ದೇಹದಲ್ಲಿ ಯಕೃತ್ ಪ್ರಮುಖವಾದ ಅಂಗವಾಗಿದೆ. ಜೀರ್ಣಕ್ರಿಯೆಯಲ್ಲಿ ಹೆಚ್ಚು ಸಕ್ರಿಯವಾಗಿರುವ ಲಿವರ್‌ನ ಆರೊಗ್ಯವನ್ನು ಕಾಪಾಡಿಕೊಳ್ಳಲು ಈ ಆಸನಗಳು ಹೆಚ್ಚು ಉಪಕಾರಿಯಾಗಿದೆ.
ಇಡೀ ದೇಹದ ಕಾರ್ಯ ಸರಿಯಾಗಿ ಆಗಬೇಕೆಂದರೆ ನಮ್ಮ ಲಿವರ್‌ ಸರಿಯಾಗಿ ಕೆಲಸ ಮಾಡಬೇಕು. ದೇಹದಲ್ಲಿ ಅತಿ ಹೆಚ್ಚು ಕೆಲಸ ಮಾಡುವ ಅಂಗಗಳಲ್ಲಿ ಯಕೃತ್ತು ಕೂಡ ಒಂದು. ಯಕೃತ್ತಿನ ಆರೋಗ್ಯ ಕಾಪಾಡಿಕೊಳ್ಳಲು ಆಹಾರ ಎಷ್ಟು ಮುಖ್ಯವೋ ಯೋಗಾಸನ, ವ್ಯಾಯಾಮ ಕೂಡ ಅಷ್ಟೇ ಮುಖ್ಯವಾಗಿರುತ್ತದೆ.
ಆಹಾರಶೈಲಿ, ಜೀವನಶೈಲಿ ಸರಿಯಾಗಿ ಇಲ್ಲದಿದ್ದರೆ ಲಿವರ್‌ ಮೇಲೆ ನೇರ ಪರಿಣಾಮ ಬೀರುತ್ತದೆ. ಲಿವರ್‌ನಲ್ಲಿ ಕೊಬ್ಬಿನ ಅಂಶ ಶೇಖರಣೆಯಾದರೆ ಅಪಾಯ ಹೆಚ್ಚಿರುತ್ತದೆ. ಹೀಗಾಗಿ ಅಂತಹ ಕೊಬ್ಬನ್ನು ಕರಗಿಸಿ ಯಕೃತ್ತಿನ ಆರೋಗ್ಯ ಕಾಪಾಡಿಕೊಳ್ಳಲು ಯೋಗಾಸನಗಳು ಸಹಾಯ ಮಾಡುತ್ತವೆ. ಯಾವೆಲ್ಲ ಆಸನಗಳು ಯಕೃತ್ತಿಗೆ ಒಳ್ಳೆಯದು ಎನ್ನುವ ಮಾಹಿತಿ ಇಲ್ಲಿದೆ ನೋಡಿ.
ಯಕೃತ್ತಿನ ಅನಾರೋಗ್ಯಕ್ಕೆ ಕಾರಣಗಳಿವು
ದೇಹದಲ್ಲಿ ಹೆಚ್ಚು ಬೊಜ್ಜನ್ನು ಹೊಂದಿರುವುದು
ಆಲ್ಕೋಹಾಲ್‌ ಸೇವನೆ ಮತ್ತು ಧೂಮಪಾನದ ಅಭ್ಯಾಸ
ಡ್ರಗ್ಸ್‌ ಅಥವಾ ಮಾದಕ ವಸ್ತುಗಳ ಸೇವನೆ
ಹೆಚ್ಚು ಜಂಕ್‌ ಫುಡ್‌ಗಳ ಸೇವನೆ
ಸಲಭಾಸನ
ಈ ಆಸನವು ದೇಹದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ತಂದುಕೊಳ್ಳಲು ಸಹಾಯ ಮಾಡುತ್ತದೆ. ಲಿವರ್‌, ಬೆನ್ನು ಮೂಳೆಯನ್ನು ಆರೋಗ್ಯವಾಗಿರುವಂತೆ ನೋಡಿಕೊಳ್ಳುತ್ತದೆ. ಜೊತೆಗೆ ಜೀರ್ಣಶಕ್ತಿಯನ್ನೂ ಕೂಡ ಉತ್ತಮವಾಗಿಸುತ್ತದೆ.
ಮಾಡುವ ವಿಧಾನ
ಮೊದಲ ನೇರವಾಗಿ ಮಲಗಿ ಕೈಗಳನ್ನು ನೆಲಕ್ಕೆ ಚಾಚಿ. ನಂತರ ನಿಧಾನವಾಗಿ ತಿರುಗಿ ಹೊಟ್ಟೆಯ ಮೇಲೆ ಮಲಗಿ ಕೈಗಳನ್ನು ಹಿಂದಕ್ಕೆ ಚಾಚಿ ಕಾಲುಗಳನ್ನು ಮೇಲಕ್ಕೆ ಎತ್ತಲು ಯತ್ನಿಸಿ.
