“ಗುಮ್ಮನ ಕರೆಯದಿರೆ|
ಅಮ್ಮ ನೀನು ಗುಮ್ಮನ ಕರೆಯದಿರೆ…..”.
ಗುಮ್ಮನ ಕರೆಯದಿರೆ| ಅಮ್ಮ ನೀನು
ಗುಮ್ಮನ ಕರೆಯದಿರೆ ||ಪ||
ಸುಮ್ಮನೆ ಇದ್ದೇನು| ಅಮ್ಮಿಯ ಬೇಡೆನು|
ಮಮ್ಮು ಉಣುತೇನೆ ಅಮ್ಮ ಅಳುವುದಿಲ್ಲ ||ಅ||
ಹೆಣ್ಣುಗಳಿರುವಲ್ಲಿಗೆ ಹೋಗಿ ಅವರ
ಕಣ್ಣು ಮುಚ್ಚುವುದಿಲ್ಲವೆ|
ಚಿಣ್ಣರ ಬಡಿಯೆನು|
ಅಣ್ಣನ ಬೈಯೆನು ಬೆಣ್ಣೆಯ ಬೇಡೆನು|
ಮಣ್ಣು ತಿನ್ನುವುದಿಲ್ಲ ||೧||
ಬಾವಿಗೆ ಹೋಗೆ ಕಾಣೆ| ಅಮ್ಮ ನಾನು ಹಾವಿನೊಳಾಡೆ ಕಾಣೆ|ಆವಿನ
ಮೊಲೆಯೂಡೆ| ಕರುಗಳ ಬಿಡೆ ನೋಡೆ|
ದೇವರಂತೆ ಒಂದು ಠಾವಿಗೆ ಕೂಡುವೆ ||೨||
ಮಗನ ಮಾತನು ಕೇಳುತ ಗೋಪೀದೇವಿ|
ಮುಗುಳುನಗೆಯ ನಗುತ ಜಗದೊಡೆಯ
ಶ್ರೀ ಪುರಂದರವಿಠಲನ ಬಿಗಿದಪ್ಪಿಕೊಂಡಳು ಮೋಹದಿಂದಾಗ ||೩|
