ಅಮೆರಿಕ: ಮಾಂಸ ಗ್ರಿಲ್ ಮಾಡುವ ಹೊಗೆಯನ್ನು ಹೆಚ್ಚು ಕಾಲ ಸೇವಿಸುತ್ತಿದ್ದರೆ ಅವರಿಗೆ ರುಮಾಟಾಯ್ಡ್ ಆರ್ಥರೈಟಿಸ್ (ಸಂಧಿವಾತ) ಬರುವ ಸಾಧ್ಯತೆಯಿದೆ ಎನ್ನಲಾಗಿದೆ.
ಇದೊಂದು ದೀರ್ಘಕಾಲದ ಸ್ವಯಂ ನಿರೋಧಕ ಕಾಯಿಲೆಯಾಗಿದ್ದು, ಇದರಿಂದ ಪ್ರತಿರಕ್ಷಣಾ ವ್ಯವಸ್ಥೆಯು ಕೀಲುಗಳನ್ನು ಒಳಗೊಳ್ಳುವ ಜೀವಕೋಶಗಳ ಮೇಲೆ ತಪ್ಪಾಗಿ ದಾಳಿ ಮಾಡುತ್ತದೆ. ಪ್ರಕ್ರಿಯೆಯ ಸಮಯದಲ್ಲಿ ಪಾಲಿಸೈಕ್ಲಿಕ್ ಆರೊಮ್ಯಾಟಿಕ್ ಹೈಡ್ರೋಕಾರ್ಬನ್‌’ಗಳ (PAHs) ಬಿಡುಗಡೆಯಿಂದಾಗಿ ಇದು ಸಂಭವಿಸುತ್ತದೆ.
ಪರಿಸರ ಮಾಲಿನ್ಯಕಾರಕಗಳಾದ ಈ PAH ಕಣಗಳು ಕಲ್ಲಿದ್ದಲು, ತೈಲ, ಅನಿಲ ಮತ್ತು ಮರವನ್ನು ಸುಡುವ ಸಮಯದಲ್ಲಿ, ಹಾಗೆಯೇ ಮಾಂಸ ಮತ್ತು ಇತರ ಆಹಾರಗಳನ್ನು ಬೇಯಿಸುವಾಗ ಹೊರಬರುವ ಜ್ವಾಲೆಯ ಸಮಯದಲ್ಲಿ ರೂಪುಗೊಳ್ಳುತ್ತವೆ.
ಧೂಮಪಾನ ಮಾಡುವವರಲ್ಲಿ PAH ಮಟ್ಟವು ಸಾಮಾನ್ಯವಾಗಿ ಹೆಚ್ಚಾಗಿರುತ್ತದೆ. ಹಾಗೆಯೇ PAH ಪಸರಿಸುವ ಇತರ ಮೂಲಗಳು ಹೀಗಿವೆ: ಒಳಾಂಗಣ ಪರಿಸರಗಳು, ಮೋಟಾರು ವಾಹನದ ಹೊಗೆ, ನೈಸರ್ಗಿಕ ಅನಿಲ, ಮರದ ಅಥವಾ ಕಲ್ಲಿದ್ದಲು ಸುಡುವ ಬೆಂಕಿಯಿಂದ ಬರುವ ಹೊಗೆ, ಆಸ್ಫಾಲ್ಟ್ ರಸ್ತೆಗಳಿಂದ ಹೊಗೆ ಮತ್ತು ಸುಟ್ಟ ಆಹಾರವನ್ನು ಸೇವಿಸುವುದು. ಮೇರಿಲ್ಯಾಂಡ್ ವಿಶ್ವವಿದ್ಯಾಲಯದ ಸಂಶೋಧಕರ ವರದಿಯಲ್ಲಿ ಇದನ್ನು ಹೇಳಲಾಗಿದೆ.
