ನವದೆಹಲಿ: ಎರಡಕ್ಕೂ ಹೆಚ್ಚು ವರ್ಷದಿಂದ ಖಾತೆಯನ್ನು ನಿರ್ವಹಿಸದ ಮತ್ತು ಮಿನಿಮಮ್ ಬ್ಯಾಲನ್ಸ್ ಉಳಿಸದ ಖಾತೆದಾರರಿಗೆ ದಂಡ ವಿಧಿಸಬಾರದು ಎಂದು ಬ್ಯಾಂಕುಗಳಿಗೆ ಆರ್ಬಿಐ ಸೂಚಿಸಿದೆ. ಕ್ಲೈಮ್ ಆಗದ ಬ್ಯಾಂಕ್ ಹಣದ ಪ್ರಮಾಣವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಆರ್ಬಿಐ ಕೈಗೊಂಡಿರುವ ಹಲವು ಕ್ರಮಗಳಲ್ಲಿ ಮೇಲಿನ ಮಿನಿಮಮ್ ಬ್ಯಾಲನ್ಸ್ ಶುಲ್ಕದ ನಿರ್ಧಾರವೂ ಒಂದಾಗಿದೆ.
ಹಾಗೆಯೇ, ಸ್ಕಾಲರ್ಶಿಪ್ ಹಣ ಪಡೆಯಲು ಅಥವಾ ಡಿಬಿಟಿ ಹಣಕ್ಕೆಂದು ರಚನೆಯಾಗಿರುವ ಬ್ಯಾಂಕ್ ಖಾತೆಗಳನ್ನು ಇನಾಪರೇಟಿವ್ ಅಥವಾ ನಿಷ್ಕ್ರಿಯ ಬ್ಯಾಂಕ್ ಖಾತೆ ಎಂದು ವರ್ಗಾಯಿಸಬಾರದು ಎಂದೂ ಇನ್ನೊಂದು ಮಹತ್ವದ ಆದೇಶದಲ್ಲಿ ಆರ್ಬಿಐ ತಿಳಿಸಿದೆ. ಎರಡಕ್ಕೂ ಹೆಚ್ಚು ವರ್ಷ ಯಾವುದೇ ವಹಿವಾಟು ನಡೆಸದ ಇಂತಹ ಖಾತೆಗಳನ್ನು ಬ್ಯಾಂಕುಗಳು ಇನಾಪರೇಟಿವ್ ಅಕೌಂಟ್ ಎಂದು ವರ್ಗೀಕರಿಸುತ್ತವೆ. ಈಗ ಆರ್ಬಿಐ ಈ ಕ್ರಮವನ್ನು ಬದಲಿಸಿದೆ.
ಬ್ಯಾಂಕ್ ಖಾತೆಗಳಲ್ಲಿ ಮಿನಿಮಮ್ ಬ್ಯಾಲನ್ಸ್ ಹೊಂದಿರುವುದು ಅವಶ್ಯಕ. ಕೆಲ ಬ್ಯಾಂಕುಗಳು ಝೀರೋ ಬ್ಯಾಲನ್ಸ್ ಸೌಲಭ್ಯ ಹೊಂದಿರುತ್ತವೆ. ಸ್ಯಾಲರಿ ಅಕೌಂಟ್ಗಳಿಗೂ ಈ ಸವಲತ್ತು ಇರುತ್ತದೆ. ಎಚ್ಡಿಎಫ್ಸಿ, ಎಕ್ಸಿಸ್ ಮೊದಲಾದ ಬ್ಯಾಂಕುಗಳಲ್ಲಿ ಮಿನಿಮಮ್ ಬ್ಯಾಲನ್ಸ್ ಮೊತ್ತ 10,000 ರೂ ಇದೆ. ಕೆಲ ಬ್ಯಾಂಕುಗಳಲ್ಲಿ 1,000 ರೂನಿಂದ 10,000 ರೂವರೆಗೂ ಮಿನಿಮಮ್ ಬ್ಯಾಲನ್ಸ್ ಇರುತ್ತದೆ.
