ಥೈರಾಯ್ಡ್ ಸಮಸ್ಯೆ ನಿವಾರಣೆಗೆ ಯೋಗದ ಭಂಗಿಗಳು ಸಹಾಯಕ

ಥೈರಾಯ್ಡ್ ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುವ ಕಾಯಿಲೆಯಾಗಿದೆ. ಥೈರಾಯ್ಡ್ ಅಸ್ವಸ್ಥತೆಯು ಹಾರ್ಮೋನಿನ ಸ್ಥಿತಿಯಾಗಿದ್ದು, ಚಿಟ್ಟೆಯ ಆಕಾರದ ಗ್ರಂಥಿಯು ಸಾಮಾನ್ಯ ಪ್ರಮಾಣದ ಥೈರಾಯ್ಡ್ ಹಾರ್ಮೋನ್ ಅನ್ನು ಉತ್ಪಾದಿಸದಿದ್ದರೆ ಆಂತರಿಕ ಅಂಗಗಳ ಕಾರ್ಯ ಚಟುವಟಿಕೆಯಲ್ಲಿ ಅಡಚಣೆ ಉಂಟಾಗುತ್ತದೆ.

ಸಾಕಷ್ಟು ಕಾಯಿಲೆಗಳನ್ನು ಯೋಗದಿಂದ ಚಿಕಿತ್ಸೆ ಪಡೆಯಬಹುದು. ಅಲ್ಲದೆ ಯೋಗಾ ಮಾಡುವುದರಿಂದ ಒತ್ತಡದ ಮಟ್ಟವನ್ನು ಕಡಿಮೆ ಮಾಡಿಕೊಳ್ಳಬಹುದು. ಕೆಲವು ಯೋಗಾಭ್ಯಾಸದಿಂದ ಥೈರಾಯ್ಡ್ ಗ್ರಂಥಿಯನ್ನು ಹೆಚ್ಚು ಪರಿಣಾಮಕಾರಿಯಾಗಿ ಕೆಲಸ ಮಾಡಲು ಉತ್ತೇಜಿಸಲು ಸಹಾಯ ಮಾಡುತ್ತದೆ.

6 ಪರಿಣಾಮಕಾರಿ ಯೋಗ ಭಂಗಿಗಳು ನಿಮ್ಮ ಥೈರಾಯ್ಡ್ ಸಮಸ್ಯೆಯನ್ನು ಕಡಿಮೆ ಮಾಡುತ್ತದೆ. ಹಾಗಾದರೆ ಆ ಯೋಗಾಸನಗಳ ಇಲ್ಲಿವೆ.

ಭುಜಂಗಾಸನ

ಹಂತ 1: ಮೊದಲು ಭೂಮಿಯ ಕಡೆಗೆ ಮುಖ ಮಾಡಿ ಮಲಗಿ. ನಿಮ್ಮ ಪಾದಗಳನ್ನು ಚಾಚಿ. ಕೈಗಳನ್ನು ನಿಮ್ಮ ದೇಹದ ಪಕ್ಕಕ್ಕೆ ಇರಿಸಿ.

ಹಂತ 2: ನಿಮ್ಮ ಕೈಗಳನ್ನು ಕೆಳಗೆ ಇರಿಸಿ, ನಿಧಾನವಾಗಿ ಎದೆಯ ಭಾಗವನ್ನು ಎತ್ತಿರಿ.

ಹಂತ 3: ನಿಧಾನವಾಗಿ ಉಸಿರಾಡುತ್ತಾ ನಿಮ್ಮ ದೇಹದ ಮೇಲಿನ ಅರ್ಧ ಭಾಗವನ್ನು ಮೇಲಕ್ಕೆತ್ತಿ.

ಹಂತ 4: ಈ ಭಂಗಿಯಲ್ಲಿ 4 ರಿಂದ 5 ಸೆಕೆಂಡ್ಗಳ ನಂತರ ಮೊದಲಿನ ಸ್ಥಾನಕ್ಕೆ ಹಿಂದಿರುಗಿ. ಈ ಭಂಗಿಯನ್ನು 10 ರಿಂದ 15 ಬಾರಿ ಮಾಡುವುದರಿಂದ ನಿಮ್ಮ ಥೈರಾಯ್ಡ್ ಸಮಸ್ಯೆ ದೂರವಾಗುವುದರ ಜೊತೆಗೆ ಉತ್ತಮವಾದ ಎದೆಯನ್ನು ಪಡೆಯುತ್ತೀರಿ.

ನೇಗಿಲು ಭಂಗಿ

ಹಂತ 1: ಮೊದಲು ನಿಮ್ಮ ಬೆನ್ನಿನ ಮೇಲೆ ಮಲಗಿ.

ಹಂತ 2: ಕೈಗಳನ್ನು ದೇಹದ ಪಕ್ಕಕ್ಕೆ ಇಟ್ಟು, ಕಿಬ್ಬೊಟ್ಟೆಯ ಸಹಾಯದಿಂದ 2 ಕಾಲುಗಳನ್ನು ಮೇಲಕ್ಕೆ ಎತ್ತಿ.

ಹಂತ 3: ನಿಮ್ಮ ಬೆನ್ನು ನೆಲಕ್ಕೆ ಲಂಬವಾಗಿರುವಂತೆ ಮತ್ತು ಕಾಲಿನ ಬೆರಳುಗಳು ತಲೆಗಿಂತ ಮುಂದೆ ಇಡಿ.

ಹಂತ 4: ಈ ಭಂಗಿಯಲ್ಲಿ ಸುಮಾರು 5 ಸೆಕೆಂಡ್ಗಳ ಕಾಲ ಇದ್ದು ನಂತರ ತಥಾ ಸ್ಥಿತಿಗೆ ಮರಳಿ.

