ಮನುಷ್ಯ ಯಾವಾಗ ಜಡ ಜೀವನಶೈಲಿಗೆ ಮಾರು ಹೋಗುತ್ತಾನೆ, ಅಂದಿನಿಂದ ಅವನ ದೇಹ ಕಾಯಿಲೆಯ ಗೂಡಾಗುತ್ತದೆ. ಈಗಂತೂ ಎಲ್ಲವೂ ಸುಲಭವಾಗಿ ಸಿಗುವುದರಿಂದ ಕಷ್ಟಪಡುವ ಅಗತ್ಯವೇ ಇಲ್ಲ. ಇಂತಹ ಸಂದರ್ಭದಲ್ಲಿ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಬಹಳ ಅಗತ್ಯವಾಗಿದೆ. ದೇಹದಲ್ಲಿ ಯಾವುದೇ ಕಾರಣಕ್ಕೂ ಬೊಜ್ಜು ಹೆಚ್ಚಾಗದಂತೆ ನೋಡಿಕೊಳ್ಳಬೇಕು. ದೇಹದ ತೂಕ ವನ್ನು ಆಗಾಗ ನಿಯಂತ್ರಣ ಮಾಡಿಕೊಳ್ಳಬೇಕು. ಚಿಕ್ಕ ವಯಸ್ಸಿಗೆ ದೊಡ್ಡ ದೊಡ್ಡ ಕಾಯಿಲೆಗಳು ಬರದ ಹಾಗೆ ದೇಹವನ್ನು ಆರೋಗ್ಯಕರವಾಗಿ ಕಾಪಾಡಿಕೊಳ್ಳಬೇಕು.
ಇದಕ್ಕೆಲ್ಲ ಒಂದು ಉತ್ತಮ ಮಾರ್ಗವೆಂದರೆ ಅದು ದೇಹಕ್ಕೆ ಸಾಧ್ಯವಾದಷ್ಟು ವ್ಯಾಯಾಮ ಅಥವಾ ಯೋಗಾಭ್ಯಾಸವನ್ನು ರೂಡಿ ಮಾಡಬೇಕು. ಇದರಿಂದ ದೇಹದ ಜಡತ್ವ ದೂರವಾಗಿ, ಮಾನಸಿಕವಾಗಿ ಸಹ ಒಳ್ಳೆಯ ಬದಲಾವಣೆ ಕಂಡುಕೊಳ್ಳಬಹುದು.
ದೇಹ ಮತ್ತು ಮೆದುಳಿನ ನಡುವೆ ಸಮತೋಲನ ಕಾಪಾಡುತ್ತದೆ
• ನಾವೆಲ್ಲ ಗಮನಿಸಿರುವ ಹಾಗೆ ಇಂದು ಮನುಷ್ಯನಿಗೆ ಮಾನಸಿಕ ಒತ್ತಡ ಎನ್ನುವುದು ಒಂದು ರೀತಿಯ ಕಾಯಿಲೆಯಾಗಿ ಅಂಟಿಕೊಂಡಿದೆ ಎನ್ನಬಹುದು. ಇದು ಯಾವುದೇ ಆರೋಗ್ಯವಂತ ವ್ಯಕ್ತಿಯನ್ನು ಆರೋಗ್ಯಕರವಾಗಿ ಇರಲು ಬಿಡುವುದಿಲ್ಲ. ಮಾನಸಿಕ ಖಿನ್ನತೆಗೆ ಗುರಿಮಾಡುತ್ತದೆ.
• ಇದಕ್ಕೆ ಒಂದು ತಾಜಾ ಉದಾಹರಣೆಯೆಂದರೆ ಆರೋಗ್ಯವಾಗಿರುವ ಕೆಲವರಿಗೆ ಮದುವೆಯಾದರೂ ಕೂಡ ಬಹಳ ಬೇಗನೆ ಮಕ್ಕಳಾಗುವುದಿಲ್ಲ. ಏಕೆಂದರೆ ಅವರು ಮಾನಸಿಕ ಒತ್ತಡದಿಂದ ಬಳಲುತ್ತಿ ರುತ್ತಾರೆ. ಹಾಗಾದರೆ ಇದಕ್ಕೆ ಔಷಧಿ ಪರಿಹಾರವಾಗಲು ಸಾಧ್ಯವಿಲ್ಲ.
