ಮನೆಯಲ್ಲಿ ಯಾರಾದರೂ ಅಜ್ಜಿ ತಾತ ಇದ್ದರೆ, ಅವರ ಬಳಿ ಒಂದು ಕುಟಾಣಿ ಇದ್ದೇ ಇರುತ್ತದೆ. ಏಕೆಂದರೆ ಬಾಯಲ್ಲಿ ಜಗಿಯಲು ಸಾಧ್ಯವಾಗದೇ ಹೋದರೂ ಅದರಲ್ಲಿ ಎಲೆ ಅಡಿಕೆ ಕುಟ್ಟಿ ಹಾಕಿಕೊಳ್ಳುತ್ತಾರೆ. ಅಂದರೆ ಅವರಿಗೆ ಎಲೆ-ಅಡಿಕೆ ಮೇಲೆ ಅಂತಹ ವಯಸ್ಸಿನಲ್ಲೂ ಕೂಡ ಅತಿಯಾದ ಪ್ರೀತಿ.
ಊಟ ಆದ ಮೇಲೆ ಆರೋಗ್ಯಕರವಾಗಿ ಹಾಕಿ ಕೊಳ್ಳುವ ವೀಳ್ಯದ ಎಲೆ ಎಂಬ ಸತ್ಯ ತಿಳಿಯುತ್ತದೆ. ಇದು ಸೂಪರ್ ಸತ್ಯ. ಬಹುತೇಕ ಇದನ್ನು ಅಭ್ಯಾಸ ಮಾಡಿಕೊಂಡಿರುವವರಿಗೆ ಆರೋಗ್ಯ ಸಮಸ್ಯೆಗಳು ತುಂಬಾ ಕಡಿಮೆ. ವೀಳ್ಯದೆಲೆ ನಮ್ಮ ಜೊತೆಯಲ್ಲಿದ್ದರೆ ಯಾವೆಲ್ಲ ತೊಂದರೆಗಳಿಂದ ಮುಕ್ತಿ ಪಡೆಯಬಹುದು.
ಮಲಬದ್ಧತೆ ಸಮಸ್ಯೆಯಿಂದ ದೂರವಾಗಬಹುದು
ಅಪಾರ ಪ್ರಮಾಣದ ಆಂಟಿಆಕ್ಸಿಡೆಂಟ್ ಅಂಶಗಳಿರುವ ಎಲೆ ಎಂದರೆ ಅದು ವೀಳ್ಯದ ಎಲೆ. ನಿಮ್ಮ ದೇಹದ ಫ್ರೀ ರಾಡಿಕಲ್ ಅಂಶಗಳ ವಿರುದ್ಧ ಕೆಲಸ ಮಾಡುವುದು ಮಾತ್ರವಲ್ಲದೆ ನಿಮ್ಮ ದೇಹದ ಪಿಹೆಚ್ ಮಟ್ಟವನ್ನು ಸಮತೋಲನ ಮಾಡುತ್ತದೆ.
ಇದರಿಂದ ನಿಮ್ಮ ಮಲಬದ್ಧತೆ ಸಮಸ್ಯೆ ದೂರವಾಗುತ್ತದೆ. ಯಾರಿಗೆ ಅತಿಯಾದ ಮಲಬದ್ಧತೆ ತೊಂದರೆ ಇರುತ್ತದೆ ಅಂತಹವರು ಬೆಳಗಿನ ಸಮಯದಲ್ಲಿ ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ ವೀಳ್ಯದ ಎಲೆ ಜಗಿಯುವ ಅಭ್ಯಾಸ ಇಟ್ಟುಕೊಳ್ಳಬೇಕು.
