ಪ್ರಪಂಚದ ಹಲವು ದೇಶಗಳು ಕೊರೊನಾ ರೂಪಾಂತರಿ ವೈರಸ್ ಒಮೈಕ್ರಾನ್ ನಿಂದ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದ್ದು, ಓಮೈಕ್ರಾನ್ ನ ಮೊದಲ ರೂಪಾಂತರವಾದ , BA.1, ಹಿಂದಿನ ಕೊರೊನಾವೈರಸ್ ರೂಪಾಂತರಗಳಿಗಿಂತ ಹೆಚ್ಚು ಸಾಂಕ್ರಾಮಿಕವಾಗಿದೆ ಎಂಬುದು ತಿಳಿದು ಬಂದಿದೆ.
ಆದರೀಗ ಎರಡನೇ ಉಪವಿಭಾಗ, BA.2, ಹೊಸದಾಗಿ ಹೊರಹೊಮ್ಮಿದೆ. ಯುಕೆನಲ್ಲಿ ಜನವರಿಯ ಮೊದಲ 10 ದಿನಗಳಲ್ಲಿ, ಕನಿಷ್ಠ 400 ಜನರು ಈ ಸೋಂಕಿಗೆ ಒಳಗಾಗಿದ್ದು ಪ್ರಪಂಚದಾದ್ಯಂತ 40 ಕ್ಕೂ ಹೆಚ್ಚು ದೇಶಗಳಲ್ಲಿ ಈ ಸೋಂಕು ಪತ್ತೆಯಾಗಿದೆ.
ಆಕ್ಸ್‌ಫರ್ಡ್, ಎಡಿನ್‌ಬರ್ಗ್ ಮತ್ತು ಕೇಂಬ್ರಿಡ್ಜ್‌ನ ವಿಜ್ಞಾನಿಗಳು ನಿಯಮಿತವಾಗಿ ನವೀಕರಿಸಿದ ಕೊರೋನವೈರಸ್‌ಗಳ ಪಂಗೊ ಡೈರೆಕ್ಟರಿಯು, ಇದುವರೆಗೆ ಒಟ್ಟು ಪ್ರಕರಣಗಳ 79% ಪ್ರಕರಣಗಳನ್ನು ಡೆನ್ಮಾರ್ಕ್ ಹೊಂದಿದ್ದು ಅದನ್ನು ಹೆಚ್ಚು ಬಾಧಿತ ದೇಶವೆಂದು ತೋರಿಸುತ್ತದೆ. ನಂತರ ಸರದಿಯಲ್ಲಿ ಗ್ರೇಟ್ ಬ್ರಿಟನ್ (6%), ಭಾರತ (5%), ಸ್ವೀಡನ್ (2%) ಮತ್ತು ಸಿಂಗಾಪುರ್ (2%) ನಂತಹ ದೇಶಗಳಿವೆ .
ಈ ಉಪ-ರೂಪಾಂತರವು ಮೂಲ ಓಮೈಕ್ರಾನ್ ರೂಪಾಂತರಕ್ಕಿಂತ ಹೆಚ್ಚು ಸಾಂಕ್ರಾಮಿಕವಾಗಿರುವ ಸಾಧ್ಯತೆಯಿದೆ. ಯುಕೆ ಹೆಲ್ತ್ ಸೆಕ್ಯುರಿಟಿ ಏಜೆನ್ಸಿ (UKHSA) ಯಿಂದ “ಕಣ್ಗಾವಲು ಅಡಿಯಲ್ಲಿ ರೂಪಾಂತರ” ಎಂದು BA.2 ವರ್ಗೀಕರಿಸಲ್ಪಟ್ಟಿದೆ . ವೈರಸ್‌ಗಳ ಸ್ವಭಾವವೇ ವಿಕಸನಗೊಳ್ಳುವುದು ಮತ್ತು ರೂಪಾಂತರಗೊಳ್ಳುವುದು,, ಆದ್ದರಿಂದ ಸಾಂಕ್ರಾಮಿಕ ರೋಗವು ಮುಂದುವರಿದಂತೆ ಹೊಸ ರೂಪಾಂತರಗಳು ಹೊರಹೊಮ್ಮುವುದನ್ನು ನಾವು ನಿರೀಕ್ಷಿಸಬೇಕಾಗುತ್ತದೆ.
ನಿರಂತರವಾಗಿ ನಡೆಯುತ್ತಿರುವ ಜೀನೋಮಿಕ್ ಕಣ್ಗಾವಲು ಮೂಲಕ ಅವುಗಳ ಮಹತ್ವವನ್ನು ಪತ್ತೆಹಚ್ಚಲು ಮತ್ತು ನಿರ್ಣಯಿಸಲು ನಮಗೆ ಸಾಧ್ಯವಾಗುತ್ತದೆ.” ಎಂದು ಯುಕೆಎಚ್‌ಎಸ್‌ಎಯ ಇನ್ಸಿಡೆಂಟ್ ಡೈರೆಕ್ಟರ್ ಮೀರಾ ಚಂದ್ ತಿಳಿಸಿದರು. ಉಪ-ರೂಪಾಂತರ BA.2 ಗಾಗಿ ಈ ವಿಶ್ಲೇಷಣೆಯು ಇನ್ನೂ ಮುಂದುವರಿಯುತ್ತಿದೆ . BA.2 ಓಮೈಕ್ರಾನ್ BA.1 ಗಿಂತ ಹೆಚ್ಚು ತೀವ್ರವಾದ ಕಾಯಿಲೆಗಳನ್ನು ಉಂಟುಮಾಡುತ್ತದೆಯೇ? ಎಂದು ನಿರ್ಧರಿಸಲು ಇಲ್ಲಿಯವರೆಗೆ ನಮ್ಮಲ್ಲಿ ಸಾಕಷ್ಟು ಪುರಾವೆಗಳಿಲ್ಲ ಎಂದು ಚಂದ್ ಹೇಳಿಕೆ ನೀಡಿದರು .
ಹೊಸ ತಳಿಯ ಹೊರಹೊಮ್ಮುವಿಕೆಯು ವ್ಯಾಕ್ಸಿನೇಷನ್‌ನ ಪ್ರಾಮುಖ್ಯತೆಯನ್ನು ಎತ್ತಿ ಹಿಡಿಯುತ್ತದೆ . “ನಿಮ್ಮ ಮತ್ತು ನಿಮ್ಮ ಪ್ರೀತಿಪಾತ್ರರ ಹೆಚ್ಚಿನ ರಕ್ಷಣೆಗಾಗಿ ಸಾಧ್ಯವಾದಷ್ಟು ಬೇಗ ಬೂಸ್ಟರ್ ತೆಗೆದುಕೊಳ್ಳಲು ಮರೆಯದಿರಿ.” ಎಂದು ಯು.ಕೆ .ಆರೋಗ್ಯ ಕಾರ್ಯದರ್ಶಿ ಸಾಜಿದ್ ಜಾವಿದ್ ಹೇಳಿದರು.
