ದಾಂಪತ್ಯ ಜೀವನದಲ್ಲಿ ಪ್ರಾಮಾಣಿಕತೆ ಬಹಳ ಮುಖ್ಯ ಎನ್ನುವುದರಲ್ಲಿ ಯಾವುದೇ ಸಂದೇಹವಿಲ್ಲ. ಮದುವೆಯ ಬಂಧನದಲ್ಲಿ ಪರಸ್ಪರ ಪ್ರೀತಿ ಮತ್ತು ವಿಶ್ವಾಸದ ಇರಬೇಕು. ಅಲ್ಲಿ ಅನುಮಾನ ಮತ್ತು ಮೋಸಕ್ಕೆ ಅವಕಾಶವಿರುವುದಿಲ್ಲ. ಆದರೆ ನೀವು ಗಮನಿಸಿರಬಹುದು ಕೆಲವೊಬ್ಬರ ಸಂಬಂಧದಲ್ಲಿ ಬಿರುಕು ಬಿಟ್ಟಿರುತ್ತದೆ. ಅದಕ್ಕೆ ಮುಖ್ಯ ಕಾರಣವೆಂದರೆ ಅನೈತಿಕ ಸಂಬಂಧ.
ಅನೈತಿಕ ಸಂಬಂಧದ ಕಡೆ ಒಲವು ತೋರಿಸಲು ಕಾರಣ ಏನು ಎನ್ನುವುದನ್ನು ಮೊದಲು ಅರ್ಥಮಾಡಿಕೊಳ್ಳಬೇಕು. ಪತಿಯಾಗಲಿ ಪತ್ನಿಯೇ ಆಗಲಿ ತಮ್ಮ ದಾಂಪತ್ಯ ಜೀವನವನ್ನು ಬಿಟ್ಟು ಬೇರೆ ವ್ಯಕ್ತಿಯ ಜೊತೆ ಸಂಬಂಧ ಹೊಂದಬೇಕಾದರೆ ತಮ್ಮ ದಾಂಪತ್ಯ ಜೀವನದಲ್ಲಿ ಏನೋ ಸರಿಯಿಲ್ಲ ಎಂದರ್ಥ.
ಇನ್ನೊಬ್ಬ ವ್ಯಕ್ತಿಯ ಕಡೆಗೆ ಆಕರ್ಷಿತರಾಗುವುದು
ಸಂಬಂಧದಲ್ಲಿರುವಾಗಲೂ ಒಬ್ಬ ಪಾಲುದಾರನು ಇನ್ನೊಬ್ಬ ವ್ಯಕ್ತಿಯ ಕಡೆಗೆ ಆಕರ್ಷಿತನಾಗಲು ಪ್ರಾರಂಭಿಸುತ್ತಾನೆ. ಈ ಸಮಯದಲ್ಲಿ, ಅವನು ತನ್ನ ಸಂಗಾತಿಯನ್ನು ಮೋಸದಲ್ಲಿ ಇಡುವುದು ಮಾತ್ರವಲ್ಲ, ಈ ಒಂದು ತಪ್ಪಿನಿಂದ ಅವನಿಗೆ ಎಷ್ಟೆಲ್ಲಾ ಸಮಸ್ಯೆಗಳಾಗಬಹುದು. ಎಷ್ಟು ಜೀವನ ಹಾಳಾಗಬಹುದು ಎನ್ನುವುದರ ಬಗ್ಗೆ ಅವರು ಯೋಚಿಸುವುದಿಲ್ಲ.
ಬದಲಾವಣೆಗಳನ್ನು ಗಮನಿಸಿ
ಒಂದು ಅಧ್ಯಯನದ ಪ್ರಕಾರ, ವಿವಾಹಿತ ಪುರುಷರು ಮಹಿಳೆಯರಿಗಿಂತ ಹೆಚ್ಚು ಮೋಸ ಮಾಡುತ್ತಾರೆ. ವಿವಾಹಿತ ಪುರುಷನು ಅನೇಕ ಕಾರಣಗಳಿಂದಾಗಿ ಇನ್ನೊರ್ವ ಮಹಿಳೆಯತ್ತ ಆಕರ್ಷಿತನಾಗಬಹುದು. ಆತ ದಾಂಪತ್ಯದ ಬಗ್ಗೆ ಅತೃಪ್ತಿ ಹೊಂದಿದ್ದಲ್ಲದೆ, ದೈಹಿಕ ಆಕರ್ಷಣೆಯೂ ಅದಕ್ಕೆ ದೊಡ್ಡ ಕಾರಣವಾಗಿದೆ. ಒಬ್ಬ ಪುರುಷನು ಇನ್ನೊಬ್ಬ ಮಹಿಳೆಗೆ ಬೇಗನೆ ಆಕರ್ಷಿತನಾಗುತ್ತಾನೆ ಏಕೆಂದರೆ ಆ ಮಹಿಳೆಗೆ ತನ್ನ ಜೀವನ ಸಂಗಾತಿಯಲ್ಲಿಲ್ಲದ ಗುಣಗಳಿರಬಹುದು.