ನಂತರ ಕೈಗಳನ್ನು ನೇರವಾಗಿರಿಸಿ ಉಸಿರಾಟದ ಕಡೆಗೆ ಗಮನ ನೀಡಿ. ನಂತರ ನಿಧಾನವಾಗಿ ಕಾಲುಗಳನ್ನು ಇಳಿಸಿ, ಕೈಗಳನ್ನು ಸಡಿಲಬಿಡಿ. ಇದನ್ನು 4 ರಿಂದ 5 ಬಾರಿ ಪುನರಾವರ್ತಿಸಿ.
ಅಧೋಮುಖ ಸ್ವಾನಾಸನ
ಈ ಆಸನವು ಮೂತ್ರಪಿಂಡ, ಶ್ವಾಸಕೋಶಗಳನ್ನು ಬಲಪಡಿಸುತ್ತದೆ. ದೇಹದಿಂದ ಅನುಪಯುಕ್ತ ವಸ್ತುಗಳನ್ನು ಹೊರಹಾಕಲು ಇದು ಹೆಚ್ಚು ನೆರವಾಗುತ್ತದೆ. ಜೊತೆಗೆ ಯಕೃತ್ತಿನ ಆರೋಗ್ಯಕ್ಕೂ ಒಳ್ಳೆಯದು. ಹಾಗಾದರೆ ಈ ಆಸನ ಮಾಡುವುದು ಹೇಗೆ ಎನ್ನುವ ಮಾಹಿತಿ ಇಲ್ಲಿದೆ ನೋಡಿ
ಮಾಡುವ ವಿಧಾನ
ಮೊದಲು ಹೊಟ್ಟೆಯ ಮೇಲೆ ನೇರವಾ ಮಲಗಿ. ನಂತರ ಕೈಗಳನ್ನು ನೆಲಕ್ಕೆ ಊರಿ ದೇಹವನ್ನು ಮೇಲೆಕ್ಕೆ ಎತ್ತಿ. ನಂತರ ಕಾಲುಗಳನ್ನು ಮಡಚಿ ಅರ್ಧ ವೃತ್ತಾಕಾರದಲ್ಲಿ ನಿಂತುಕೊಳ್ಳಿ.
ತಲೆಯನ್ನು ಬಗ್ಗಿಸಿ ಜೊತೆಗೆ ಉಸಿರಾಟದ ಕಡೆಗೆ ಗಮನ ನೀಡಿ. ದೇಹದ ಭಾರ ಭುಜದ ಮೇಲೆ ಇರುವಂತೆ ನೋಡಿಕೊಳ್ಳಿ. ಇದು ಆರಾಮದಾಯಕ ಅನುಭವವನ್ನು ನೀಡುತ್ತದೆ. ಜೊತೆಗೆ ಯಕೃತ್ತನ್ನು ಬಲಗೊಳಿಸುತ್ತದೆ.
ಮಾಲಾಸನ
ಈ ಮಾಲಾಸನವು ಕುರ್ಚಿಯ ಭಂಗಿಯನ್ನು ಹೋಲುತ್ತದೆ. ಇದು ತೊಡೆ, ಕಾಲುಗಳನ್ನು ಬಲಗೊಳಿಸುತ್ತದೆ. ಯಕೃತ್ತಿನ ಕಾರ್ಯಚಟುವಟಿಕೆ ಉತ್ತಮವಾಗಲು ಸಹಾಯ ಮಾಡುತ್ತದೆ. ಆದ್ದರಿಂದ ಮಾಲಾಸನವು ಯಕೃತ್ತಿನ ಸಮಸ್ಯೆ ಇರುವವರಿಗೆ ಉತ್ತಮ ಆಸನವಾಗಿದೆ.
ಮಾಡುವ ವಿಧಾನ
ಮೊದಲು ಕಾಲಿನ ಮೇಲೆ ಕುರ್ಚಿಯ ಭಂಗಿಯಲ್ಲಿ ಕುಳಿತುಕೊಳ್ಳಿ.
ನಿಮ್ಮ ಮೊಣಕಾಲುಗಳ ಒಳಗೆ ನಿಮ್ಮ ಮೇಲಿನ ತೋಳುಗಳನ್ನು ತೆಗೆದುಕೊಳ್ಳಿ ಮತ್ತು ಅಂಗೈಗಳನ್ನು ಒಟ್ಟಿಗೆ ಅಂಜಲಿ ಮುದ್ರೆಗೆ ತರಲು ಮೊಣಕೈಗಳನ್ನು ಬಾಗಿಸಿ (ಪ್ರಾರ್ಥನೆಯ ಸ್ಥಾನ).
