ನಂಬಿ ಬಂದೆ ನಿನ್ನ ಚರಣ.
ಗುರುರಾಯ ಯಾರಿಲ್ಲ ನಿನ್ನಂತಹ ಕರುಣಾ (ಪ)
ದೂರ ಮಾಡದಲೆ ಸಲಹೊ ರಾಯ |
ನೀನೇ ನನ್ನ ಜಿಯಾ |
ನಿನಗಾಗಿ ಇದೆ ನನ್ನ ದೇಹಾ, |
ದುಡಿಸೋ ನಿ ಮಹನೀಯಾ ||
ನಂಬಿ ಬಂದೆ ನಿನ್ನ ಚರಣ…. (1)
ಕಂದ ಚಿಕ್ಕವಳೆಂದು ತಿಳಿದು, ತಾಯಿ ಪ್ರೀತಿಯಂತೆ,
ಮುಂದಕ್ಕೆ ಕರೆಯೋ… ಗುರು ರಾಯ |
ಸಕಲವನ್ನು ನೀಡುವ ದೊರೆಯೇ |
ನಾ ಓಡೋಡಿ ಬಂದೆ ಪ್ರಭುವೆ ||
ನಂಬಿ ಬಂದೆ ನಿನ್ನ ಚರಣ…. (2)
ಬಳಲುತಲಿಹೆ ಭವ ಸಾಗರದಿ |
ದಾಟಿಸೋ ಕರುಣದಿ ಕೈ ಪಿಡಿದು |
ಹೇಸಿ ಜೀವನವ ಸಾಕೋ….ರಾಯ |
ಜಹ್ನವಿ ವಿಠಲನ ತೋರೋ ರಾಘವೇಂದ್ರ ||
ನಂಬಿ ಬಂದೆ ನಿನ್ನ ಚರಣ (3)