ಓರ್ವ ವ್ಯಕ್ತಿ ತನ್ನ ಪತ್ನಿಯನ್ನು ಹೊರತುಪಡಿಸಿ ಇನ್ನೋರ್ವ ಮಹಿಳೆಯ ಮೋಹಕ್ಕೆ ಒಳಗಾಗಿದ್ದರೆ ಆತನಲ್ಲಿ ಕೆಲವೊಂದು ಬದಲಾವಣೆಗಳು ಕಾಣಿಸುತ್ತದೆ. ಒಂದು ವೇಳೆ ನಿಮ್ಮ ದಾಂಪತ್ಯ ಜೀವನದಲ್ಲೂ ಇಂತಹದ್ದೇ ಸಮಸ್ಯೆ ಎದುರಾಗಿದ್ದರೆ ಈ ಕೆಲವು ಲಕ್ಷಣಗಳ ಮೂಲಕ ನೀವು ನಿಮ್ಮ ಸಂಗಾತಿ ಅನೈತಿಕ ಸಂಬಂಧವನ್ನು ಹೊಂದಿದ್ದಾರೆಯೇ ಎನ್ನುವುದನ್ನು ಕಂಡುಹಿಡಿಯಬಹುದು.
ಯಾವಾಗಲೂ ಫೋನ್‌ನಲ್ಲೇ ಇರುವುದು
ನಿಮ್ಮ ಪತಿ ನಿಮ್ಮೊಂದಿಗೆ ಕಾಲಕಳೆಯುವುದಕ್ಕಿಂತ ಹೆಚ್ಚಾಗಿ ತಮ್ಮ ಫೋನ್‌ನಲ್ಲೇ ಕಾಲಕಳೆಯುತ್ತಿದ್ದರೆ ಹಾಗೂ ತಮ್ಮ ಫೋನ್‌ನ್ನು ನಿಮಗೆ ನೋಡಲು ಬಿಡದಿದ್ದರೆ ಅವರು ಏನನ್ನೋ ನಿಮ್ಮಿಂದ ಮುಚ್ಚಿಡುತ್ತಿದ್ದಾರೆಂದು ಅರ್ಥ. ಕೆಲವೊಮ್ಮೆ ಇಡೀ ದಿನ ಅವರ ಫೋನ್ ಬ್ಯುಸಿ ಬಂದರೆ ನಿಮ್ಮನ್ನು ಹೊರತಾಗಿ ಬೇರೆಯಾರೋ ಅವರ ಜೀವನಕ್ಕೆ ಎಂಟ್ರಿ ಕೊಟ್ಟಿದ್ದಾರೆಂದು ತಿಳಿಯಬಹುದು.
ಲೈಂಗಿಕತೆಯಲ್ಲಿ ಬದಲಾವಣೆ
ಲೈಂಗಿಕತೆಯು ಪ್ರತಿಯೊಬ್ಬರ ದಾಂಪತ್ಯ ಜೀವನದ ಪ್ರಮುಖ ಅಂಗವಾಗಿದೆ. ಹಿಂದೆ ಇದ್ದಂತ ಕುತೂಹಲ ಖುಷಿ ಈಗ ನಿಮ್ಮೊಂದಿನ ಲೈಂಗಿಕತೆಯಲ್ಲಿ ಇಲ್ಲವಾದರೆ, ನಿಮ್ಮೊಂದಿಗೆ ಲೈಗಿಂಕತೆಗೆ ಮನಸ್ಸಿಲ್ಲದಿದ್ದರೆ ಅವರು ಬೇರೆ ವ್ಯಕ್ತಿಯ ಕಡೆಗೆ ಆಕರ್ಷಿತರಾಗಿದ್ದಾರೆ ಎನ್ನಬಹುದು.
