ಮಹಿಳೆಯರು ಕೆಲವೊಮ್ಮೆ ಸಣ್ಣ ವಿಷ್ಯವನ್ನು ದೊಡ್ಡದು ಮಾಡುತ್ತಾರೆ ಅನ್ನೋದು ನಿಮಗೆ ಗೊತ್ತೇ ಇರುತ್ತದೆ. ಅವರ ಈ ರೀತಿಯ ನಡವಳಿಕೆಯಿಂದಾಗಿ ಪುರುಷರು ನಿರಾಶೆಗೊಳ್ಳುತ್ತಾರೆ. ಅದರಲ್ಲೂ ವೈವಾಹಿಕ ಜೀವನದಲ್ಲಿ ಇಂತಹ ಘಟನೆ ಪದೇ ಪದೇ ನಡೆಯುತ್ತಲೇ ಇರುತ್ತದೆ. ಪತ್ನಿಯ ಅಥವಾ ಗರ್ಲ್ಫ್ರೆಂಡ್ನ ಇಂತಹ ನಡವಳಿಕೆಯು ಸಂಗಾತಿಯನ್ನು ಕೆರಳಿಸುವುದು ಸಾಮಾನ್ಯ.
ತರಬೇಕಾದ ಬದಲಾವಣೆ
ಒಬ್ಬ ಪಾಲುದಾರನು ತನ್ನ ಹೆಂಡತಿ ವಿಷಯಗಳನ್ನು ತುಂಬಾ ಗಂಭೀರವಾಗಿ ತೆಗೆದುಕೊಳ್ಳಬಾರದು ಅದನ್ನು ಬಿಟ್ಟುಬಿಡಬೇಕು ಎಂದು ಬಯಸುತ್ತಾನೆ. ಆದರೆ ಮಹಿಳೆಯರಿಗೆ ಹಾಗೇ ಮಾಡಲು ತುಂಬಾ ಕಷ್ಟವಾಗುತ್ತದೆ. ಇದರಿಂದಲೇ ಇಬ್ಬರ ನಡುವೆ ಜಗಳ ನಡೆಯುತ್ತಲೇ ಇರುತ್ತದೆ.
ಮಹಿಳೆಯರು ತಮ್ಮಲ್ಲಿ ಮಾಡಬಹುದಾದ ಕೆಲವು ಬದಲಾವಣೆಗಳನ್ನು ಇಲ್ಲಿ ನಾವು ನಿಮಗೆ ತಿಳಿಸಿದ್ದೇವೆ. ಇದರಿಂದಾಗಿ ಅವಳ ಮತ್ತು ಅವಳ ಗಂಡನ ನಡುವೆ ಬಲವಾದ ಬಾಂಧವ್ಯ ಉಳಿಯುತ್ತದೆ.
ಅತಿಯಾದ ಚಿಂತನೆ
ಮಹಿಳೆಯರು ತಮ್ಮ ಮನಸ್ಸಿನಲ್ಲಿ ಅನೇಕ ವಿಷಯಗಳನ್ನು ಯೋಚಿಸುತ್ತಾ ಇರುತ್ತಾರೆ. ಇದರಿಂದಾಗಿ ಅವರು ತಮ್ಮ ಗಂಡನನ್ನು ದೂಷಿಸುತ್ತಾರೆ. ಪುರುಷರು ಪ್ರತಿ ಬಾರಿಯೂ ಸರಿಯಾಗಿದ್ದರೂ, ಮಹಿಳೆಯರ ದೃಷ್ಟಿಯಲ್ಲಿ ತಪ್ಪಿತಸ್ಥರಾಗಿರುತ್ತಾರೆ.
ಅದರಿಂದಾಗಿ ಪತಿ ಖಂಡಿತವಾಗಿಯೂ ಕಿರಿಕಿರಿ ಅನುಭವಿಸಲು ಪ್ರಾರಂಭಿಸುತ್ತಾನೆ. ಮತ್ತೊಂದೆಡೆ, ಸಂಗಾತಿಯು ತಪ್ಪಾಗಿ ಏನನ್ನಾದರೂ ಮರೆತರೆ, ಮಹಿಳೆಯರು ತಕ್ಷಣವೇ ಅವನನ್ನು ದೂಷಿಸಲು ಪ್ರಾರಂಭಿಸುತ್ತಾರೆ.
