ಹಿಡಿದೆ ನಿನ್ನ ಪಾದ ಬೆಟ್ಟದೊಡೆಯ ವೆಂಕಟ
ಗಟ್ಟಿಯಾಗಿ ನೀನಿರುವಾಗ ಯಾಕೆ ನನಗೆ ಸಂಕಟ
ಹಿಡಿದೆ ನಿನ್ನ ಪಾದ….|| ಪ
ಬಾಳಿಗೆ ಅರ್ಥವಿಲ್ಲ ನಿನ್ನ ನಂಬದೆ ಹೋದರೆ
ನಾಳಿನ ಚಿಂತೆಯಿಲ್ಲ ನಿನ್ನ ನಂಬಿದ್ದೆಯಾದರೆ
ಗೋಳಾಡುವ ಭಯವಿಲ್ಲ. ರಂಗ ನೀನಿರುವಾಗ
ಕಳವಳ ಪರಿಹರಿಸಿ ನನ್ನ ನೀ ಕಾಯುವಾಗ
ಹಿಡಿದೆ ನಿನ್ನ ಪಾದ….|| 1
ಕಲಿಯುಗದ ಮಹಾ ಮಹಿಮನು ನೀನು
ನಲಿಯುವೆ ನಿನ್ನ ರೂಪ ಕಂಡು ನಾನು….
ಬಲವೆಲ್ಲ ನಿನ್ನ ನಾಮದ ಮಹಿಮೆಯಲ್ಲಿ
ನಲಿದೆ ನೀ ಭಕ್ತರ ಹೃದಯ ಮಂದಿರದಲಿ
ಹಿಡಿದೆ ನಿನ್ನ ಪಾದ …..|| 2
ಹತ್ತು ಹಲವು ನಿನ್ನ ರೂಪ
ನನ್ನ ಕಣ್ಣ ಮುಂದಿರಲಿ ಸತತ
ಮುತ್ತು ರತ್ನದಂತೆ ಅನರ್ಘ್ಯ
ಜಾಹ್ನವಿ ವಿಠಲ ನಿನ್ನ ನಾಮಾಮೃತ || 3
