ಡ್ರೈಫ್ರೂಟ್ಸ್ ಅಥವಾ ಒಣಫಲಗಳು, ಬೆಲೆಯಲ್ಲಿ ದುಬಾರಿ ಎನ್ನುವ ಒಂದೇ ಕಾರಣ ಬಿಟ್ಟರೆ, ನಮ್ಮ ಆರೋಗ್ಯಕ್ಕೆ ಒಳ್ಳೆಯ ಆಹಾರ ಪದಾರ್ಥ ಗಳು ಎನ್ನುವುದರಲ್ಲಿ ಎರಡು ಮಾತಿಲ್ಲ! ಸಾಮಾನ್ಯವಾಗಿ ಇವುಗಳಿಂದ ಆರೋಗ್ಯಕ್ಕೆ ಅಡ್ಡಪರಿಣಾಮಗಳು ಇರುವುದಿಲ್ಲ, ಹಾಗಂತ ಮಿತಿಮೀರಿ ತಿನ್ನುವುದಕ್ಕೆ ಹೋಗಬಾರದು! ಪ್ರತಿ ದಿನ ಮಿತ ಪ್ರಮಾಣ ದಲ್ಲಿ ತಿನ್ನುತ್ತಾ ಬಂದರೆ, ಇದರಿಂದ ಸಾಕಷ್ಟು ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು.
ಅದರಲ್ಲೂ ಕೆಲವೊಂದು ಒಣಫಲಗಳನ್ನು ನೆನೆಸಿಟ್ಟು ತಿಂದರೆ ಒಳ್ಳೆಯದು, ಇನ್ನೂ ಕೆಲವೊಂದನ್ನು ಹಾಗೆಯೇ ತಿಂದರೂ ಕೂಡ, ಆರೋಗ್ಯಕ್ಕೆ ಬೇಕಾಗುವ ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು. ಬನ್ನಿ ಇಂದಿನ ಲೇಖನ ದಲ್ಲಿ ಪ್ರತಿದಿನ ಮಿತವಾಗಿ ಒಣ ಖರ್ಜೂರ ಸೇವನೆ ಮಾಡುವುದರಿಂದ ಏನೆಲ್ಲಾ ಆರೋಗ್ಯ ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು ಎನ್ನುವುದನ್ನು ನೋಡೋಣ…
ಹಸಿ ಖರ್ಜೂರ V/S ಒಣಖರ್ಜೂರ
• ಹಸಿ ಖರ್ಜೂರ ಹಾಗೂ ಒಣಖರ್ಜೂರ ಇವೆರಡರ ಮಧ್ಯೆ ಸಿಗುವ ಆರೋಗ್ಯ ಪ್ರಯೋಜನಗಳಲ್ಲಿ ಅಂತಹ ವ್ಯತ್ಯಾಸ ಗಳು ಕಂಡುಬರುವುದಿಲ್ಲ. ಇವೆರಡೂ ಕೂಡ ಆರೋಗ್ಯಕ್ಕೆ ಒಳ್ಳೆಯದು. ಹಸಿ ಖರ್ಜೂರಗಳನ್ನೇ ಬಿಸಿಲಿನಲ್ಲಿ ಒಣಗಿಸಿ, ಒಣ ಖರ್ಜೂರವನ್ನಾಗಿ ರೆಡಿ ಮಾಡುತ್ತಾರೆ.
• ಅಂದ್ರೆ ಸ್ವಲ್ಪನೂ ಕೂಡ, ಖರ್ಜೂರಗಳಲ್ಲಿ ತೇವಾಂಶ ಇಲ್ಲದಂತೆ ಒಣಗಿಸುತ್ತಾರೆ. ಇಲ್ಲಿ ಪ್ರಮುಖವಾಗಿ ಗಮನಿಸಬೇಕಾದ ಸಂಗತಿಯೆಂದರೆ, ಹಸಿ ಖರ್ಜೂರ ಗಳನ್ನು ಒಣಗಿಸುವ ಸಂದರ್ಭಗಳಲ್ಲಿ ನೈಸರ್ಗಿಕವಾಗಿ ವಿಟಮಿನ್ ಡಿ ಅಂಶ ಕೂಡ ಹೆಚ್ಚಾಗಿ ಶೇಖರಣೆಯಾಗಿ ರುತ್ತದೆ.