ಬೇರೆ ಮಹಿಳೆಯ ಜೊತೆ ನಿಮ್ಮನ್ನು ಹೋಲಿಸುವುದು
ನಿಮ್ಮ ಪತಿ ನಿಮ್ಮನ್ನು ಬೇರೆ ಮಹಿಳೆಯೊಂದಿಗೆ ಹೋಲಿಸುತ್ತಿದ್ದಾರೆ, ಅವರನ್ನು ಹೊಗಳುತ್ತಿದ್ದಾರೆಂದರೆ ನಿಮ್ಮ ಮೇಲೆ ಪ್ರೀತಿ ಕಡಿಮೆಯಾಗಿದೆ ಎಂದರ್ಥ. ಅವರು ಬೇರೆ ಮಹಿಳೆಯರಲ್ಲಿ ಒಳ್ಳೆಯ ಗುಣಗಳನ್ನು ಹುಡುಕಲು ಶುರು ಮಾಡುತ್ತಾರೆ. ಕೆಲವೊಮ್ಮೆ ಅವರ ಉದ್ದೇಶ ಅದಾಗಿರದೇ ಇರಬಹುದು. ಹಾಗಾಗಿ ನಿಮ್ಮ ಪತಿ ಯಾವ ಅರ್ಥದಲ್ಲಿ ಹೇಳುತ್ತಿದ್ದಾರೆ ಎನ್ನುವುದನ್ನು ನೀವು ಅರ್ಥಮಾಡಿಕೊಳ್ಳಬೇಕು.
ಮೊದಲಿಗಿಂತಲೂ ಹೆಚ್ಚು ತಮ್ಮ ಆಕರ್ಷಣೆಯತ್ತ ಗಮನ
ನಿಮ್ಮ ಪತಿ ಹಿಂದೆಂದಿಗಿಂತಲೂ ಹೆಚ್ಚಾಗಿ ತಮ್ಮ ಆಕರ್ಷಣೆಯತ್ತ ಗಮನ ನೀಡುತ್ತಿದ್ದಾರೆಯೇ? ತನ್ನ ಲುಕ್ ಬಗ್ಗೆ ಕಾಳಜಿ ವಹಿಸುತ್ತಿದ್ದಾರೆ. ಹಾಗಿದ್ದರೆ ನಿಮ್ಮ ಜೀವನದಲ್ಲಿ ಮೂರನೇ ವ್ಯಕ್ತಿಯ ಆಗಮನವಾಗಿದೆ ಎಂದರ್ಥ. ಯಾಕೆಂದರೆ ಹೆಚ್ಚಾಗಿ ಪುರುಷರು ಮಹಿಳೆಯರನ್ನು ಆಕರ್ಷಿಸು ತಮ್ಮನ್ನು ತಾವು ಸ್ಮಾರ್ಟ್ ಆಗಿಸುತ್ತಾರೆ. ಹುಡುಗಿಯರ ಮುಂದೆ ತಾವು ಹೀರೋ ಥರಾ ಕಂಡರೆ ಮಾತ್ರ ಹುಡುಗರತ್ತ ಆಕರ್ಷಿತರಾಗುತ್ತಾರೆ.
ಮಾತಲ್ಲಿ ಬಗೆಹರಿಸಿ
ಯಾವುದೇ ಊಹಾಪೋಹಗಳನ್ನು ಕಲ್ಪಿಸುವುದಕ್ಕಿಂತ, ನಿಮಗೆ ನಿಮ್ಮ ಪತಿಯ ಮೇಲೆ ಸಂಶಯ ಮೂಡಿದೆ ಎಂದರೆ ತಕ್ಷಣ ಆ ಸಂದೇಹವನ್ನು ನಿವಾರಿಸಿಕೊಳ್ಳುವುದು ಉತ್ತಮ. ಒಂದು ವೇಳೆ ನಿಮ್ಮ ಕಲ್ಪನೆಯಂತೆ ಯಾವುದೂ ಇಲ್ಲಿದದ್ದರೆ ವಿನಾಃಕಾರಣ ನಿಮ್ಮಿಬ್ಬರ ನಡುವೆ ಅಂತರ ಹೆಚ್ಚಬಹುದು. ಅದಕ್ಕಾಗಿ ಇಬ್ಬರ ನಡುವೆ ಯಾವುದೇ ಸಂದೇಹಗಳಿದ್ದರೂ ಮಾತಾಡಿ ಬಗೆಹರಿಸಿಕೊಳ್ಳಿ.