• ಏನಿದ್ದರೂ ಇದನ್ನು ಯೋಗಾಭ್ಯಾಸ ಮತ್ತು ಧ್ಯಾನದಿಂದ ಸುಲಭವಾಗಿ ಬಗೆಹರಿಸಿಕೊಳ್ಳಬೇಕು. ಆದರೆ ಸಾಕಷ್ಟು ಜನರಿಗೆ ಇದು ತಿಳಿದಿರುವುದಿಲ್ಲ. ವಿವಿಧ ರೀತಿಯ ಚಿಕಿತ್ಸೆಗಳನ್ನು ತೆಗೆದುಕೊಂಡು ಹಾಗೋ ಹೀಗೋ ಗರ್ಭಾವಸ್ಥೆಗೆ ತಲುಪುತ್ತಾರೆ. ಹಾಗಿದ್ದಾಗ ಕೂಡ ಮನಸ್ಸಿಗೆ ನೆಮ್ಮದಿ ಎನ್ನುವುದು ಇರುವುದಿಲ್ಲ.
• ಇಂತಹ ಸಂದರ್ಭದಲ್ಲಿ ನಮ್ಮ ಮನಸ್ಸನ್ನು ಒಂದು ಕಡೆ ಕೇಂದ್ರೀಕೃತವಾಗುವಂತೆ ಮಾಡುವ ಶಕ್ತಿ ಇರುವುದು ಯೋಗಾಭ್ಯಾಸಕ್ಕೆ. ಅದನ್ನು ನಮ್ಮ ಜೀವನಶೈಲಿಯಲ್ಲಿ ಅಳವಡಿಸಿಕೊಂಡರೆ ನಮ್ಮ ಜೀವನ ಸಹ ಸಕಾರಾತ್ಮಕವಾಗಿ ಬದಲಾಗುತ್ತದೆ ಮತ್ತು ಮಕ್ಕಳಿಗೆ ಜನ್ಮ ನೀಡಲು ದೇಹ ಕೂಡ ಒಳ್ಳೆಯ ರೀತಿಯಲ್ಲಿ ಸ್ಪಂದಿಸುತ್ತದೆ.ದಿನಾ ಅರ್ಧ ಗಂಟೆ ಈ ಯೋಗಾಸನಗಳನ್ನು ಮಾಡಿ, ಆರೋಗ್ಯವಾಗಿರುವಿರಿ!
ದೇಹದಲ್ಲಿ ಹಾರ್ಮೋನುಗಳ ಸಮತೋಲನವನ್ನು ಸಂರಕ್ಷಿಸುತ್ತದೆ
• ಪ್ರತಿದಿನ ಯೋಗಾಭ್ಯಾಸವನ್ನು ಅನುಸರಿಸುವುದರಿಂದ ಮಾನಸಿಕ ಒತ್ತಡಕ್ಕೆ ಸಂಬಂಧಪಟ್ಟ ಕಾರ್ಟಿ ಸೋಲ್ ಎಂಬ ಹಾರ್ಮೋನ್ ಕಡಿಮೆ ಬಿಡುಗಡೆ ಮಾಡುವಂತೆ ಮೆದುಳಿಗೆ ಸೂಚನೆ ಕೊಡುತ್ತದೆ. ಇದರಿಂದ ಕ್ರಮೇಣವಾಗಿ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ.
• ಯಾವಾಗ ದೇಹದಲ್ಲಿ ಕಾರ್ಟಿಸೋಲ್ ಹಾರ್ಮೋನ್ ಹೆಚ್ಚಾಗುತ್ತದೆ, ಆ ಸಂದರ್ಭದಲ್ಲಿ ಅದು ಮೆದುಳಿಗೆ, ಹೃದಯಕ್ಕೆ ಮತ್ತು ದೇಹದ ಇನ್ನಿತರ ಅಂಗಾಂಗಗಳ ವ್ಯವಸ್ಥೆಗೆ ಕುತ್ತು ತರುತ್ತದೆ. ವಿಶೇಷ ವಾಗಿ ಪುರುಷರಲ್ಲಿ ಕಂಡುಬರುವ ಮಾನಸಿಕ ಒತ್ತಡ ಅವರ ವೀರ್ಯದ ಗುಣಮಟ್ಟ ಮತ್ತು ಸಂಖ್ಯೆಯನ್ನು ಕಡಿಮೆ ಮಾಡುತ್ತದೆ ಎಂದು ಲೈಂಗಿಕ ತಜ್ಞರು ಹೇಳುತ್ತಾರೆ.