ಒಣ ಖರ್ಜೂರ
• ಒಣ ಖರ್ಜೂರದ ರುಚಿ ಬಹುತೇಕ ಹಸಿ ಖರ್ಜೂರ ದಂತೆಯೇ ಇರುತ್ತದೆ. ಆದರೆ ತಿನ್ನಲು ತುಂಬಾನೇ ಗಟ್ಟಿ ಯಾಗಿರುತ್ತದೆ ಅಷ್ಟೇ ವ್ಯತ್ಯಾಸ. ಅದು ಬಿಟ್ಟರೆ ಇದರಲ್ಲಿ ಯೂ ಕೂಡ, ಆರೋಗ್ಯಕ್ಕೆ ಬೇಕಾಗುವ ಪೌಷ್ಟಿಕತ್ವಗಳು ಧಾರಾಳವಾಗಿ ಸಿಗುತ್ತದೆ.
• ಇನ್ನು ಈ ಖರ್ಜೂರದ ವಿಶೇಷ ಏನೆಂದರೆ, ಹಸಿ ಖರ್ಜೂ ರಗಳಿಗೆ ಹೋಲಿಸಿದರೆ ಇದರಲ್ಲಿ ನೀರಿನಾಂಶ ಏನೂ ಇಲ್ಲದೇ ಇದ್ದರೂ ಕೂಡ, ನಾರಿನಂಶ ಹೇರಳವಾಗಿ ಕಂಡು ಬರುತ್ತದೆ.
• ಇವೆಲ್ಲದರ ಜೊತೆಗೆ ವಿವಿಧ ಬಗೆಯ ವಿಟಮಿನ್ಸ್ಗಳು, ಖನಿಜಾಂಶಗಳು, ಕಬ್ಬಿಣದ ಅಂಶ, ಪೊಟ್ಯಾಶಿಯಂ, ಮೆಗ್ನೀಷಿಯಂ ಹಾಗೂ ಕ್ಯಾಲ್ಸಿಯಂ ಅಂಶದ ಪ್ರಮಾಣ ಕೂಡ ಯಥೇಚ್ಛವಾಗಿ ಕಂಡು ಬರುವುದರಿಂದ ದಿನಕ್ಕೆ ಒಂದೆರಡು, ಒಣ ಖರ್ಜೂರ ತಿನ್ನುವ ಅಭ್ಯಾಸ ಮಾಡಿ ಕೊಂಡರೆ, ದೇಹಕ್ಕೆ ಬೇಕಾದಷ್ಟು ಪ್ರಯೋಜನಗಳು ಸಿಕ್ಕಂತೆ ಆಗುತ್ತದೆ.
ಹೃದಯದ ಆರೋಗ್ಯಕ್ಕೆ ಬಹಳ ಒಳ್ಳೆಯದಂತೆ
• ಒಂದು ವೇಳೆ ನೀವು ಹೃದ್ರೋಗಿಯಾಗಿದ್ದರೆ ಅಥವಾ ಅಧಿಕ ಕೊಲೆಸ್ಟ್ರಾಲ್ ಸಮಸ್ಯೆಯಿಂದ ಬಳಲುತ್ತಿದ್ದರೆ, ದಿನಕ್ಕೆ ಒಂದೆರಡು ಒಣ ಖರ್ಜೂರ ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ಒಳ್ಳೆಯದು.
• ಇದಕ್ಕೆ ಪ್ರಮುಖ ಕಾರಣ, ಒಣ ಖರ್ಜೂರದಲ್ಲಿ ಕಂಡು ಬರುವ ಕಡಿಮೆ ಪ್ರಮಾಣದ ಕೊಬ್ಬಿನ ಅಂಶದ, ಹೃದ ಯದ ಆರೋಗ್ಯದ ಸಮಸ್ಯೆಯನ್ನು ದೂರ ಮಾಡುವು ದರ ಜೊತೆಗೆ, ರಕ್ತದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾ ಗದಂತೆ ನೋಡಿ ಕೊಳ್ಳುತ್ತದೆ.
• ಇನ್ನು ಪ್ರಮುಖವಾಗಿ, ಈ ಒಣ ಖರ್ಜೂರಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಪೊಟ್ಯಾಷಿಯಂ ಅಂಶ ಕಂಡು ಬರುವು ದರ ಜೊತೆಗೆ, ಸೋಡಿಯಂ ಅಂಶ ಅತೀ ಕಡಿಮೆ ಪ್ರಮಾಣ ದಲ್ಲಿ ಕಂಡು ಬರುವುದರಿಂದ ಇದು ರಕ್ತದೊತ್ತಡವನ್ನು ನಿರ್ವ ಹಿಸಲು ಸಹಾಯ ಮಾಡುತ್ತದೆ ಹಾಗೂ ರಕ್ತದೊತ್ತ ಡದ ಏರಿಳಿತವನ್ನೂ ತಡೆಯುತ್ತದೆ. ಇದರಿಂದ ಹೃದ ಯದ ಆರೋಗ್ಯ ಕೂಡ ಚೆನ್ನಾಗಿರುತ್ತದೆ.