ತಮಾಷೆಯನ್ನು ಗಂಭೀರವಾಗಿ ತೆಗೆದುಕೊಳ್ಳುವುದು
ಹುಡುಗರು ತಮ್ಮ ಸ್ನೇಹಿತರೊಂದಿಗೆ ಬಹಳಷ್ಟು ಹಾಸ್ಯ ಮಾಡುತ್ತಾರೆ ಮತ್ತು ಪರಸ್ಪರ ತಮಾಷೆ ಮಾಡಿಕೊಂಡು ನಗುತ್ತಾರೆ. ಆದರೆ ಮಹಿಳೆಯರಿಗೆ ಇದು ಇಷ್ಟವಾಗುವುದಿಲ್ಲ. ಯಾಕೆಂದರೆ ಅವರು ತಮ್ಮ ಬಗ್ಗೆ ಯಾರಾದದರೂ ತಮಾಷೆ ಮಾಡಿ ನಗುವುದನ್ನು ಇಷ್ಟಪಡುವುದಿಲ್ಲ.
ಹಾಗಾಗಿ ಅವರು ತಮಾಷೆಯನ್ನು ಗಂಭೀರವಾಗಿ ಪರಿಗಣಿಸುತ್ತಾರೆ ಮತ್ತು ಕೋಪಗೊಳ್ಳುತ್ತಾರೆ. ಆದರೆ ಗಂಡಂದಿರು ತಮ್ಮ ಹೆಂಡತಿಯರು ತಮಾಷೆ ಮಾಡುವವರು ಮತ್ತು ಮೋಜಿನಿಂದ ಕೂಡಿರುವವರು ಆಗಿರಬೇಕೆಂದು ಬಯಸುತ್ತಾರೆ.
ಗಂಡನಿಗೆ ಮಹಿಳಾ ಸ್ನೇಹಿತೆಯರಿದ್ದಾಗ
ತನ್ನ ಪತಿ ತನ್ನ ಮಹಿಳಾ ಸ್ನೇಹಿತೆಯನ್ನು ತನ್ನ ಮುಂದೆ ಪದೇ ಪದೇ ಹೊಗಳಿದಾಗ ಮಹಿಳೆಗೆ ಅಸುರಕ್ಷಿತ ಭಾವನೆ ಶುರುವಾಗುತ್ತದೆ. ಇದನ್ನು ಕಂಡು ಅಭದ್ರತೆಯ ಭಾವದಿಂದ ತವರುಮನೆಗೆ ತೆರಳುವ ಅಥವಾ ಗಂಡನ ಬಗ್ಗೆ ಅನುಮಾನ ಪಡುವುದು ಗಂಡಂದಿರಿಗೆ ಕಿರಿಕಿರಿಯನ್ನುಂಟು ಮಾಡಬಹುದು.
ಪ್ರೈವೆಸಿಯನ್ನು ಇಷ್ಟಪಡುವುದು ದೊಡ್ಡ ಸಮಸ್ಯೆಯಾಗುತ್ತದೆ
ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರೂ ಸಾಮಾಜಿಕ ಮಾಧ್ಯಮಗಳನ್ನು ಬಳಸುತ್ತಾರೆ. ಸಾಮಾಜಿಕ ಮಾಧ್ಯಮವನ್ನು ಬಳಸುವಲ್ಲಿ ಮಹಿಳೆಯರು ತುಂಬಾ ಮುಂದಿದ್ದಾರೆ. ಹೆಚ್ಚಿನ ಮಹಿಳೆಯರು ತಮ್ಮ ಫೋಟೋಗಳನ್ನು ಸಾಮಾಜಿಕ ತಾಣದಲ್ಲಿ ಪತಿಯೊಂದಿಗೆ ಹಂಚಿಕೊಳ್ಳುತ್ತಾರೆ. ಪ್ರೈವೆಸಿಯನ್ನು ಇಷ್ಟಪಡುವ ವ್ಯಕ್ತಿಗಳಿಗೆ ಇವೆಲ್ಲಾ ಇಷ್ಟವಾಗೋದಿಲ್ಲ.
ಹೆಂಡತಿಯರು ತಮ್ಮ ಪತಿಯೂ ಎಲ್ಲರ ಮುಂದೆ ಪ್ರೀತಿಯನ್ನು ತೋರಿಸಬೇಕೆಂದು ಬಯಸುತ್ತಾರೆ. ಇದು ಸಂಭವಿಸದಿದ್ದರೆ ಕೆಲವು ಮಹಿಳೆಯರು ಅದನ್ನು ದೊಡ್ಡ ಸಮಸ್ಯೆಯೆಂದು ಬಿಂಬಿಸುತ್ತಾರೆ. ಈ ನಡವಳಿಕೆಯನ್ನು ಬದಲಾಯಿಸಿದ್ರೆ ಗಂಡ ಹೆಂಡತಿ ಸಂಬಂಧ ಚೆನ್ನಾಗಿರುತ್ತದೆ.