ಗ್ಯಾಸ್ಟ್ರಿಕ್ ತೊಂದರೆಯಿಂದ ರಕ್ಷಿಸುತ್ತದೆ
ಕೆಲವರಿಗೆ ಗ್ಯಾಸ್ಟ್ರಿಕ್ ತೊಂದರೆ ಇದ್ದರೆ ಹೊಟ್ಟೆ ನೋವು ಬರುತ್ತದೆ. ಜೊತೆಗೆ ಎದೆಯುರಿ, ಹೊಟ್ಟೆ ಉಬ್ಬರ ಇವೆಲ್ಲವೂ ಸಾಮಾನ್ಯ. ಆದರೆ ಇದಕ್ಕೆ ಪ್ರಮುಖ ಕಾರಣವೆಂದರೆ ಹೊಟ್ಟೆಯಲ್ಲಿ ಪಿಹೆಚ್ ಮಟ್ಟ ಅಸಮತೋಲನ ಆಗಿರುವುದು.
ಇದರಿಂದಲೇ ಗ್ಯಾಸ್ಟ್ರಿಕ್ ತೊಂದರೆ ಕಾಣಿಸುತ್ತದೆ ಮತ್ತು ನೀವು ಒಂದು ವೇಳೆ ಇಂತಹ ಸಮಸ್ಯೆಯಿಂದ ಬಳಲುತ್ತಿದ್ದರೆ, ವೀಳ್ಯದ ಎಲೆಯ ರಸ ನಿಯಮಿತವಾಗಿ ಪ್ರತಿ ದಿನ ಸೇವನೆ ಮಾಡುವುದರಿಂದ ಹೊಟ್ಟೆ ನೋವಿನಿಂದ ಮುಕ್ತಿ ಕಂಡುಕೊಳ್ಳಬಹುದು.
ಉಸಿರಾಟ ವ್ಯವಸ್ಥೆಯನ್ನು ಸರಿಪಡಿಸುತ್ತದೆ
ಇತ್ತೀಚಿನ ಯುವಕರಲ್ಲಿ ಹೆಚ್ಚಾಗಿ ಕಾಡುತ್ತಿರುವ ಸಮಸ್ಯೆ ಎಂದರೆ ಅದು ಉಸಿರಾಟದ ತೊಂದರೆ. ಇದಕ್ಕೆ ಅವರ ಜೀವನ ಶೈಲಿ ಸಹ ಕಾರಣವಾಗಿರಬಹುದು. ಆದರೆ ನೈಸರ್ಗಿಕವಾದ ರೂಪದಲ್ಲಿ ಇದನ್ನು ಪರಿಹರಿಸಿಕೊಳ್ಳಬೇಕು ಎಂದು ಆಲೋಚನೆ ಮಾಡಿದರೆ, ವೀಳ್ಯದ ಎಲೆ ಪರಿಹಾರ ಒದಗಿಸುತ್ತದೆ ಎಂದು ಹೇಳಬಹುದು.
ಚಿಕ್ಕ ಮಕ್ಕಳಿಂದ ಹಿಡಿದು ವಯೋವೃದ್ಧರವರೆಗೆ ವಿಡಿಯೋದ ಎಲೆ ತನ್ನಲ್ಲಿ ಇರುವಂತಹ ಆಂಟಿ ಬಯೋಟಿಕ್ ಅಂಶದಿಂದ ಕೆಮ್ಮು, ನೆಗಡಿ, ಶೀತ ಮತ್ತು ಉಸಿರಾಟದ ತೊಂದರೆ ಜೊತೆಗೆ ಎದೆಯಲ್ಲಿ ಕಫ ಇವುಗಳನ್ನು ಹೋಗಲಾಡಿಸುತ್ತದೆ. ಒಂದು ವೇಳೆ ನಿಮಗೇನಾದರೂ ಇಂತಹ ಸಮಸ್ಯೆ ಇದ್ದರೆ, ವೀಳ್ಯದ ಎಲೆಯನ್ನು ಒಂದು ಏಲಕ್ಕಿ ಜೊತೆ ನೀರಿನಲ್ಲಿ ಚೆನ್ನಾಗಿ ಕುದಿಸಿ ಅದರ ಆನಂತರದಲ್ಲಿ ಸಿಗುವ ನೀರನ್ನು ಕುಡಿಯಿರಿ. ನಿಮಗೆ ಬಹಳ ಬೇಗನೆ ಫಲಿತಾಂಶ ಸಿಗುತ್ತದೆ.
