ಮದುವೆಯ ಬಗ್ಗೆ ಗಂಡು ಹೆಣ್ಣುಗಳಿಬ್ಬರೂ ಸಾಕಷ್ಟು ಕನಸುಗಳನ್ನು ಹೊಂದಿರುತ್ತಾರೆ. ಹಾಗೆಯೇ ತನ್ನ ಜೀವನ ಸಂಗಾತಿಯ ಬಗ್ಗೆ ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿರುತ್ತಾರೆ. ಅದೆಲ್ಲವೂ ನನಸಾಗಬೇಕಾದರೆ ಮದುವೆಗೂ ಮುನ್ನ ಈ ಕೆಲವು ವಿಷ್ಯಗಳನ್ನು ಬಗೆಹರಿಸಿಕೊಳ್ಳುವುದು ಮುಖ್ಯ.
ಮದುವೆ ವಿಷ್ಯಕ್ಕೆ ಬಂದಾಗ ಅದು ಲವ್‌ ಮ್ಯಾರೇಜ್ ಇರಲಿ ಅಥವಾ ಅರೆಂಜ್ಡ್‌ ಮದುವೆಯೇ ಆಗಿರಲಿ ಮುವೆಗೂ ಮೊದಲು ಕೆಲವೊಂದು ವಿಷ್ಯಗಳನ್ನು ಗಂಡು ಹೆಣ್ಣು ಇಬ್ಬರೂ ಬಗೆಹರಿಸಿಕೊಳ್ಳಬೇಕು.
ಪ್ರತಿಯೊಂದು ಸಂಬಂಧದಲ್ಲೂ ಕೆಲವು ಪ್ರಮುಖ ವಿಷಯಗಳಿವೆ. ಅವುಗಳನ್ನು ನಿರ್ಲಕ್ಷಿಸಿದರೆ ಮದುವೆಯ ನಂತರ ನೀವು ಪಶ್ಚಾತಾಪ ಪಡಬೇಕಾಗುತ್ತದೆ. ಈ ಕಾರಣಕ್ಕಾಗಿಯೇ ಮದುವೆಯ ನಿರ್ಧಾರವನ್ನು ಬಹಳ ಎಚ್ಚರಿಕೆಯಿಂದ ತೆಗೆದುಕೊಳ್ಳಬೇಕಾಗುತ್ತದೆ.
ಮದುವೆಗೂ ಮೊದಲು, ನಿಮ್ಮ ಸಂಗಾತಿಯಿಂದ ಕೆಲವು ವಿಷಯಗಳನ್ನು ಬಿಚ್ಚಿಡಬೇಕು. ಇದರಿಂದ ನೀವು ನಂತರ ಯಾವುದೇ ರೀತಿಯ ಸಮಸ್ಯೆಯನ್ನು ಎದುರಿಸಬೇಕಾಗಿಲ್ಲ.
ಭವಿಷ್ಯದ ನಿರೀಕ್ಷೆಗಳ ಬಗ್ಗೆ ಮಾತನಾಡಿ
ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಭವಿಷ್ಯದ ಜೀವನ ಸಂಗಾತಿಯಿಂದ ಹಲವಾರು ಭರವಸೆಗಳನ್ನು ಹೊಂದಿರುತ್ತಾನೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಅದರ ಬಗ್ಗೆ ಅವರೊಂದಿಗೆ ಮಾತನಾಡಬೇಕು ಮತ್ತು ಅವರ ಜೀವನದಲ್ಲಿ ಸಂಗಾತಿಯಿಂದ ಏನನ್ನು ನಿರೀಕ್ಷಿಸುತ್ತಾರೆ ಎಂದು ಕೇಳಬೇಕು. ಅವರ ಆಸೆಯನ್ನು ತಿಳಿದ ನಂತರ, ಮುಂದಿನ ನಿರ್ಧಾರ ತೆಗೆದುಕೊಳ್ಳ ಬೇಕು.
ನೀವು ಮದುವೆಯಾಗಲಿರುವ ವ್ಯಕ್ತಿ ಮತ್ತು ಅವರ ಕುಟುಂಬದವರು ಏನು ಯೋಚಿಸುತ್ತಾರೆ ಮತ್ತು ಜೀವನದಲ್ಲಿ ನಿಮ್ಮಿಬ್ಬರ ಗುರಿಗಳು ಹೊಂದಿಕೆಯಾಗುತ್ತವೆಯೇ ಅಥವಾ ಇಲ್ಲವೇ ಎಂಬುದನ್ನು ನೀವು ತಿಳಿದಿರಬೇಕು.
ಆರ್ಥಿಕ ಪರಿಸ್ಥಿತಿ
ನೀವು ಮತ್ತು ನಿಮ್ಮ ಸಂಗಾತಿಯು ಉಳಿತಾಯದ ಕಡೆಗೆ ಗಮನ ಕೊಡುತ್ತೀರೋ ಇಲ್ಲವೋ ಎಂಬುದು ದಾಂಪತ್ಯದಲ್ಲಿ ಯಾವಾಗಲೂ ಬಹಳ ಮುಖ್ಯವಾಗಿರುತ್ತದೆ. ಇಬ್ಬರಲ್ಲಿ ಯಾವುದೇ ವ್ಯಕ್ತಿಯು ಅಗತ್ಯಕ್ಕಿಂತ ಹೆಚ್ಚು ಖರ್ಚು ಮಾಡುವವರಾಗಿದ್ದರೆ ನಿಮ್ಮ ಮನೆ ನಡೆಸುವುದು ಕಷ್ಟವಾಗಬಹುದು.
