ಮುಂಬೈ: ಬಾಲಿವುಡ್ ತಾರೆಗಳಾದ ಫರ್ಹಾನ್ ಅಖ್ತರ್ ಮತ್ತು ಶಿಬಾನಿ ದಾಂಡೇಕರ್ ಅವರು ಶನಿವಾರ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಈ ಮದುವೆ ಸಮಾರಂಭವು ಕುಟುಂಬ ಸದಸ್ಯರೊಂದಿಗೆ ಖಾಸಗಿಯಾಗಿ ನೇರವೇರಿತ್ತು.
ಫರ್ಹಾನ್ ಅಖ್ತರ್ ಅವರ ತಂದೆ ಹಾಗೂ ಹೆಸರಾಂತ ಗೀತರಚನೆಕಾರ ಜಾವೇದ್ ಅಖ್ತರ್ ಅವರಿಗೆ ಬಾಲಿವುಡ್ ನಟಿ ಶಬಾನಾ ಅಜ್ಮಿ ಎರಡನೇ ಪತ್ನಿಯಾಗಿದ್ದು, ಈ ಸಮಾರಂಭದ ಚಿತ್ರವನ್ನು ಶಬಾನಾ ಅಜ್ಮಿ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ನವವಿವಾಹಿತರಿಗೆ ಶುಭ ಹಾರೈಸುತ್ತಿರುವುದಾಗಿ ಬರೆದುಕೊಂಡಿರುವ ಶಬಾನಾ ಅವರು ಶಿಬಾನಿ ದಾಂಡೇಕರ್ ಅವರನ್ನು ತಮ್ಮ ಕುಟುಂಬಕ್ಕೆ ಸ್ವಾಗತಿಸಿದ್ದಾರೆ. ‘ಸಂತಸಭರಿತ ಕುಟುಂಬವು ಸುಂದರ ಶಿಬಾನಿಯನ್ನು ತನ್ನ ಮಡಿಲಿಗೆ ಸ್ವಾಗತಿಸುತ್ತಿದೆ’ ಎಂದು ಶಬಾನಾ ತಿಳಿಸಿದ್ದಾರೆ.