ಇದು ಆಂಟಿ ಫಂಗಲ್
ಹೌದು ವೀಳ್ಯದ ಎಲೆಯಲ್ಲಿ ಮೊದಲೇ ಹೇಳಿದಂತೆ ಅನೇಕ ಔಷಧೀಯ ಗುಣ ಲಕ್ಷಣಗಳು ಇರುತ್ತವೆ. ಹಾಗಾಗಿಯೇ ಇದು ಆಯುರ್ವೇದ ಪದ್ಧತಿಯಲ್ಲಿ ಕೂಡ ಬಳಕೆಯಲ್ಲಿ ಇರುವುದು ಸಾಬೀತಾಗಿದೆ. ಮೈ ಮೇಲೆ ಉಂಟಾದ ಗಾಯಗಳಿಗೆ ಇದು ಔಷಧಿ ಎಂದರೆ ನೀವು ನಂಬುತ್ತೀರಾ? ನಂಬಲೇಬೇಕು.
ಏಕೆಂದರೆ ಇದು ಆಂಟಿ ಫಂಗಲ್! ನಿಮ್ಮ ಗಾಯ ಹೆಚ್ಚಾಗದಂತೆ ತನ್ನ ಪ್ರಭಾವದಿಂದ ಕಡಿಮೆ ಯಾಗುವಂತೆ ನೋಡಿಕೊಳ್ಳುತ್ತದೆ. ಕೇವಲ ಚರ್ಮದ ಮೇಲೆ ಮಾತ್ರವಲ್ಲದೆ ನಿಮ್ಮ ದೇಹದ ಒಳಗೂ ಕೂಡ ಇದು ತನ್ನ ಆಂಟಿ ಫಂಗಲ್ ಲಕ್ಷಣವನ್ನು ತೋರ್ಪಡಿಸುತ್ತದೆ.
ಇನ್ನು ಮುಂದೆ ತಲೆನೋವಿಗೆ ಮಾಡಿ ಬಾಯ್ ಬಾಯ್
ಸಾಕಷ್ಟು ಜನರಿಗೆ ತಲೆನೋವು ಶುರುವಾದರೆ ಮನಸ್ಸಿನ ನೆಮ್ಮದಿ ಹೊರಟು ಹೋಗುತ್ತದೆ. ಆದರೆ ತಲೆನೋವಿಗೆ ರಾಮಬಾಣ ಎಂದರೆ ಅದು ವೀಳ್ಯದ ಎಲೆ. ಇದು ತನ್ನಲ್ಲಿ ನೋವು ನಿವಾರಕ ಗುಣವನ್ನು ಹೊಂದಿರುವ ಜೊತೆಗೆ ನಿಮ್ಮ ಹಣೆಯ ಭಾಗವನ್ನು ತಂಪಾಗಿಸುವ ಸ್ವಭಾವವನ್ನು ಹೊಂದಿದೆ. ಅಂಗಡಿಯಲ್ಲಿ ಸಿಗುವ ವೀಳ್ಯದೆಲೆಯ ಎಣ್ಣೆ ನಿಮ್ಮ ತಲೆನೋವಿಗೆ ಶಾಶ್ವತ ಪರಿಹಾರ!
ಬಾಯಿಯ ಆರೋಗ್ಯಕ್ಕೆ ತುಂಬಾ ಉತ್ತಮ
ಊಟ ಆದ ಮೇಲೆ ಎಲೆ ಅಡಿಕೆ ಹಾಕಿಕೊಳ್ಳುವುದನ್ನು ನೀವು ನೋಡಿರುತ್ತೀರಿ. ಇದು ಕೇವಲ ಮೋಜಿಗಾಗಿ ಎಂದು ನೀವು ತಿಳಿದುಕೊಂಡಿರಬಹುದು ಮತ್ತು ಹಾಕಿಕೊಳ್ಳುವವರು ಕೂಡ ಹೀಗೆ ತಿಳಿದು ಕೊಂಡಿ ರುತ್ತಾರೆ. ಆದರೆ ಅವರಿಗೆ ಗೊತ್ತಿಲ್ಲದಂತೆ ಅವರ ಬಾಯಿಯಲ್ಲಿನ ಬ್ಯಾಕ್ಟೀರಿಯಗಳು ಮತ್ತು ಸೋಂಕು ಕಾರಕ ಕ್ರಿಮಿಗಳು ನಾಶವಾಗುತ್ತವೆ. ಏಕೆಂದರೆ ವೀಳ್ಯದ ಎಲೆಯ ರಸ ಅಷ್ಟು ಪವರ್ಫುಲ್! ಇದರ ಜೊತೆಗೆ ಹಲ್ಲುಗಳು ಮತ್ತು ವಸಡುಗಳು ಗಟ್ಟಿಯಾಗುತ್ತವೆ.