ನಿಮ್ಮ ಮನೆಯನ್ನು ನೀವು ಸರಿಯಾಗಿ ನಡೆಸಬೇಕಾದರೆ ಮದುವೆಗೂ ಮುನ್ನವೇ ಆರ್ಥಿಕ ಸ್ಥಿತಿ ಮತ್ತು ಸ್ಥಿರತೆಯ ಬಗ್ಗೆ ನೀವು ನಿಮ್ಮ ಪಾಲುದಾರರೊಂದಿಗೆ ಮಾತನಾಡಬೇಕು. ನಿಮ್ಮ ಖರ್ಚುಗಳು ಮತ್ತು ಉಳಿತಾಯಗಳ ಬಗ್ಗೆ ಗಂಭೀರವಾದ ಚರ್ಚೆಯನ್ನು ಪ್ರಾರಂಭಿಸಿ.
ಜೀವನದ ಕೆಲವು ರಹಸ್ಯಗಳ ಬಗ್ಗೆ ಮಾಹಿತಿಯನ್ನು ಪಡೆಯಿರಿ
ಒಬ್ಬ ವ್ಯಕ್ತಿಯೊಂದಿಗೆ ಇಡೀ ಜೀವನವನ್ನು ಕಳೆಯಲು ನೀವು ನಿರ್ಧರಿಸುತ್ತೀರಿ, ಆದ್ದರಿಂದ ನೀವು ಅವರ ಹಿಂದಿನ ಜೀವನ ಅಥವಾ ಯಾವುದೇ ರಹಸ್ಯದ ಬಗ್ಗೆ ತಿಳಿದುಕೊಳ್ಳಬೇಕು. ನಿಮ್ಮ ಸಂಗಾತಿಯೊಂದಿಗೆ ನೀವು ಪ್ರಾಮಾಣಿಕವಾಗಿರಬೇಕು ಮತ್ತು ಅವರೊಂದಿಗೂ ಅದರ ಬಗ್ಗೆ ಮುಕ್ತವಾಗಿ ಮಾತನಾಡಬೇಕು.
ಯಾವುದೇ ಸಂಬಂಧಕ್ಕೆ ಬಂದ ನಂತರ ಮಾತ್ರ, ದಂಪತಿಗಳು ನಿಧಾನವಾಗಿ ಪರಸ್ಪರ ವಿಷಯಗಳನ್ನು ಹಂಚಿಕೊಳ್ಳಲು ಪ್ರಾರಂಭಿಸುತ್ತಾರೆ. ಆದಾಗ್ಯೂ, ಅವರು ಹೇಳಲು ಹಿಂಜರಿಯುವ ಕೆಲವು ವಿಷಯಗಳಿವೆ. ಆದ್ದರಿಂದ, ಎಲ್ಲಾ ಮಾಹಿತಿಯನ್ನು ಪಡೆಯಲು ನೀವು ಅವರೊಂದಿಗೆ ಮುಕ್ತವಾಗಿ ಮಾತನಾಡುವುದು ಅವಶ್ಯಕ.
ಮಕ್ಕಳ ಬಗ್ಗೆಯೂ ಮಾತನಾಡಿ
ಮಕ್ಕಳು ಜೀವನದ ಬಹುಮುಖ್ಯ ಭಾಗ ಎಂಬುದರಲ್ಲಿ ಸಂದೇಹವಿಲ್ಲ. ಮಕ್ಕಳು ಆದ ನಂತರವೇ ಸಂಸಾರ ಕಂಪ್ಲೀಟ್ ಆಗುವುದು. ಮದುವೆಯ ನಂತರ, ಕುಟುಂಬ ಯೋಜನೆಗೆ ಸಂಬಂಧಿಸಿದಂತೆ ಪ್ರತಿಯೊಬ್ಬರೂ ತಮ್ಮದೇ ಆದ ನಿರ್ಧಾರವನ್ನು ಹೊಂದಿದ್ದಾರೆ, ಅದರ ಬಗ್ಗೆ ನೀವು ನಿಮ್ಮ ಸಂಗಾತಿಯೊಂದಿಗೆ ಮಾತನಾಡಬೇಕು.
ಯಾಕೆಂದರೆ ಮದುವೆಯಾದ ಕೂಡಲೇ ಕೆಲವರು ಮಕ್ಕಳಿಗೆ ಆಧ್ಯತೆ ನೀಡಿದರೆ ಇನ್ನೂಕೆಲವರು ಕೆಲಸಕ್ಕೆ ಆಧ್ಯತೆ ನೀಡುತ್ತಾರೆ. ಹಾಗಾಗಿ ಸಂಗಾತಿಯ ಆಯ್ಕೆಯ ಬಗ್ಗೆ ನೀವು ತಿಳಿದುಕೊಳ್ಳುವುದು ಬಹಳ ಮುಖ್ಯ.
