ದೇಹದ ತೂಕ ಇಳಿಕೆಗೆ ಸ್ಕಿಪ್ಪಿಂಗ್ ಹೆಚ್ಚು ನೆರವಾಗುತ್ತದೆ. ಸುಲಭವಾಗಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಸ್ಕಿಪ್ಪಿಂಗ್ ನಿಮಗೆ ಸಹಾಯಕವಾಗುತ್ತದೆ. ಸ್ಕಿಪ್ಪಿಂಗ್‌ನಲ್ಲೂ ಹಲವು ವಿಧಗಳಿವೆ. ಎಲ್ಲಾ ರೀತಿಯ ಸ್ಕಿಪ್ಪಿಂಗ್‌ಗಳು ದೇಹದ ವಿವಿಧ ಭಾಗಗಳಲ್ಲಿನ ಬೊಜ್ಜನ್ನು ಕರಗಿಸಲು ನೆರವಾಗುತ್ತವೆ. ನೀವು ಪ್ರತಿದಿನ 15 ನಿಮಿಷವಾದರೂ ಸ್ಕಿಪ್ಪಿಂಗ್ ಅಭ್ಯಾಸ ಮಾಡಿಕೊಳ್ಳಿ ದೇಹವನ್ನು ಫಿಟ್‌ ಆಗಿ ಇಟ್ಟುಕೊಳ್ಳಬಹುದು. ಸ್ಕಿಪ್ಪಿಂಗ್ ನಿಂದಾಗುವ ಪ್ರಯೋಜನಗಳ ಇಲ್ಲಿದೆ ಸಂಪೂರ್ಣ ಮಾಹಿತಿ.
ಜಂಪ್‌ ಸ್ಕಿಪ್ಪಿಂಗ್
ಜಂಪ್‌ ಸ್ಕಿಪ್ಪಿಂಗ್ ಮಾಡುವುದರಿಂದ ಬಹಳಷ್ಟು ಕ್ಯಾಲೊರಿಗಳನ್ನು ಸುಡಬಹುದು. ದೇಹವನ್ನು ಸಂಪೂರ್ಣವಾಗಿ ಮೇಲಕ್ಕೆತ್ತುವ ಕಾರಣ ಸೊಂಟ, ಭುಜ, ಕಾಲುಗಳಿಗೆ ಉತ್ತಮ ವ್ಯಾಯಾಮ ದೊರಕುತ್ತದೆ. 91 ಕೆಜಿ ತೂಕವಿರುವ ವ್ಯಕ್ತಿ 20 ನಿಮಿಷಗಳ ಕಾಲ ವೇಗವಾಗಿ ಸ್ಕಿಪ್ಪಿಂಗ್ ಮಾಡುವುದರಿಂದ ವ್ಯಕ್ತಿಯು ಸುಮಾರು 362 ಕ್ಯಾಲೊರಿಗಳನ್ನು ಬರ್ನ್ ಮಾಡಬಹುದು. ನೆನಪಿಡಿ ವೇಗದ ಸ್ಕಿಪ್ಪಿಂಗ್ ಮಾಡುವಾಗ ಉಸಿರಾಟದೆಡೆಗೆ ಎಚ್ಚರಿಕೆಯಿರಿಲಿ. ಜೊತೆಗೆ ಸಮತಟ್ಟಾದ ಜಾಗವನ್ನು ಆಯ್ಕೆ ಮಾಡಿಕೊಳ್ಳಿ.
ಆರಂಭಿಕ ಸ್ಕಿಪ್ಪಿಂಗ್
ಆರಂಭದಲ್ಲಿ ಸ್ಕಿಪ್ಪಿಂಗ್ ಕಷ್ಟವಾಗಬಹುದು. ಹಗ್ಗ ಕಾಲಿಗೆ ಸಿಕ್ಕಿಕೊಳ್ಳುವಂತಹ ಪ್ರಸಂಗ ಒದಗಬಹುದು. ಆದರೆ ನಿಧಾನವಾಗಿಯೇ ಪ್ರಾರಂಭಿಸಿ. ಇದರಿಂದ ನಿಧಾನವಾದರೂ ಒಂದಷ್ಟು ಕ್ಯಾಲೋರಿಗಳನ್ನು ಕಳೆದುಕೊಳ್ಳಬಹುದು. ಆರಂಭದಲ್ಲಿ ನಿಧಾನವಾಗಿ ಹಗ್ಗದಿಂದ ಹಾರುವ ಅಭ್ಯಾಸ ಮಾಡಿಕೊಳ್ಳಿ.