ಒಂದು ವೇಳೆ ಕನಿಷ್ಠ ಮೊತ್ತದ ಬ್ಯಾಲನ್ಸ್ ಉಳಿಸಿಕೊಳ್ಳದೇ ಹೋದರೆ ಬ್ಯಾಂಕುಗಳು ದಂಡ ವಿಧಿಸುತ್ತವೆ. ಮಿನಿಮಮ್ ಬ್ಯಾಲನ್ಸ್ ಇಲ್ಲದೇ ಹಲವು ವರ್ಷಗಳಿಂದ ಇನಾಪರೇಟಿವ್ ಆಗಿರುವ ಖಾತೆಗಳಿಗೆ ಹಲವು ಸಾವಿರ ರೂಗಳಷ್ಟು ದಂಡ ಬೀಳಬಹುದು. ಒಂದು ವೇಳೆ, ಗ್ರಾಹಕ ತಮ್ಮ ಹಳೆಯ ಖಾತೆಗೆ ಮರುಜೀವ ಪಡೆಯಲು ಬಯಸಿದರೂ ದಂಡ ಕಟ್ಟುವ ಭಯದಲ್ಲಿ ದೂರವಾಗಬಹುದು. ಇದನ್ನು ತಪ್ಪಿಸಲು ಆರ್ಬಿಐ ಮಿನಿಮಮ್ ಬ್ಯಾಲನ್ಸ್ ಶುಲ್ಕ ವಸೂಲಿ ಮಾಡಬಾರದು ಎಂದು ಬ್ಯಾಂಕುಗಳಿಗೆ ಹೇಳಿದೆ.
ಈ ಹಿಂದೆಯೂ ಮಿನಿಮಮ್ ಬ್ಯಾಲನ್ಸ್ ವಿಚಾರದಲ್ಲಿ ಬ್ಯಾಂಕುಗಳಿಗೆ ಆರ್ಬಿಐ ತಿಳಿಹೇಳಿರುವುದುಂಟು. ಮಿನಿಮಮ್ ಬ್ಯಾಲನ್ಸ್ ಉಳಿಸದ್ದಕ್ಕೆ ದಂಡವನ್ನು ವಿಧಿಸುವುದರಿಂದ ಖಾತೆಯ ಹಣ ನೆಗಟಿವ್ಗೆ ಹೋಗುತ್ತದೆ. ಆ ರೀತಿ ದಂಡ ವಿಧಿಸದಂತೆ ಬ್ಯಾಂಕ್ ಎಚ್ಚರ ವಹಿಸಬೇಕು ಎಂದು ಆರ್ಬಿಐ ಈ ಹಿಂದೆ ಹೇಳಿದ್ದಿತ್ತು.
ಹ್ಯಾಪಿ ಮದರ್ಸ್ ಡೇ…….
ಹ್ಯಾಪಿ ಮದರ್ಸ್ ಡೇ…..
ಅಕ್ಷಯ ತೃತೀಯದಂದು ಚಿನ್ನ ಬೆಳ್ಳಿ ಮಾರಾಟದಲ್ಲಿ ಹೊಸ ದಾಖಲೆ..!
ಹೆಚ್ಚು ಹೊತ್ತು ಮೆಟ್ರೋದಲ್ಲಿ ಇದ್ದ ಕಾರಣ ದಂಡ ವಿಧಿಸಲಾಗಿದೆ…
ಲೆಮನ್ ಜ್ಯೂಸ್ ಆರೋಗ್ಯಕ್ಕೆ ಉತ್ತಮ..!
ಜೈಲಿನಲ್ಲಿರುವವರು ಮತ ಚಲಾಯಿಸಬಹುದೇ ?
ಉದ್ಯೋಗ ಅವಕಾಶ, ಆನ್ಲೈನಲ್ಲಿ ಅರ್ಜಿ ಸಲ್ಲಿಸಿ….
ಯಾಕೆ ಮೇ 8ನ್ನ ವಿಶ್ವ ರೆಡ್ ಕ್ರಾಸ್ ದಿನ ಎಂದು ಆಚರಿಸಲಾಗುತ್ತದೆ
ಬೆಂಗಳೂರಿನಲ್ಲಿ ಭೂಕುಸಿತ
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.