ಪ್ರತಿಯೊಬ್ಬರು ಪ್ರತಿನಿತ್ಯ ಕನಿಷ್ಟ ಪಕ್ಷ 30 ನಿಮಿಷಗಳು ವ್ಯಾಯಾಮ ಮಾಡಲೇಬೇಕು. ವ್ಯಾಯಾಮ ಮಾಡುವುದರಿಂದ ದೇಹ ಮತ್ತು ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿಯಾಗಿದೆ. ಹಿರಿಯರು ಸುಲಭವಾಗಿ ಮಾಡಬಹುದಾದ ವ್ಯಾಯಾಮಗಳ ಮಾಹಿತಿ ಇಲ್ಲಿದೆ.
ವಾಕಿಂಗ್‌
ವಾಕಿಂಗ್‌ ಸೀನಿಯರ್‌ ಸಿಟಿಜನ್‌ಗಳಿಗೆ ಅತ್ಯುತ್ತಮವಾದ ವ್ಯಾಯಾಮವಾಗಿದೆ. ಪ್ರತಿನಿತ್ಯ ವಾಕಿಂಗ್‌ ಮಾಡುವುದನ್ನು ರೂಢಿಸಿಕೊಂಡಿರುವವರಲ್ಲಿ ಕೀಲು ನೋವಿನ ಅಪಾಯವನ್ನು ಕಡಿಮೆ ಹೊಂದಿರುತ್ತಾರೆ. ಒಂದು ವೇಳೆ ನೀವು ಮಧುಮೇಹ ಹೊಂದಿದ್ದರೆ ವಾಕಿಂಗ್‌ ಮಾಡುವಂತೆ ವೈದ್ಯರು ಶಿಫಾರಸ್ಸು ಮಾಡುತ್ತಾರೆ. ವಾಕಿಂಗ್‌ ಆರೋಗ್ಯದ ಜೊತೆ ಜೊತೆಗೆ ಕ್ಯಾಲೋರಿಗಳನ್ನು ಬರ್ನ್‌ ಮಾಡಲು ಸಹಾಯ ಮಾಡುತ್ತದೆ. ಫಿಟ್‌ ಆಂಡ್‌ ಹೆಲ್ತಿಯಾಗಿರಲು 30 ನಿಮಿಷಗಳ ಕಾಲ ವಾಕಿಂಗ್‌ ಮಾಡುವುದು ಅತ್ಯವಶ್ಯ.
ಯೋಗ
ಹೊರಗೆ ಹೋಗಲು ನಿಮ್ಮ ಮನಸ್ಸು ಬಯಸಿದ್ದರೆ ಮನೆಯಲ್ಲಿಯೇ ಯೋಗ ಮಾಡಬಹುದು. ಯೋಗ ಮಾಡವುದರಿಂದ ಮನಸ್ಥಿತಿ, ಕೀಲು ನೋವುಗಳನ್ನು ಸುಧಾರಿಸಬಹುದು. ಕುರ್ಚಿ ಯೋಗ ಕೂಡ ವಯಸ್ಸಾದವರಿಗೆ ಅತ್ಯುತ್ತಮವಾದ ಪರ್ಯಾಯವಾಗಿದೆ. ಅಲ್ಲದೆ, ಪ್ರಶಾಂತವಾದ ವಾತಾವರಣದಲ್ಲಿ ಧ್ಯಾನ ಮಾಡಿ. ಇದು ನಿಮ್ಮ ಮನಸ್ಸು, ಏಕಾಗ್ರತೆಯ ಮಟ್ಟ, ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಯೋಗ ಕೂಡ ದೇಹದ ತೂಕವನ್ನು ಕಡಿಮೆ ಮಾಡುತ್ತದೆ ಮತ್ತು ಅನೇಕ ಅಪಾಯಕಾರಿ ಕಾಯಿಲೆಗಳಿಂದ ನಿಮ್ಮನ್ನು ರಕ್ಷಿಸುತ್ತದೆ.