ಹಲ್ಲುಗಳ ಸಮಸ್ಯೆ
ಚಿಕ್ಕ ವಯಸ್ಸಿಗೆ ಹಲ್ಲುಗಳ ಸಮಸ್ಯೆ ಅಥವಾ ಬಾಯಿಯ ತೊಂದರೆ ಬರುವುದು ಇರುವುದಿಲ್ಲ. ನಿಮ್ಮ ಉತ್ತಮವಾದ ಬಾಯಿಯ ಆರೋಗ್ಯಕ್ಕೆ ನೀವು ವೀಳ್ಯದ ಎಲೆಯನ್ನು ನೀರಿನಲ್ಲಿ ಚೆನ್ನಾಗಿ ಕುದಿಸಿ ಆ ನೀರಿನಿಂದ ಬಾಯಿ ಮುಕ್ಕಳಿಸಿ. ದಿನ ಬಿಟ್ಟು ದಿನ ಹೀಗೆ ಮಾಡುವುದರಿಂದ ಬಾಯಿಯ ದುರ್ನಾತ ದೂರವಾಗುತ್ತದೆ ಮತ್ತು ನಿಮ್ಮ ದೇಹದ ಆರೋಗ್ಯ ಕೂಡ ಹೆಚ್ಚಾಗುತ್ತದೆ.
ಡೆಂಗ್ಯೂ ಜ್ವರದ ಆತಂಕದಲ್ಲಿ ಮೈಸೂರಿನ ಕೆ ಆರ್ ಒನ್ ಬೆಟ್ಟದಪುರದ ಜನರು!
ಗುಜರಾತ್ ಕರಕುಶಲ ಉತ್ಸವದ ಸದುಪಯೋಗ ಪಡೆದುಕೊಳ್ಳಿ: ಕೆ ಎಂ ಗಾಯಿತ್ರಿ
ನ್ಯಾಯಾಲಯದಲ್ಲಿ ಜವಾನ ಹುದ್ದೆಗಳ ಭರ್ತಿಗೆ ಅಧಿಸೂಚನೆ !
ಮೂಡ ಹಗರಣಕ್ಕೆ ಸಂಬಂಧಿಸಿದ ವ್ಯಕ್ತಿಯ ಅಮಾನತು ಮಾಡುವಂತೆ ಪ್ರತಿಭಟನೆ
ಗುಜರಾತ್ ಹ್ಯಾಂಡಿಕ್ರಾಫ್ಟ್ ಉತ್ಸವ -2024 ಕುರಿತು ಪತ್ರಿಕಾಗೋಷ್ಠಿಯನ್ನು ಏರ್ಪಡಿಸಲಾಯಿತು
T20 ವಿಶ್ವ ಚಾಂಪಿಯನ್ ಟೀಮ್ ಇಂಡಿಯಾವನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ
4,000 ಕೋಟಿ ಬ್ರಹ್ಮಾಂಡ ಭ್ರಷ್ಟಾಚಾರ ಹಗರಣ ವಿರೋಧಿಸಿ ಪ್ರತಿಭಟನೆ
ಗ್ರಾಮ ಪಂಚಾಯಿತಿಗಳಲ್ಲೇ, ಜನನ ಮತ್ತು ಮರಣ, 'ಪ್ರಮಾಣ ಪತ್ರ' ದೊರೆಯುತ್ತದೆ.
ಮಿನಿ ಉದ್ಯೋಗ ಮೇಳ..!
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.