ಕೆಳಮಟ್ಟದ ಸಾಮಾಜಿಕ ಆರ್ಥಿಕ ಸ್ಥಿತಿಯ ಕುಟುಂಬಗಳು ಸಾಮಾನ್ಯವಾಗಿ ಕಳಪೆ ಒಳಾಂಗಣ ಗಾಳಿಯ ಗುಣಮಟ್ಟವನ್ನು ಹೊಂದಿರುವುದರಿಂದ ಮತ್ತು ಪ್ರಮುಖ ರಸ್ತೆಮಾರ್ಗಗಳ ಪಕ್ಕದಲ್ಲಿರುವ ನಗರ ಪ್ರದೇಶಗಳಲ್ಲಿ ಅಥವಾ ಹೆಚ್ಚಿನ ಟ್ರಾಫಿಕ್ ಪ್ರದೇಶಗಳಲ್ಲಿ ಅವರು ವಾಸಿಸುವುದರಿಂದ ಹೊಗೆಯಿಂದಾಗುವ ಅನಾರೋಗ್ಯದ ಸಾಧ್ಯತೆಯಿರುತ್ತದೆ. ಈ ಜನರೇ ಹೊಗೆಯಿಂದ ಅತಿ ಹೆಚ್ಚು ಅಪಾಯಕ್ಕೀಡಾಗಬಹುದು ಎಂದು ಸಂಶೋಧಕರು ಹೇಳಿದ್ದಾರೆ.
ಸಂಶೊಧಕರ ತಂಡವು PAH ಗಳು, PHTHTE ಗಳು (ಪ್ಲಾಸ್ಟಿಕ್ ಮತ್ತು ಗ್ರಾಹಕ ಉತ್ಪನ್ನಗಳ ತಯಾರಿಕೆಯಲ್ಲಿ ಬಳಸುವ ರಾಸಾಯನಿಕಗಳು) ಮತ್ತು ಬಣ್ಣಗಳು, ಸ್ವಚ್ಛಗೊಳಿಸುವ ರಾಸಾಯನಿಕಗಳು ಮತ್ತು ಕೀಟನಾಶಕಗಳಿಂದ ಪಡೆದ ಬಾಷ್ಪಶೀಲ ಸಾವಯವ ಸಂಯುಕ್ತಗಳು (VOCs) ಸೇರಿದಂತೆ ವಿವಿಧ ವಿಷಕಾರಿಗಳನ್ನು ಅಧ್ಯಯನ ಮಾಡಿದೆ.
ಸುಮಾರು 22,000 ವಯಸ್ಕರು ಅಧ್ಯಯನದಲ್ಲಿ ಭಾಗವಹಿಸಿದ್ದರು. ಅವರಲ್ಲಿ 1,418 ಮಂದಿ ರುಮಟಾಯ್ಡ್ ಸಂಧಿವಾತವನ್ನು ಹೊಂದಿದ್ದರು, ಆದರೆ ಉಳಿದ 20,569 ಜನರಿಗೆ ಸಂಧಿವಾತ ಇರಲಿಲ್ಲ. ಸಂಶೋಧನೆಯ ಭಾಗವಾಗಿ ಇವರ ದೇಹದಲ್ಲಿನ ಒಟ್ಟು PAH, PHTHTE ಗಳು ಮತ್ತು VOC ಗಳನ್ನು ಅಳೆಯಲು ಇವರ ರಕ್ತ ಮತ್ತು ಮೂತ್ರದ ಮಾದರಿಗಳನ್ನು ಸಂಗ್ರಹಿಸಲಾಯಿತು. ಇದರಲ್ಲಿ 7,090 ಜನರ ದೇಹದಲ್ಲಿ PAH, 7,024 ಜನ PHTHTE ಮತ್ತು 7,129 ಜನ VOC ಗಳನ್ನು ಹೊಂದಿರುವುದು ಕಂಡು ಬಂದಿತು.