• ಇದರಿಂದ ಕೆಲವು ವೀರ್ಯಾಣುಗಳು ಮಹಿಳೆಯ ಗರ್ಭಕೋಶದ ಅಂಡಾಶಯಕ್ಕೆ ಪ್ರವೇಶ ಮಾಡಲು ಆಗುವುದಿಲ್ಲ ಎಂದು ಸಹ ಹೇಳಿದ್ದಾರೆ. ಇದರ ಜೊತೆಗೆ ಕಾರ್ಟಿಸೋಲ್ ಹಾರ್ಮೋನ್ ದೇಹದಲ್ಲಿ ಹೆಚ್ಚಾಗುವುದರಿಂದ ಪಿಟ್ಯೂಟರಿ ಗ್ರಂಥಿ ತನ್ನ ಕಾರ್ಯಚಟುವಟಿಕೆಯಲ್ಲಿ ಬದಲಾವಣೆ ತೋರುತ್ತದೆ.
• ಇದರಿಂದಲೂ ಸಹ ಮೆದುಳಿನ ಸಂಕೇತಗಳು ಸರಿಯಾದ ರೀತಿಯಲ್ಲಿ ಅಂಡಾಶಯಗಳಿಗೆ ತಲುಪಲು ಸಾಧ್ಯವಾಗುವುದಿಲ್ಲ. ಇದರಿಂದ ಕೆಲವು ಮಹಿಳೆಯರಿಗೆ ಮುಟ್ಟಿನ ಪ್ರಕ್ರಿಯೆಯ ಕಾಲಮಾನವೇ ಬದಲಾಗುತ್ತದೆ ಎನ್ನುವುದು ವೈದ್ಯರ ಅಭಿಪ್ರಾಯವಾಗಿದೆ.
ಆಕ್ಸಿಡೇಟಿವ್ ಒತ್ತಡ ನಿವಾರಣೆ ಮಾಡುತ್ತದೆ
• ದೇಹದಲ್ಲಿ ಯಾವಾಗ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುತ್ತದೆ ಆಗ ಪುರುಷರಿಗೆ ಮಕ್ಕಳಾಗುವ ಸಾಧ್ಯತೆ ಕೂಡ ಕಡಿಮೆಯಾಗುತ್ತದೆ. ಇದಕ್ಕೆ ದಿನನಿತ್ಯದ ಜೀವನ ಶೈಲಿ, ತೆಗೆದುಕೊಳ್ಳುವ ಔಷಧಿಗಳು, ಆಹಾರ ಪದ್ಧತಿ ಎಲ್ಲವೂ ಸಹ ಕಾರಣವಾಗಬಹುದು. ಕೆಲವರಿಗೆ ವೀರ್ಯಾಣುಗಳ ಗುಣಮಟ್ಟ ಕಡಿಮೆ ಯಾಗುವುದರಿಂದ ದೇಹದಲ್ಲಿ ಡಿಎನ್ಎ ಹಾನಿಯಾಗುತ್ತದೆ ಎಂದು ತಿಳಿದುಬಂದಿದೆ.
• ಆಕ್ಸಿಡೇಟಿವ್ ಒತ್ತಡ ಹೆಚ್ಚಾಗುವುದರಿಂದ ದೇಹದಲ್ಲಿ ಫ್ರೀ ರಾಡಿಕಲ್ ಅಂಶಗಳ ಸಂಖ್ಯೆ ಕೂಡ ಅಭಿವೃದ್ಧಿಯಾಗುತ್ತದೆ ಮತ್ತು ಇದರಿಂದ ರಕ್ತದಲ್ಲಿ ಆಮ್ಲಜನಕದ ಕೊರತೆ ಕಂಡುಬರುತ್ತದೆ. ಇದಕ್ಕೆಲ್ಲ ಉತ್ತಮ ಮಾರ್ಗವೆಂದರೆ ಆರೋಗ್ಯಕರವಾದ ಜೀವನಶೈಲಿಯನ್ನು ಕಾಪಾಡಿಕೊಳ್ಳತ್ತಾ ಯೋಗಾಭ್ಯಾಸ ವನ್ನು ಅಭ್ಯಾಸ ಮಾಡುವುದಾಗಿದೆ.
• ಅಂತರಾಷ್ಟ್ರೀಯ ಯೋಗ ದಿನ ಆದ ಈ ಸಂದರ್ಭದಲ್ಲಿ ನೀವು ನಿಮ್ಮ ಜೀವನದಲ್ಲಿ ಯೋಗಾಭ್ಯಾಸ ವನ್ನು ಒಂದು ಭಾಗವಾಗಿ ಅಳವಡಿಸಿಕೊಳ್ಳುತ್ತೇವೆ ಎಂಬ ಶಪಥ ಮಾಡಿ ಮತ್ತು ಆರೋಗ್ಯಕರವಾದ ಜೀವನವನ್ನು ನಡೆಸಿ.
ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ
• ಮನುಷ್ಯನಿಗೆ ಯಾವಾಗ ಮಾನಸಿಕ ಖಿನ್ನತೆ ಎನ್ನುವುದು ಬರುತ್ತದೆ, ಆ ಸಂದರ್ಭದಲ್ಲಿ ದೇಹದ ತೂಕ ನಿಯಂತ್ರಣ ತಪ್ಪುತ್ತದೆ ಎಂದು ಹೇಳುತ್ತಾರೆ. ಅಂದರೆ ಇದ್ದಕ್ಕಿದ್ದಂತೆ ಕೆಲವರು ದಪ್ಪ ಆಗಿಬಿಡುತ್ತಾರೆ, ಇನ್ನು ಕೆಲವರಿಗೆ ದೇಹದಲ್ಲಿ ಬೊಜ್ಜು ಕಂಡು ಬರಲು ಪ್ರಾರಂಭವಾಗುತ್ತದೆ.
• ಇದು ಸಹ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆಯನ್ನು ಮತ್ತು ಗುಣಮಟ್ಟವನ್ನು ಕಡಿಮೆ ಮಾಡುವ ಸಾಮರ್ಥ್ಯ ಹೊಂದಿದೆ. ಯೋಗಾಭ್ಯಾಸವನ್ನು ಸಮರ್ಪಕವಾಗಿ ಮಾಡುವುದರಿಂದ ದೈಹಿಕ ಆರೋಗ್ಯ ಮತ್ತು ಮಾನಸಿಕ ಆರೋಗ್ಯ ಸಮತೋಲನಗೊಂಡು ದೇಹದ ತೂಕ ಬಹಳ ಚೆನ್ನಾಗಿ ನಿರ್ವಹಣೆ ಯಾಗುತ್ತದೆ. ಯೋಗಾಭ್ಯಾಸ ಮಾಡುವುದರಿಂದ ನಿಮ್ಮ ದೇಹದ ತೂಕವನ್ನು ಸಹ ನೀವು ದಿನಕಳೆದಂತೆ ಕಡಿಮೆ ಮಾಡಿಕೊಳ್ಳಲು ಸಾಧ್ಯವಿದೆ ಎನ್ನುತ್ತಾರೆ ಯೋಗ ತಜ್ಞರು.
ಐವಿಎಫ್ ಚಿಕಿತ್ಸೆ ಯಶಸ್ವಿಯಾಗುತ್ತದೆ
• ಮೊದಲೇ ಹೇಳಿದಂತೆ ಯೋಗಾಭ್ಯಾಸ ಮಾಡುವುದರಿಂದ ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ನಡುವೆ ಒಂದು ರೀತಿಯ ಸೇತುವೆ ನಿರ್ಮಾಣವಾಗುತ್ತದೆ. ಮಾನಸಿಕ ಒತ್ತಡ ಮತ್ತು ಆತಂಕವನ್ನು ಯೋಗಾಭ್ಯಾಸ ಕಡಿಮೆ ಮಾಡಿ ಮಹಿಳೆಯರ ಫಲವತ್ತತೆಯನ್ನು ಹೆಚ್ಚಿಸಿ ಐವಿಎಫ್ ಚಿಕಿತ್ಸೆ ಯಶಸ್ವಿ ಯಾಗುವಂತೆ ನೋಡಿಕೊಳ್ಳುತ್ತದೆ ಮತ್ತು ತಾಯಿಯಾಗಲು ಸಹಾಯ ಮಾಡುತ್ತದೆ.
• ಆದರೆ ಈ ಮಧ್ಯೆ ಆರೋಗ್ಯಕರವಾದ ಜೀವನಶೈಲಿ ಸಹ ಅಭ್ಯಾಸ ಆಗಬೇಕು ಜೊತೆಗೆ ವೈದ್ಯರ ಆಜ್ಞೆಯಂತೆ ಆಹಾರ ಪದ್ಧತಿಯನ್ನು ಹೊಂದಬೇಕು. ಪ್ರತಿದಿನ ದೇಹಕ್ಕೆ ವ್ಯಾಯಾಮ ಅಥವಾ ಯೋಗವನ್ನು ಅಭ್ಯಾಸ ಮಾಡಿಸಬೇಕು.
