ಶಿವನ ರುದ್ರನರ್ತನವನ್ನು ನಟರಾಜ ಭಂಗಿ ಎಂದು ಕರೆಯಲಾಗುತ್ತದೆ. ಹೆಚ್ಚಿನ ನೃತ್ಯಾಭ್ಯಾಸದ ವೇಳೆ ನಟರಾಜನ ಪೂಜೆ ಮಾಡಲಾಗುತ್ತದೆ. ನಟರಾಜ ಎಂದರೆ ನೃತ್ಯದ ದೇವರು ಎಂದು ಹೇಳಲಾಗುತ್ತದೆ. ಅದೇ ನಟರಾಜಾಸನವು ಯೋಗದಲ್ಲಿದೆ. ಇದು ತುಂಬಾ ಲಾಭಕಾರಿ ಕೂಡ.
ಮನೆಯಲ್ಲೇ ಇರುವಂತಹ ಸಮಯದಲ್ಲಿ ನೀವು ಈಗ ಕೆಲವು ಯೋಗಾಭ್ಯಾಸಗಳನ್ನು ಕಲಿತುಕೊಂಡು ಅಭ್ಯಾಸ ಮಾಡಿದರೆ ಅದು ಖಂಡಿತವಾಗಿಯೂ ನಿಮಗೆ ನೆರವಾಗುವುದು. ನಟರಾಜಾಸನವು ಕಾಲು ಮತ್ತು ಕೈಗಳನ್ನ ಒಳಗೊಂಡಿರುವಂತಹ ಯೋಗ ಭಂಗಿಯಾಗಿದೆ.
ನೆನಪಿನ ಶಕ್ತಿ ಹೆಚ್ಚಲು ನಟರಾಜಾಸನ
ಇದು ಸಂಪೂರ್ಣ ದೇಹದ ಸ್ನಾಯುಗಳನ್ನು ಎಳೆಯುವುದು ಮತ್ತು ಸ್ಥಿತಿಸ್ಥಾಪಕತ್ವ ಉಂಟು ಮಾಡುವುದು.ಈ ಯೋಗಾಸನದ ಬಗ್ಗೆ ನೀವು ಇನ್ನಷ್ಟು ತಿಳಿಯಿರಿ.
ನಟರಾಜಾಸನ
• ನಟ(ನೃತ್ಯ)+ರಾಜ(ದೊರೆ/ದೇವರು)+ ಆಸನ= ನಟರಾಜಾಸನ ಅಥವಾ ದೇವರ ನೃತ್ಯ ಭಂಗಿ.
• ಶಿವನನ್ನು ತುಂಬಾ ಕಠಿಣ, ತೀವ್ರ ಹಾಗೂ ಸಮತೋಲಿತ ದೇವರು ಎಂದು ಕರೆಯಲಾಗುತ್ತದೆ.
• ಇದರಲ್ಲಿ ಶಿವ ತಾಂಡವವೆಂದು ಕರೆಯಲಾಗುವ ಶಿವನ ನೃತ್ಯದಲ್ಲಿ ನಟರಾಜ ಭಂಗಿಯೂ ಒಂದು.
• ಈ ವ್ಯಾಯಾಮವನ್ನು ಮಾಡಿದರೆ ಅದರಿಂದ ಸಂಪೂರ್ಣ ದೇಹವು ಶಕ್ತಿ ಪಡೆಯುವುದು, ದೇಹದ ಸಮತೋಲನ ಕಾಪಾಡುವುದು, ಸ್ಥಿತಿಸ್ಥಾಪಕತ್ವ ಹೆಚ್ಚುವುದು ಮತ್ತು ಸಂಪೂರ್ಣ ಶಕ್ತಿಯು ಹೆಚ್ಚಾಗುವುದು. ಈ ಯೋಗಾಸನವನ್ನು ನೀವು ಖಾಲಿ ಹೊಟ್ಟೆಯಲ್ಲಿ ಅಥವಾ ಊಟವಾದ ನಾಲ್ಕು ಗಂಟೆಗಳ ಬಳಿಕ ಮಾಡಬಹುದು.
ನಟರಾಜಾಸನದ ಲಾಭಗಳು
ನಟರಾಜಾಸನವು ಸಮನ್ವಯ ಮತ್ತು ಸಮತೋಲನವನ್ನು ಒಳಗೊಂಡಿದೆ. ಇದು ಭೂಜ, ಬೆನ್ನು, ಕೈಗಳು ಮತ್ತು ಕಾಲುಗಳನ್ನು ನೇರವಾಗಿಸಿ, ಬಲಪಡಿಸುವುದು.
• ಚಯಾಪಚಯ ಹೆಚ್ಚಿಸುವ ಮೂಲಕ ತೂಕ ಇಳಿಸಲು ಸಹಕಾರಿ.
• ಈ ಭಂಗಿಯು ಜೀರ್ಣಕ್ರಿಯೆ ವ್ಯವಸ್ಥೆ ನಿಯಂತ್ರಿಸುವುದು.