ಮಲಬದ್ಧತೆ ಸಮಸ್ಯೆ ಇದ್ದವರು
• ಆಗಾಗ ಮಲಬದ್ಧತೆ ಸಮಸ್ಯೆಯನ್ನು ಎದುರಿಸುವವರು, ದಿನಾ ಎರಡು-ಮೂರು ಒಣ ಖರ್ಜೂ ರಗಳನ್ನು ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ಬಹಳ ಒಳ್ಳೆಯದು.
• ಇದಕ್ಕೆ ಪ್ರಮುಖ ಕಾರಣ ಇದರಲ್ಲಿರುವ ಕರಗುವ ಹಾಗೂ ಕರಗದ ನಾರಿನಂಶಗಳು, ನಾವು ಸೇವಿಸುವ ಆಹಾರ- ಪದಾರ್ಥಗಳನ್ನು ಸುಲಭವಾಗಿ ಜೀರ್ಣಗೊಳಿಸಲು ನೆರವಾಗುತ್ತದೆ.
• ಅಷ್ಟೇ ಅಲ್ಲದೆ ನಮ್ಮ ಕರುಳಿನ ಚಲನೆಯನ್ನು ಉತ್ತಮ ಪಡಿಸುವುದರ ಜೊತೆಗೆ ಅಜೀರ್ಣ ಮಲಬದ್ಧತೆಯಂತಹ ಸಮಸ್ಯೆಯನ್ನು ದೂರಮಾಡುತ್ತದೆ.
• ಹೀಗಾಗಿ ಪ್ರತಿದಿನ ಎರಡು-ಮೂರು ಒಣ ಖರ್ಜೂರಗ ಳನ್ನು ಸೇವಿಸುತ್ತಾ ಬಂದರೆ ಮಲಬದ್ದತೆಯಂತಹ ಸಮಸ್ಯೆಗಳು ಬಹಳ ಬೇಗನೇ ನಿವಾರಣೆಯಾಗುತ್ತದೆ.
ಒಣಖರ್ಜೂರದ ಇನ್ನಷ್ಟು ಪ್ರಯೋಜನಗಳು
• ಇನ್ನು ನಮಗೆಲ್ಲಾ ಗೊತ್ತೇ ಇರುವ ಹಾಗೆ ಖರ್ಜೂರ ಗಳಲ್ಲಿ ನೈಸರ್ಗಿಕ ರೂಪದ ಸಿಹಿ ಅಂಶ ಹೆಚ್ಚಾಗಿ ರುತ್ತದೆ. ಗ್ಲೂಕೋಸ್ ಮತ್ತು ಫ್ರಕ್ಟೋಸ್ ಅಂಶ ಇದಕ್ಕೆ ಪ್ರಮುಖ ಕಾರಣ. ಇವು ಮನುಷ್ಯನ ದೇಹದ ಶಕ್ತಿ ಯನ್ನು ಹೆಚ್ಚಿಸಲು ನೆರವಾಗುತ್ತದೆ.
• ಒಣ ಖರ್ಜೂರಗಳಲ್ಲಿ ಕ್ಯಾಲ್ಸಿಯಂ ಅಂಶ ಹೆಚ್ಚಾ ಗಿರುವ ಸಿಗುವುದರಿಂದ, ಮೂಳೆಗಳ ಹಾಗೂ ಹಲ್ಲು ಗಳ ಆರೋಗ್ಯವನ್ನು ಕಾಪಾಡುತ್ತದೆ.
• ಒಣ ಖರ್ಜೂರಯನ್ನು ಸೇವಿಸುತ್ತಾ ಬಂದರೆ, ಕೂದ ಲಿಗೆ ಸಂಬಂಧಪಟ್ಟ ಹಲವಾರು ಸಮಸ್ಯೆಗಳು ದೂರ ವಾಗುವುದು ಉದಾಹರಣೆಗೆ ಕೂದಲುದುರುವುದು, ನೆತ್ತಿಯ ಭಾಗದಲ್ಲಿ ತುರಿಕೆ, ಕೂದಲಿಗೆ ಸಂಬಂ ಧಿಸಿದ ತೊಂದರೆಗಳು, ಹೀಗೆ ಹಲವು ರೀತಿಯ ಸಮಸ್ಯೆಗಳು ದೂರವಾಗುವುದು
• ಬಹುಮುಖ್ಯವಾಗಿ ಒಂದು ವೇಳೆ ನಿಮಗೆ ಈಗಾಗಲೇ ಮಧುಮೇಹ ಸಮಸ್ಯೆಗಳು ಇದ್ದರೆ, ಒಣ ಖರ್ಜೂರ ಗಳನ್ನು ತನ್ನುವ ಮುನ್ನ ಒಮ್ಮೆ ವೈದ್ಯರ ಬಳಿ ಚರ್ಚಿಸಿ