ಧೂಮಪಾನ ಮಾಡುತ್ತಾರೋ ಅಥವಾ ಇಲ್ಲ ಎಂಬ ವಿಷಯವನ್ನು ಪರಿಗಣಿಸದೆ ನೋಡಿದಾಗ, PAH ಮಟ್ಟವು ಶೇ 25ಕ್ಕಿಂತಲೂ ಹೆಚ್ಚಾಗಿರುವ ಜನರಲ್ಲಿ ರುಮಾಟಾಯ್ಡ್ ಆರ್ಥರೈಟಿಸ್ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚು ಎಂಬುದು ಕಂಡು ಬಂದಿದೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಯಾರ ದೇಹದಲ್ಲಿ PAH 1-ಹೈಡ್ರಾಕ್ಸಿನಾಫ್ಥಲೀನ್ ಇರುತ್ತದೆಯೋ ಅವರು ರುಮಾಟಾಯ್ಡ್ ಸಂಧಿವಾತವನ್ನು ಹೊಂದುವ ಸಾಧ್ಯತೆ 80 ಪ್ರತಿಶತ ಹೆಚ್ಚು. ಆದಾಗ್ಯೂ, ಹೆಚ್ಚಿನ ಮಟ್ಟದ PHTHTE ಗಳು ಮತ್ತು VOC ಗಳನ್ನು ಹೊಂದಿರುವ ಜನರು ರುಮಟಾಯ್ಡ್ ಸಂಧಿವಾತದ ಹೆಚ್ಚಿನ ಅಪಾಯವನ್ನು ತೋರಿಸಲಿಲ್ಲ. ಹೆಚ್ಚಿನ ವಿಶ್ಲೇಷಣೆಯು ದೈಹಿಕ PAH ಮಟ್ಟವು ರುಮಟಾಯ್ಡ್ ಸಂಧಿವಾತ ಅಪಾಯದ ಮೇಲೆ ಧೂಮಪಾನದ ಒಟ್ಟು ಪರಿಣಾಮದ 90 ಪ್ರತಿಶತವನ್ನು ಹೊಂದಿದೆ ಎಂದು ತೋರಿಸಿದೆ. “ಇದು ವೀಕ್ಷಣಾ ಅಧ್ಯಯನವಾಗಿದೆ ಮತ್ತು ಕಾರಣವನ್ನು ನಿರ್ಧರಿಸಲು ಸಾಧ್ಯವಿಲ್ಲ” ಎಂದು ಸಂಶೋಧಕರು ಹೇಳಿದ್ದಾರೆ.
ಚಿಕ್ಕಬಳ್ಳಾಪುರ ಜಿಲ್ಲೆಯ ಆರು ತಾಲೂಕುಗಳಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆ…
ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯಿಂದ ಕೋ ಆರ್ಡಿನೇಟರ್ ಹುದ್ದೆಗಳು
ಹೆಚ್ಎಎಲ್‌ ಯಲ್ಲಿ ಅಪ್ರೆಂಟಿಸ್ ಹುದ್ದೆ
ಸಿಬ್ಬಂದಿ ನೇಮಕಾತಿ ಆಯೋಗ ಎಸ್ ಎಸ್ ಸಿ ಇಂದ 39,481 ಹುದ್ದೆಗಳ ನೇಮಕಾತಿ
ಚಿಕ್ಕಬಳ್ಳಾಪುರ ಗ್ರಾಮ ಪಂಚಾಯಿತಿಯಲ್ಲಿ ಗ್ರಂಥ ಪಾಲಕರು ಹಾಗೂ ಮೇಲ್ವಿಚಾರಕರ ಹುದ್ದೆಗಳು
ಮಂಗಳೂರಿನ ಸುರತ್ಕಲ್ ನಲ್ಲಿರುವ ಎನ್ ಐ ಟಿ ಕೆ ಯಲ್ಲಿ ಹುದ್ದೆಗಳಿಗೆ ಅರ್ಜಿ ಆಹ್ವಾನ..
ಗ್ರಾಮೀಣ ಅಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯಲ್ಲಿ ಫೆಲೋಶಿಪ್ ಹುದ್ದೆಗಳ ಭರ್ತಿ..
ರಾಮನಗರ ಜಿಲ್ಲೆ ವ್ಯಾಪ್ತಿಯಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆಗಳು..
ವಾಹನ ಚಾಲಕರೇ ಎಚ್ಚರ 130 ಕ್ಕಿಂತ ಹೆಚ್ಚಾದ ವೇಗದಲ್ಲಿ ಚಲಿಸಿದರೆ ಬೀಳುತ್ತೆ FIR
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.