ವೇಗದ ಜಿಗಿತ
ಸ್ಪೀಡ್ ರೋಪ್ ವ್ಯಾಯಾಮದಲ್ಲಿ ನೀವು ನಿರಂತರವಾಗಿ ಜಿಗಿಯುವುದನ್ನು ಮುಂದುವರಿಸುವ ಬದಲು ನಿರ್ದಿಷ್ಟ ಸಮಯದಲ್ಲಿ ಹೆಚ್ಚು ಹೆಚ್ಚು ಜಿಗಿತಗಳನ್ನು ಹೊಡೆಯುವ ಗುರಿಯನ್ನು ಹೊಂದಿರಬೇಕು. 30 ಅಥವಾ 60 ಸೆಕೆಂಡುಗಳ ಟೈಮರ್ ಅನ್ನು ಹೊಂದಿಸುವ ಮೂಲಕ ನೀವೇ ನಿಮ್ಮ ಸ್ಕಿಪ್‌ಗಳ ಸಂಖ್ಯೆಯನ್ನು ಎಣಿಸಿ. ನಿಮ್ಮ ವೇಗವನ್ನು ನೀವು ಹೆಚ್ಚಿಸಿದರೆ, ನಿಮ್ಮ ಒಟ್ಟು ಜಿಗಿತಗಳ ಸಂಖ್ಯೆ ಹೆಚ್ಚಾಗುತ್ತದೆ. ನಿಮ್ಮೊಂದಿಗೆ ಇನ್ನೊಬ್ಬರನ್ನು ಸ್ಕಿಪ್ಪಿಂಗ್ ಮಾಡಲು ಇದ್ದರೆ ಇದನ್ನು ಆಟದ ರೀತಿಯಲ್ಲಿ ಮಾಡಿ ದೇಹದ ತೂಕವನ್ನು ಕಳೆದುಕೊಂಡು ಆರೋಗ್ಯಯುತವಾಗಿ ಇರಬಹುದಾಗಿದೆ.
ಒಂಟಿ ಕಾಲಿನ ಸ್ಕಿಪ್ಪಿಂಗ್
ಇಂಟ್ರಸ್ಟಿಂಗ್‌ ಎನ್ನಿಸುವ ಹಾಗೂ ಕೊಂಚ ಕಷ್ಟದಾಯಕವಾಗಿರುವ ಸ್ಕಿಪ್ಪಿಂಗ್ ಬಗೆ ಒಂಟಿ ಕಾಲಿನಲ್ಲಿ ಮಾಡುವುದು. ಇದನ್ನು ಮಾಡುವಾಗ ನಿಧಾನವಾಗಿ ಅರಂಭಿಸಿ. ಒಂದು ಕಾಲನ್ನು ಮೇಲಕ್ಕೆ ಎತ್ತಿ ಹಿಡಿದುಕೊಳ್ಳಿ. ಇನ್ನೊಂದು ಕಾಲನ್ನು ಹಗ್ಗ ಬಂದಂತೆ ಹಾರಿ ಸ್ಕಿಪ್ಪಿಂಗ್ ಮಾಡಿ. ಇದು ಮಂಡಿಗೆ ಹೆಚ್ಚು ಒತ್ತಡವನ್ನು ನೀಡುತ್ತದೆ. ಆದರೆ ದೇಹದ ತೂಕವನ್ನು ಕಳೆದುಕೊಳ್ಳಲು ಉತ್ತಮ ಅಭ್ಯಾಸವಾಗಿದೆ. ಅದರೆ ನೆನಪಿಡಿ ನೀವು ದುರ್ಬಲ ಮೊಣಕಾಲು ಬಲವನ್ನು ಹೊಂದಿದ್ದರೆ ಅಥವಾ ಮೊಣಕಾಲುಗಳಲ್ಲಿ ನೋವನ್ನು ಹೊಂದಿದ್ದರೆ ನೀವು ಈ ವ್ಯಾಯಾಮವನ್ನು ಮಾಡದೇ ಇರುವುದು ಒಳ್ಳೆಯದು.
ಮೊಣಕಾಲನ್ನು ಎತ್ತಿ ಮಾಡುವ ಸ್ಕಿಪ್ಪಿಂಗ್
ಒಂದೇ ಸಮಯದಲ್ಲಿ ಎರಡೂ ಕಾಲುಗಳನ್ನು ಎತ್ತಿ ಸ್ಕಿಪ್ಪಿಂಗ್ ಮಾಡಬಹುದು. ನೀವು ಜಿಗಿಯುವಾಗ, ನಿಮ್ಮ ಮೊಣಕಾಲುಗಳನ್ನು ಮೇಲಕ್ಕೆತ್ತಿ ಮತ್ತು ಅವುಗಳನ್ನು ಸಾಧ್ಯವಾದಷ್ಟು ನಿಮ್ಮ ಎದೆಯ ಎತ್ತರಕ್ಕೆ ಎಳೆಯಿರಿ. ನಿಮ್ಮ ಮೊಣಕಾಲುಗಳನ್ನು ಮೇಲಕ್ಕೆ ಎಳೆಯುವುದರಿಂದ ನಿಮ್ಮ ಕೋರ್ ಸ್ನಾಯುಗಳನ್ನು ಸಕ್ರಿಯಗೊಳಿಸುತ್ತದೆ. ಇದರಿಂದ ಹೊಟ್ಟೆಯ ಬೊಜ್ಜನ್ನು ಕರಗಿಸಬಹುದು. ಸ್ಕಿಪ್ಪಿಂಗ್ ನಿಮ್ಮ ತೋಳಿನ ಸ್ನಾಯುಗಳನ್ನು ಟೋನ್ ಮಾಡಲು ಸಹಾಯ ಮಾಡುತ್ತದೆ. ಹೀಗಾಗಿ ಪ್ರತಿದಿನ 10 ಜಿಗಿತದೊಂದಿಗೆ ವ್ಯಾಯಾಮವನ್ನು ಆರಂಭಿಸಿ. ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು ಜೊತೆಗೆ ದೇಹದ ತೂಕವನ್ನು ಕಳೆದುಕೊಳ್ಳಬಹುದು.