ಸೇತು ಬಂಧಾಸನ

ಹಂತ 1: ಮೊದಲು ನಿಮ್ಮ ಬೆನ್ನಿನ ಮಲಗಿ ವಿಶ್ರಾಂತಿ ಪಡೆಯಿರಿ.

ಹಂತ 2 : ನಿಮ್ಮ ಮೊಣಕಾಲುಗಳನ್ನು ಬಾಗಿಸಿ ಮತ್ತು ಪಾದಗಳನ್ನು ನೆಲದ ಮೇಲೆ ದೃಢವಾಗಿ ಮಲಗಿಸಿ.

ಹಂತ 3 : ನಿಮ್ಮ ಕಾಲುಗಳನ್ನು ಅಗಲಗೊಳಿಸಿ. ನಿಮ್ಮ ಕೈಗಳಿಗೆ ವಿಶ್ರಾಂತಿ ನೀಡಿ.

ಹಂತ 4: ನಿಧಾನವಾಗಿ ನಿಮ್ಮ ಸೊಂಟವನ್ನು ಮೇಲಕ್ಕೆ ಎತ್ತಿ. ಈ ಭಂಗಿಗೆ ನಿಮ್ಮ ಕಾಲು ಮತ್ತು ಪುಷ್ಠಗಳು ಹೆಚ್ಚು ಸಹಾಯ ಮಾಡುತ್ತವೆ.

ಹಂತ 5: ಕೆಲವು ನಿಮಿಷಗಳವರೆಗೆ ಈ ಭಂಗಿಯಲ್ಲಿದ್ದು, ಯಥಾ ಸ್ಥಿತಿಗೆ ಮರಳಿ. ಈ ಭಂಗಿಯನ್ನು 8 ರಿಂದ 10 ಬಾರಿ ಪುನರಾವರ್ತಿಸಿ.

ಮತ್ಸ್ಯಾಸನ

ಹಂತ 1 : ಮೊದಲು ಬೆನ್ನಿನ ಮೇಲೆ ಮಲಗಿ, ಕಾಲುಗಳನ್ನು ನೇರವಾಗಿರಿಸಿ.

ಹಂತ 2: ನಿಧಾನವಾಗಿ ನಿಮ್ಮ ಸೊಂಟವನ್ನು ನೆಲದಿಂದ ಮೇಲಕೆತ್ತಿ. ನಿಮ್ಮ ಮೊಣಕೈಗಳನ್ನು ನೆಲದ ವಿರುದ್ಧ ಒತ್ತಿರಿ.

ಹಂತ 3: ನಂತರ ನಿಧಾನವಾಗಿ ನಿಮ್ಮ ಎದೆಯಲ್ಲಿ ಹಿಗ್ಗಿಸಿ, ತಲೆಯನ್ನು ಎತ್ತಿರಿ.

ಹಂತ 4: ಈ ಭಂಗಿಯಲ್ಲಿ 5 ಸೆಕೆಂಡ್ಗಳ ಕಾಲ ಇದ್ದು, ಯಥಾ ಸ್ಥಿತಿಗೆ ಬನ್ನಿ. ಈ ಭಂಗಿಯನ್ನು 5 ರಿಂದ 10 ಬಾರಿ ಪುನರಾವರ್ತಿಸಿ.

ವಿಪರೀತ ಕರಣಿ

ಹಂತ 1: ಗೋಡೆಯ ಪಕ್ಕದಲ್ಲಿ ನೆಲದ ಮೇಲೆ ಕುಳಿತುಕೊಳ್ಳಿ.

ಹಂತ 2: ಗೋಡೆಯ ಕಡೆ ಮುಖ ಮಾಡುತ್ತಾ, ನಿಮ್ಮ ಕಾಲುಗಳನ್ನು ನಿಧಾನವಾಗಿ ಮೇಲಕ್ಕೆ ಎತ್ತಿಡಿ.

ಹಂತ 3: ನಿಮ್ಮ ಕೈಗಳಿಗೆ ವಿಶ್ರಾಂತಿ ನೀಡಿ. ಕೆಲವು ನಿಮಿಷಗಳ ಕಾಲ ಉಸಿರಾಡಿ.

ನವಾಸನ

ಹಂತ 1: ನಿಮ್ಮ ಕಾಲುಗಳನ್ನು ಚಾಚಿ ನೆಲೆದ ಮೇಲೆ ಕುಳಿತುಕೊಳ್ಳಿ.

ಹಂತ 2: ನಿಮ್ಮ ಮೊಣಕಾಲನ್ನು ನೆಲಕ್ಕೆ ಸಮಾನಾಂತರವಾಗಿ ತರಲು ನಿಮ್ಮ ಪಾದಗಳನ್ನು ನೆಲದಿಂದ ನಿಧಾನವಾಗಿ ಮೇಲಕ್ಕೆತ್ತಿ.

ಹಂತ 3: ನಿಮ್ಮ ತಲೆಯನ್ನು ನೇರವಾಗಿ ಹಿಡಿದುಕೊಳ್ಳಿ.

ಹಂತ 4: ನಿಧಾನವಾಗಿ ನಿಮ್ಮ ಕೈಗಳನ್ನು ಮುಂದೆಕ್ಕೆ ಚಾಚಿ. ಈ ಭಂಗಿಯಲ್ಲಿ ಕೆಲವು ನಿಮಿಷಗಳವರೆಗೆ ಉಳಿದು ಮತ್ತೆ ಹಿಂದಿರುಗಿ.