ಕಡಿಮೆ ರಕ್ತದೊತ್ತಡದ ಸಮಸ್ಯೆಯೂ ಬಹುತೇಕರನ್ನು ಕಾಡುತ್ತಿದೆ. ಇದಕ್ಕೆ ಜೀವನಶೈಲಿಯೂ ಕಾರಣವಾಗಿರಬಹುದು. ಬಿಪಿ ಲೋ ಆಗದಂತೆ ನೋಡಿಕೊಳ್ಳಲು ಕೆಲವು ಟಿಪ್ಸ್‌ಗಳನ್ನು ಇಲ್ಲಿ ನೀಡಲಾಗಿದೆ.
ನಿಶ್ಯಕ್ತಿ,ಮೂರ್ಛೆ ಹೋಗುವುದು, ತಲೆತಿರುಗುವಿಕೆ, ಆಯಾಸ, ವಾಕರಿಕೆ, ನಿರ್ಜಲೀಕರಣ, ಏಕಾಗ್ರತೆಯಲ್ಲಿ ತೊಂದರೆ, ಮಂದ ದೃಷ್ಟಿ, ಕಣ್ಣುಕತ್ತಲೆ, ಬೆವರುವುದು, ಖಿನ್ನತೆ, ತ್ವರಿತ ಉಸಿರಾಟ ಇವು ಲೋ ಬಿಪಿಯ ಲಕ್ಷಣಗಳು.
ಲೋ ಬಿಪಿ ಆಗದಂತೆ ತಡೆಯುವುದು :
ದಿನವಿಡೀ ಹೆಚ್ಚು ನೀರು ಕುಡಿಯುವುದು , ಆಲ್ಕೋಹಾಲ್ ಅನ್ನು ತಪ್ಪಿಸುವುದು, ಹೆಚ್ಚು ಆರೋಗ್ಯಕರ ಆಹಾರ ಸೇವನೆ, ಹೆಚ್ಚಿನ ಸೋಡಿಯಂ ಆಹಾರವನ್ನು ಸೇವಿಸುವುದು, ಟೊಮೆಟೊ ಜ್ಯೂಸ್ ಅಥವಾ ಇನ್ನೀತರ ಆರೋಗ್ಯಕರ ಪಾನೀಯಗಳನ್ನು ಕುಡಿಯುವುದು
ಹಾಸಿಗೆಯಿಂದ ಇಳಿಯುವ ಮೊದಲು ರಕ್ತದ ಹರಿವನ್ನು ಉತ್ತೇಜಿಸಲು ಕಾಲಿನ ವ್ಯಾಯಾಮ ಮಾಡುವುದು, ಕಂಪ್ರೆಷನ್ ಸ್ಟಾಕಿಂಗ್ಸ್ ಧರಿಸಿ. ಇದನ್ನು ಉಬ್ಬಿರುವ ರಕ್ತನಾಳಗಳ ನೋವು ಮತ್ತು ಊತವನ್ನು ನಿವಾರಿಸಲು ಬಳಸಲಾಗುತ್ತದೆ.ನೇರವಾಗಿ ಮಲಗಿ ಅಥವಾ ಕುಳಿತುಕೊಳ್ಳಿ.
ಒಂದು ವೇಳೆ ನಿಮ್ಮ ಕಡಿಮೆ ರಕ್ತದೊತ್ತಡದ ಸಮಸ್ಯೆಯನ್ನು ಆಹಾರಗಳ ಮೂಲಕ ಸರಿಪಡಿಸಬಹುದಾದರೆ ವೈದ್ಯರು ನಿಮ್ಮ ಡಯೆಟ್‌ನ್ನು ಬದಲಾಯಿಸುವ ಸಲಹೆ ನೀಡಬಹುದು. ಇಲ್ಲವಾದರೆ ಅಸ್ತಿತ್ವದಲ್ಲಿರುವ ಔಷಧದ ಡೋಸೇಜ್ ಅನ್ನು ಬದಲಾಯಿಸಬಹುದು ಅಥವಾ ರಕ್ತದೊತ್ತಡವನ್ನು ಹೆಚ್ಚಿಸಲು ಔಷಧಿಗಳನ್ನು ಶಿಫಾರಸು ಮಾಡಬಹುದು.
