ರಮಾಸಮುದ್ರನ ಕುಮಾರಿ ನಿನ್ನ ಸರಿಸಮಾನರ್ಯಾರಮ್ಮ |
ಉಮೇಶ ಮೊದಲಾದ ಮಾರನಿಕರವು ರಮಿಸಿ ನಿನ್ನ ಪದಕಮಲ ಭಜಿಪರು ||
ಅಪಾರಮಹಿಮನ ವ್ಯಾಪಾರಂಗಳ ತಿಳಿದು ಕಾಪಾಡುವೆ ಜಗವ |
ಕೋಪರಹಿತಳಾಗಿ ಶ್ರೀಪತಿಯೊಳು ನಮ್ಮ ತಾಪತ್ರಯವ ಪೇಳಿ ಪೋಷಿಸಬೇಕಮ್ಮ ||
ಕರುಣವಾರಿಧಿ ಎಂದು ಶರಣಾಜನರು ನಿನ್ನ ಸ್ಮರಣೆಯಮಾಡುವರೆ |
ಹರಿಣಾಕ್ಷಿ ಕೇಳೆಲೆ ಹರುಷದಿಂದಲಿ ಹರಿಚರಣವ ತೋರಿ ಅಗಹರಣವ ಮಾಡಿಸೆ ||
ವಾಸವನುತ ಸಿರಿ ಶೇಷವಿಠಲನೊಳು ವಾಸವಮಾಡುವಳೆ |
ಘಾಸಿಗೊಳಿಸದಲೆ ಈ ಸಮಯದಲಿ ವಾಸುದೇವಗೆ ಪೇಳಿ ಪೋಷಿಸಬೇಕಮ್ಮ ||