• ಕೈಗಳು, ತೊಡೆ, ಕಾಲುಗಳು, ಮಣಿಗಂಟು ಮತ್ತು ಹೊಟ್ಟೆ ಸಹಿತ ದೇಹದ ವಿವಿಧ ಭಾಗಗಳು ಇದರಿಂದ ಎಳೆಯಲ್ಪಡುವುದು.
• ದೇಹದ ಸಮತೋಲನ ಮತ್ತು ಭಂಗಿ ಸುಧಾರಣೆ ಮಾಡುವುದು. ಈ ಭಂಗಿಯನ್ನು ಪಾಲಿಸಿದರೆ ಅದರಿಂದ ನೋವು ಮತ್ತು ಸೆಳೆತ ಕಡಿಮೆ ಆಗುವುದು.
• ಈ ಆಸನವು ಮನಸ್ಸನ್ನು ಆರಾಮಗೊಳಿಸುವುದು, ಒತ್ತಡ ಕಡಿಮೆ ಮಾಡುವುದು ಮತ್ತು ಏಕಾಗ್ರತೆ ಹೆಚ್ಚಿಸುವುದು.
• ಈ ಆಸನವನ್ನು ನಿಯಮಿತವಾಗಿ ಅಭ್ಯಾಸಿಸಿದರೆ ಅದರಿಂದ ದೇಹವು ಹೆಚ್ಚು ಸ್ಥಿತಿಸ್ಥಾಪಕತ್ವ ಪಡೆಯುವುದು.
ನಟರಾಜಾಸನ ಮಾಡುವುದು ಹೇಗೆ?
• ಬೆರಳುಗಳನ್ನು ಜತೆಯಾಗಿರಿಸಿಕೊಂಡು ಹಾಗೆ ನೇರವಾಗಿ ನಿಂತುಕೊಂಡು ಒಂದು ಕೇಂದ್ರದ ಮೇಲೆ ದೃಷ್ಟಿಯನ್ನು ಇರಿಸಿ.
• ಸ್ವಲ್ಪ ಮುಂದಕ್ಕೆ ಬಾಗಿ ಬಲಗಾಲನ್ನು ಹಿಂದಕ್ಕೆ ತಂದು ಎತ್ತಿ ಬಲಗೈಯಿಂದ ಹಿಡಿಯಿರಿ.
• ಎಡಕಾಲನ್ನು ನೇರವಾಗಿ ಇಟ್ಟುಕೊಂಡು ಎಡಕೈಯನ್ನು ಮುಂದಕ್ಕೆ ತನ್ನಿ.
• ಎಡದ ಕೈಯ ತೋರು ಬೆರಳು ಮತ್ತು ಹೆಬ್ಬೆರಳಿನ ಜತೆಗೆ ಮೊಣಕೈಯನ್ನು ಕೂಡ ಮುಂದಿನ ಭಾಗಕ್ಕೆ ತರುವುದು. ಎಡದ ಕೈ ಕಡೆಗೆ ದೃಷ್ಟಿಯನ್ನಿಡಿ.
• ಇದು ಕೊನೆಯ ಭಂಗಿ ಮತ್ತು ಈ ಭಂಗಿಯಲ್ಲಿ ಸ್ವಲ್ಪ ಹೊತ್ತು ಇರಿ.
• ಎಡದ ಕೈಯನ್ನು ಈಗ ಕೆಳಗೆ ತನ್ನಿ. ಬಲದ ಕಾಲನ್ನು ಈಗ ಮೊದಲಿನ ಭಂಗಿಗೆ ತನ್ನಿ.
• ಆರಾಮ ಮಾಡಿ ಮತ್ತು ಇದೇ ಭಂಗಿಯನ್ನು ಮತ್ತೊಂದು ಬದಿಯಿಂದಲೂ ಮಾಡಿ.
• ಅಭ್ಯಾಸದ ವೇಳೆ ಸಾಮಾನ್ಯವಾಗಿ ಉಸಿರಾಡಿ.
ನಟರಾಜಾಸನ ಯಾರು ಮಾಡಬಾರದು?
• ಹೃದಯದ ಸಮಸ್ಯೆ ಅಥವಾ ಅನಿಯಮಿತ ರಕ್ತದೊತ್ತಡ ಇರುವವರು ಇದನ್ನು ಮಾಡಬಾರದು.
• ಬೆನ್ನು ಅಥವಾ ಬೆನ್ನುಹುರಿ ನೋವು ಇದ್ದರೆ ನಟರಾಜಾಸನ ಪ್ರಯತ್ನಿಸಲು ಹೋಗಬೇಡಿ. ಇದರಿಂದ ಸಮಸ್ಯೆ ತೀವ್ರವಾಗಬಹುದು.
• ತಲೆಸುತ್ತು ಬರುವ ಸಮಸ್ಯೆ ಇರುವವರು ಕೂಡ ಇದರಿಂದ ದೂರವಿರಬೇಕು.
