ಹಾಸನ: ರಾಜ್ಯ ವಿಧಾನಸಭಾ ಚುನಾವಣೆ ಹೊಳೆನರಸೀಪುರ ವಿಧಾನಸಭಾ ಕ್ಷೇತ್ರದಲ್ಲಿ ಹೆಚ್.ಡಿ.ರೇವಣ್ಣ ಸುಮಾರು 3 ಸಾವಿರ ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.
ಕಾಂಗ್ರೆಸ್ ಅಭ್ಯರ್ಥಿ ಶ್ರೇಯಸ್ ಎಂ ಪಟೇಲ್ ವೀರೋಚಿತ ಸೋಲುಂಡಿದ್ದಾರೆ. ಹಾಸನ ರಾಜಕಾರಣದಲ್ಲಿ ಹೆಚ್.ಡಿ. ದೇವೇಗೌಡರ ಪ್ರಬಲ ರಾಜಕೀಯ ಎದುರಾಳಿ ಎನಿಸಿದ್ದ ಪುಟ್ಟಸ್ವಾಮಿಗೌಡರ ಕುಟುಂಬಕ್ಕೆ ಸೇರಿದ ಶ್ರೇಯಸ್ ಎಂ ಪಟೇಲ್ ಈ ಬಾರಿ ಹೊಳೆನರಸೀಪುರ ಕ್ಷೇತ್ರದಲ್ಲಿ ಒಂದು ಹಂತದಲ್ಲಿ ಗೆಲುವು ಸಾಧಿಸಬಹುದು ಎಂಬ ಭಾವನೆಗಳಿದ್ದವು.
ಈ ನಿರೀಕ್ಷೆ ಹೆಚ್ಚೂಕಡಿಮೆ ಈಡೇರುವ ಹಂತಕ್ಕೆ ಬಂದಿತ್ತಾದರೂ ಅಂತಿಮವಾಗಿ ರೇವಣ್ಣ ಬಚಾವಾಗಿ ಗೆಲುವಿನ ದಡ ಮುಟ್ಟಿದ್ದಾರೆ.
ಈ ಸುದ್ದಿ ಬರೆಯುವ ಹೊತ್ತಿನವರೆಗೆ ಸಿಕ್ಕ ಅಧಿಕೃತ ಮತಗಳ ವಿವರ:
ಜೆಡಿಎಸ್: ಎಚ್.ಡಿ. ರೇವಣ್ಣ– 83,268 ಮತಗಳು
ಕಾಂಗ್ರೆಸ್: ಶ್ರೇಯಸ್ ಎಂ ಪಟೇಲ್– 77,720 ಮತಗಳು
ಬಿಜೆಪಿ: ಜಿ. ದೇವರಾಜೇಗೌಡ– 4,452 ಮತಗಳು
