ಮಂತ್ರಾಲಯಕ್ಕೆ ಹೋಗಿ ಅಲ್ಲೇ ಇದ್ದು ಜೀವನ ಮಾಡೋಣ |
ಹರಿ, ವಾಯು ಗುರುಗಳ ನೆನೆಯುತ ದಿನಗಳ ಕಳೆಯೋಣ || (ಪ)
ನಾಲ್ಕು ದಿಕ್ಕಲಿ ರಾಯರ ಮಹಿಮೆಯ ಕೇಳುತ |
ನಾಳಿನ ಚಿಂತೆ ಮಾಡದೆ ದಿನವೂ ಕಲಿಯುತ |
ಮೂಲರಾಮನ ಸೇವೆಯ ಮಾಡವ ಭಾಗ್ಯವ ಕೊಡು ಎನ್ನುತ |
ಗುರುರಾಯರ ಅನುಗ್ರಹ ಪಡೆಯುತ || (1)
ಸಂಸಾರದ ಬೇಗೆ ಬಿಡಿಸಿ ನಮ್ಮನು ಸಲಹುವ |
ಕೃಷ್ಣನ ಕೃಪೆಯ ನಮಗೆ ಕರುಣಿಸುವ |
ಒಲಿದು ಬರುವ ಬೇಡಿದ್ದು ಕೊಡುವ |
ಶಾಂತ ಮೂರ್ತಿ ರಾಘವೇಂದ್ರ || (2)
ಅವನ ಅಂಗಳದಲ್ಲಿ ಆಟ ಆಡುವ |
ನಿತ್ಯ ನಡೆಯುವ ರಥೋತ್ಸವ ನೋಡುವಾ |
ಹೊತ್ತು ಹೊತ್ತಿಗೆ ತುತ್ತು ನೀಡುವಾ |
ಅನ್ನದ ಚಿಂತೆ ದೂರ ಮಾಡುವ || (3)
ಶೇಷ ಶಯನನ ಭಜಿಸುತ ವೃಂದಾವನದಿ |
ಕುಳಿತ ಗುರುವೇ ನಿನಗೆ ಶರಣ ಎನ್ನಿ |
ಭಜಿಪ ಜನರ ಭವಣೆ ಬಿಡಿಸಲು |
ಜಾಹ್ನವಿ ವಿಠಲನ ಪ್ರಿಯ ತೋರುವಾ || (4)