ಈಜು
ಈಜುವುದು ದೇಹಕ್ಕೆ ಮತ್ತು ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಈಜುವುದು ಒಂದು ಮೋಜಿನ ಚಟುವಟಿಕೆ ಎಂದೇ ಕರೆಯಲಾಗುತ್ತದೆ. ಇದರಿಂದ ನಿಮ್ಮ ದೇಹ ಮತ್ತು ಮನಸ್ಸನ್ನು ಉಲ್ಲಾಸ ಮತ್ತು ಉಸ್ಸಾಹದಿಂದ ಕೂಡಿರುವಂತೆ ಮಾಡಬಹುದು. ಈಜು ಸಹಿಷ್ಣುತೆ, ಸ್ನಾಯು ಶಕ್ತಿ ಮತ್ತು ಹೃದಯರಕ್ತನಾಳದ ಆರೋಗ್ಯವನ್ನು ಕಾಪಾಡುತ್ತದೆ. ಬೇಸಿಗೆ ಕಾಲದಲ್ಲಿ ಈಜು ಅತ್ಯುತ್ತಮವಾದ ಚಟುವಟಿಕೆಯಾಗಿದೆ. ಇದು ನಿಮ್ಮ ದೇಹಕ್ಕೆ ವಿಶ್ರಾಂತಿಯನ್ನು ನೀಡುತ್ತದೆ. ಇನ್ನು ದೇಹದ ತೂಕವನ್ನು ಕಾಪಾಡುತ್ತದೆ.
ಏರೋಬಿಕ್ ವ್ಯಾಯಾಮಗಳು
ಹಿರಿಯರಿಗೆ ಏರೋಬಿಕ್ ಅತ್ಯುತ್ತಮವಾದ ವ್ಯಾಯಾಮವಾಗಿದೆ. ಏಕೆಂದರೆ ವಯಸ್ಸಾದವರಲ್ಲಿ ಹೆಚ್ಚಾಗಿ ಕಾಣಿಸುವ ಸಮಸ್ಯೆ ಎಂದರೆ ದುರ್ಬಲ ಮೊಣಕಾಲು ಮತ್ತು ಕೀಲು ನೋವು. ಈ ಸಮಸ್ಯೆಯಿಂದಾಗಿ ಹೊರಗೆ ವಾಕಿಂಗ್‌ ಮಾಡಲು, ವ್ಯಾಯಾಮ ಮಾಡಲು ಹಿಂದೇಟು ಹಾಕಬಹುದು. ಅಂತವರಿಗೆ ಏರೋಬಿಕ್ ವ್ಯಾಯಾಮ ಬೆಸ್ಟ್‌ ಎಂದೇ ಹೇಳಬಹುದು. ಏಕೆಂದರೆ ಏರೋಬಿಕ್ ವ್ಯಾಯಾಮಗಳು ಕೀಲುಗಳ ಮೇಲೆ ಕಡಿಮೆ ಒತ್ತಡವನ್ನು ಉಂಟು ಮಾಡುತ್ತದೆ. ಉದಾಹರಣೆಗೆ ಆಕ್ವಾ ಜಾಗಿಂಗ್‌, ಲೆಗ್‌ ಲಿಫ್ಟ್‌, ಆರ್ಮ್‌ ಕರ್ಲ್ಸ್ ಮತ್ತು ಫ್ಲಟರ್‌ ಕಿಕ್‌ ಇನ್ನು ಹಲವಾರು.
ಸರಳವಾದ ವ್ಯಾಯಾಮ
ಹಿರಿಯರಿಗೆ ಸರಳವಾದ ಸ್ಕ್ವಾಟ್‌ಗಳು, ಕುಳಿತಿರುವ ಮತ್ತು ಕಾಲು ಸ್ಟ್ರೇಚ್‌ ಮಾಡುವ, ಸ್ಟೆಪ್‌ ಅಪ್‌ಗಳು, ಟೋ ಲಿಫ್ಟ್‌ಗಳಂತಹ ಸರಳವಾದ ವ್ಯಾಯಾಮಗಳನ್ನು ಹಿರಿಯ ನಾಗರಿಕರು ಆರಿಸಿಕೊಳ್ಳಬಹುದು. ಇಂತಹ ವ್ಯಾಯಾಮಗಳು ಕೀಲುಗಳ ಮೇಲೆ ಹೆಚ್ಚು ಒತ್ತಡವನ್ನು ಉಂಟು ಮಾಡುವುದಿಲ್ಲ. ಬದಲಾಗಿ ಅತಿ ಹೆಚ್ಚು ಕ್ಯಾಲೋರಿಗಳನ್ನು ಸುಡುವ ಮೂಲಕ ತೂಕವನ್ನು ನಿಯಂತ್ರಿಸುತ್ತದೆ. ಈ ರೀತಿಯ ವ್ಯಾಯಾಮಗಳು ಸ್ನಾಯುಗಳನ್ನು ಬಲಪಡಿಸಲು ಮತ್ತು ಮೂಳೆಗಳನ್ನು ಬಲಿಷ್ಠಗೊಳಿಸಲು ಸಹಾಯ ಮಾಡುತ್ತದೆ.
