ಹಿಡಿಸುವುದುಚಿತವೇ ಕೃಷ್ಣಾ….
ಲೋಕದ ಜನರ ಪಾದಾ….
ಹಿಡಿಸುವುದುಚಿತವೆ ಕೃಷ್ಣಾ ….|| ಪ
ಸಾಕಲಾರದೆ ನನ್ನ ಬೇಸತ್ತೆಯಾ ಪ್ರಭುವೇ
ನೂಕಿ ಬಿಟ್ಟು ನೀನಿರುವೆಯಾ ವಿಭುವೆ
ಅನ್ಯರ ಪಾದಕ್ಕೆ ನೊಸಲ ನಾ ಚಾಚಿ
ಬೇಸತ್ತು ನಿನ್ನ ಬಳಿ ಬಂದಿರುವಾಗ
ಹಿಡಿಸುವುದುಚಿತವೆ ಕೃಷ್ಣಾ || 1
ತೃಣವಾಗಿ ಕಾಣುತಿಹರು ಈ ಜೀವವನು
ನೊಣದಂತೆ ಝಾಡಿಸಿ ಓಡಿಸುತಿಹರು
ಒಣ ಉಪಚಾರದ ಮಾತುಗಳಾಡುವರು
ದಣಿದೆ ನಾ ಈ ಲೋಕದ ಜನರೋಳು
ಹಿಡಿಸುವುದುಚಿತವೆ ಕೃಷ್ಣಾ || 2
ಕ್ರೂರ ಪಾಪಿಯಂದು ದೂರ ಮಾಡಬೇಡವೋ
ನಾರು ಹೂವಿನಂತೆ ನನ್ನ ನಿನ್ನ ಸ್ನೇಹವೋ
ಮೂರು ಲೋಕದ ತಂದೆ ನನಗೆ ನಿ ಬಂಧುವೋ
ತೋರೋ ದಯ ಜಹ್ನಾವಿ ವಿಠಲನ ಕರುಣಾ ಶಿಂಧೊ
ಹಿಡಿಸುವುದುಚಿತವೆ ಕೃಷ್ಣಾ || 3
