬೆಂಗಳೂರು ಮತ್ತು ಮೈಸೂರಿನ ಜನರು ತಮ್ಮ ವಾರಾಂತ್ಯ ಸಮಯಗಳಲ್ಲಿ ಕೊಡೈಕೆನಾಲ್ ಪ್ರವಾಸ ಮಾಡುತ್ತಾರೆ.
ಇಲ್ಲಿಗೆ ಭೇಟಿ ನೀಡುವ ಮೂಲಕ ಕೊಡೈ ಸರೋವರ, ಬೇರ್ ಶೋಲಾ ಜಲಪಾತ, ಗ್ರೀನ್ ವ್ಯಾಲಿ ವ್ಯೂ, ಬೆರಿಜಮ್ ಸರೋವರ, ಕುರಿಂಜಿ ದೇವಾಲಯ ಸೇರಿದಂತೆ ಇನ್ನು ಹಲವಾರು ತಾಣಗಳಿಗೆ ಹೋಗಿ ಸಂಪೂರ್ಣ ಕೊಡೈಕೆನಾಲ್ನ ಪ್ರವಾಸವನ್ನು ಎಂಜಾಯ್ ಮಾಡಬಹುದು.
ಗೋಕರ್ಣ
ನಿಮ್ಮ ಆಧ್ಯಾತ್ಮಿಕ ಪ್ರವಾಸಕ್ಕೆ ಕರ್ನಾಟಕದ ಗೋಕರ್ಣ ಬೆಸ್ಟ್. ಬಜೆಟ್ ಸ್ನೇಹಿ ಪ್ರವಾಸಕ್ಕೆ ಹೇಳಿ ಮಾಡಿಸಿದ ಸ್ಥಳ ಎಂದರೆ ತಪ್ಪಾಗಲಾರದು. ಲಿಂಗ ಸ್ವರೂಪಿಯಾಗಿ ಮಹಾಶಿವನು ಈ ಸ್ಥಳದಲ್ಲಿ ನೆಲೆಸಿರುವ ಕಾರಣ ದೇಶದ ನಾನಾ ಭಾಗಗಳಿಂದ ಶಿವಭಕ್ತರು ಗೋಕರ್ಣಕ್ಕೆ ಭೇಟಿ ನೀಡುತ್ತಾರೆ.
ಗೋಕರ್ಣದಲ್ಲಿ ಆಲಯವನ್ನು ಹೊರತು ಪಡಿಸಿ ಇನ್ನು ಸಾಕಷ್ಟು ಪ್ರವಾಸಿ ಆಕರ್ಷಣೆಗಳಿವೆ. ಅವುಗಳಲ್ಲಿ ಗೋಕರ್ಣ ಕಡಲತೀರ, ಓಂ ಬೀಚ್, ಮಹಾಬಲೇಶ್ವರ ದೇವಾಲಯ, ಸೇರಿದಂತೆ ಇನ್ನು ಹಲವಾರು ಸಣ್ಣ ಪುಟ್ಟ ಆಕರ್ಷಣೆಗಳಿವೆ.
ಕನ್ಯಾಕುಮಾರಿ
ಬಜೆಟ್ ಸ್ನೇಹಿ ಪ್ರವಾಸ ಪಟ್ಟಿಯಲ್ಲಿ ಇರಲೇಬೇಕಾದ ಪ್ರವಾಸಿ ಪಟ್ಟಣಗಳಲ್ಲಿ ಕನ್ಯಾಕುಮಾರಿ ಕೂಡ ಒಂದು. ಇಲ್ಲಿ ನಿಬ್ಬೆರಗಾಗಿಸುವ ಸುಂದರ ತಾಣಗಳನ್ನು ನೀವು ಅನ್ವೇಷಣೆ ಮಾಡಬಹುದು. ಕುಟುಂಬ ಸಮೇತ ಕನ್ಯಾಕುಮಾರಿಯ ಕ್ಯಾಲಿಕಟ್, ರಾಮೇಶ್ವರಂ, ಊಟಿ, ಮೇಘಮಲೈ, ಕನ್ಯಾಕುಮಾರಿ ಬೀಚ್, ಉವಾರಿ ಬೀಚ್, ಮುಟ್ಟೋಮ್ ಬೀಚ್ ಸೇರಿದಂತೆ ಇನ್ನು ಹಲವಾರು ಧಾರ್ಮಿಕ ಮತ್ತು ಕಡಲತೀರಗಳ ತಾಣಗಳಿಗೆ ನೀವು ಹೋಗಬಹುದು.
ಹಂಪಿ
ನಮ್ಮ ಕರ್ನಾಟಕದ ಹಂಪಿಯು ಬಜೆಟ್ ಸ್ನೇಹಿ ಟ್ರಿಪ್ಗಳಲ್ಲಿ ಬೆಸ್ಟ್ ತಾಣವಾಗಿದೆ. ಇಲ್ಲಿನ ಪ್ರಸಿದ್ಧ ವಿರೂಪಾಕ್ಷ ದೇವಾಲಯವು ದೇಶದ ಅತ್ಯಂತ ಹಳೆಯ ದೇವಾಲಯಗಳಲ್ಲಿ ಒಂದಾಗಿದೆ. ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿರುವ ಹಂಪಿಯು ಬೆಕ್ಕಸ ಬೆರಗಾಗಿಸುವ ಪ್ರವಾಸಿ ತಾಣಗಳನ್ನು ಹೊಂದಿದೆ.
ಸಾಹಸ ಚಟುವಟಿಕೆಗಳನ್ನು ಆನಂದಿಸಲು ಬಯಸುವವರು ರಾಕ್ ಕ್ಲೈಬಿಂಗ್, ಸೈಕ್ಲಿಂಗ್, ಟ್ರೆಕ್ಕಿಂಗ್ ನಂತಹ ಹೊರಾಂಗಣ ಚಟುವಟಿಕೆಗಳನ್ನು ಆನಂದಿಸಬಹುದು. ಅಲ್ಲದೆ, ಹಂಪಿಯ ಆನೆಗೊಂದಿಗೆ ಹೋಗಬಹುದು, ದೋಣಿ ವಿಹಾರ, ವಿಜಯ ನಗರದ ಅವಶೇಷಗಳನ್ನು ಕಣ್ತುಂಬಿಕೊಳ್ಳಬಹುದು.