ಅಂಜಲಿ ಮುದ್ರೆಯಲ್ಲಿ ನಿಮ್ಮ ಹೃದಯದ ಕೇಂದ್ರಕ್ಕೆ ಕೈಗಳಿಂದ, ನಿಮ್ಮ ಹೆಬ್ಬೆರಳುಗಳು ನಿಮ್ಮ ಎದೆಮೂಳೆಯನ್ನು ಸ್ಪರ್ಶಿಸಲು ನೀವು ಅನುಮತಿಸಬಹುದೇ ಎಂದು ನೋಡಿ.
ನಿಮ್ಮ ಬೆನ್ನುಮೂಳೆಯನ್ನು ನೇರವಾಗಿ ಇರಿಸಿ, ಐದು ಉಸಿರಾಟಗಳವರೆಗೆ ಇಲ್ಲಿಯೇ ಇರಿ, ನಂತರ ಹೊರಬರಲು ಕಾಲುಗಳನ್ನು ನೇರಗೊಳಿಸಿ. ನೀವು ಬಯಸಿದರೆ ನೀವು ನೇರವಾಗಿ ಫಾರ್ವರ್ಡ್ ಫೋಲ್ಡ್‌ಗೆ ಬರಬಹುದು.
ನವಾಸನ
ಬೋಟ್‌ ಪೋಸ್‌ ಎಂದು ಕರೆಯುವ ಈ ಆಸನವು ಹೆಚ್ಚು ಹೊತ್ತು ಕುಳಿತು ಕೆಲಸ ಮಾಡುವವರಿಗೆ ಉತ್ತಮವಾಗಿದೆ. ಜೊತೆಗೆ ತೊಡೆ, ಲಿವರ್‌, ಭುಜಗಳನ್ನು ಸದೃಢಗೊಳಿಸಲು ನೆರವಾಗುತ್ತದೆ.
ಮಾಡುವ ವಿಧಾನ
ನಿಮ್ಮ ಕಾಲುಗಳನ್ನು ನಿಮ್ಮ ಮುಂದೆ ನೇರವಾಗಿ ಇರಿಸಿ ನೆಲದ ಮೇಲೆ ಕುಳಿತುಕೊಳ್ಳಿ. ನಿಮ್ಮ ಸೊಂಟದ ಹಿಂದೆ ಸ್ವಲ್ಪ ನೆಲದ ಮೇಲೆ ನಿಮ್ಮ ಕೈಗಳನ್ನು ಇಟ್ಟುಕೊಳ್ಳಿ. .
ನಂತರ ಕುಳಿತಲ್ಲಿಯೆ ಎರಡೂ ಕಾಲುಗಳನ್ನು ಮೇಲಕ್ಕೆ ಎತ್ತಿ ನಂತರ ಕೈಗಳನ್ನು ಸಮಾನಾಂತರವಾಗಿಟ್ಟುಕೊಳ್ಳಿ.
ನೆನಪಿಡಿ ಕೈ ಮತ್ತು ಕಾಲುಗಳು ನೇರವಾಗಿರಬೇಕು. ಕಾಲುಗಳನ್ನು ಮೇಲಕ್ಕೆತ್ತುವಾಗ ಉಸಿರನ್ನು ನಿಧಾನವಾಗಿ ಎಳೆದುಕೊಳ್ಳಿ ನಂತರ ಉಸಿರನ್ನು ನಿಧಾನವಾಗಿ ಬಿಡುತ್ತಾ ಕಾಲುಗಳನ್ನು ನೆಲಕ್ಕೆ ಬಿಟ್ಟು, ಆರಮದಾಯಕ ಸ್ಥಿತಿಗೆ ಬನ್ನಿ.
ಅಕ್ಷಯ ತೃತೀಯದಂದು ಚಿನ್ನ ಬೆಳ್ಳಿ ಮಾರಾಟದಲ್ಲಿ ಹೊಸ ದಾಖಲೆ..!
ಹೆಚ್ಚು ಹೊತ್ತು ಮೆಟ್ರೋದಲ್ಲಿ ಇದ್ದ ಕಾರಣ ದಂಡ ವಿಧಿಸಲಾಗಿದೆ…
ಲೆಮನ್ ಜ್ಯೂಸ್ ಆರೋಗ್ಯಕ್ಕೆ ಉತ್ತಮ..!
ಜೈಲಿನಲ್ಲಿರುವವರು ಮತ ಚಲಾಯಿಸಬಹುದೇ ?
ಉದ್ಯೋಗ ಅವಕಾಶ, ಆನ್ಲೈನಲ್ಲಿ ಅರ್ಜಿ ಸಲ್ಲಿಸಿ….
ಯಾಕೆ ಮೇ 8ನ್ನ ವಿಶ್ವ ರೆಡ್ ಕ್ರಾಸ್ ದಿನ ಎಂದು ಆಚರಿಸಲಾಗುತ್ತದೆ
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.
