ಪ್ರತಿನಿತ್ಯ ನಾವು ಉತ್ಸವದಂತೆ ಬದುಕನ್ನು ಆಚರಿಸಿಕೊಂಡರೆ ಜೀವನದ ಬಗ್ಗೆ ಧನ್ಯತೆ ಮೂಡಲು ಸಾಧ್ಯವಿದೆ. ಕವಿ ನಿಸಾರ್‌ ಅಹಮದ್‌ ಅವರ ಒಂದು ಜನಪ್ರಿಯ ಕವಿತೆ ಜೋಗದ ಸಿರಿ ಬೆಳಕಿನಲ್ಲಿಸಾಲುಗಳು ಬಹಳ ಸೊಗಸಾಗಿವೆ. ‘ನಿನ್ನೆ ನಿನ್ನೆಗೆ ನಾಳೆ ನಾಳೆಗೆ ಇಂದು ನಮ್ಮಗೆ’ ಚಲನಚಿತ್ರವೊಂದರ ಸಾಲುಗಳಿವು. ಇಡೀ ಜೀವನವನ್ನು ಒಮ್ಮೆಗೇ ಹಿಡಿದಿಡಲು ಸಾಧ್ಯವಾಗದೇ ಇರಬಹುದು. ಆದರೆ ಒಂದು ದಿನವನ್ನು ಒಮ್ಮೆಗೆ ಹಿಡಿದಿಡಲು ಅಂದರೆ ಸದ್ಬಳಕೆ ಮಾಡಿಕೊಳ್ಳುವುದು ಸಾಧ್ಯವಿದೆ. ಈ ನಿಟ್ಟಿನಲ್ಲಿನಮ್ಮ ಚಿಂತನೆ ಸಾಗಬೇಕು.
ಕ್ರೇಜಿ ಎಲೆಕ್ಟ್ರಾನಿಕ್ಸ್‌ ಡೇನಲ್ಲಿ ಭಾರಿ ರಿಯಾಯಿತಿ ಸೇಲ್‌! ಅಮೆಜಾನ್‌ನಲ್ಲಿ ಮಾತ್ರ!
‘ದಿನವ ಬಂಜೆಯ ಮಾಡಬೇಡ’ ಎನ್ನುತ್ತಾರೆ ಕವಿ ರಾಘವಾಂಕ. ಅನುಕ್ಷಣವನ್ನು ಅನುಭವಿಸಿದಾಗ ಮಾತ್ರ ಈ ಜೀವನದ ನಿಜವಾದ ಫಲಗಳನ್ನು ಸವಿಯಲು ಸಾಧ್ಯವಾಗುತ್ತದೆ.
ಲೇಖಕಿ ಬ್ರೋನಿವೇರ್‌ ಎಂಬಾಕೆ, ಇನ್ನೇನು ಸಾಯುತ್ತಾರೆ ಎನ್ನುವ ವ್ಯಕ್ತಿಗಳನ್ನು ಹುಡುಕಿ ಸಂಶೋಧನೆ ಮಾಡಿದ್ದಾರೆ. ಅಂತ ವ್ಯಕ್ತಿಗಳು ತನ್ನ ಜೀವಿತಾವಧಿಯ ಕ್ಷಣಗಳ ಬಗ್ಗೆ ನೀಡಿರುವ ಪ್ರಮುಖ ಉತ್ತರಗಳು ಈ ರೀತಿ ಇವೆ. ನನ್ನ ಜೀವನವನ್ನು ನನ್ನ ಬಯಕೆಯಂತೆ ನಡೆಸುವ ಧೈರ್ಯವಿದ್ದರೆ ಚೆನ್ನಾಗಿರುತ್ತಿತ್ತು. ಇಷ್ಟೊಂದು ಜೀವನ ಪರ್ಯಂತ ಕೆಲಸ ಮಾಡಬಾರದಾಗಿತ್ತು. ನನಗೆ ನನ್ನ ಭಾವನೆಗಳನ್ನು ವ್ಯಕ್ತಪಡಿಸಲು ಧೈರ್ಯವಿದ್ದರೆ ಚೆನ್ನಾಗಿರುತ್ತಿತ್ತು. ನಾನು ನನ್ನ ಬಾಲ್ಯದ ಎಲ್ಲಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರುತ್ತಿದ್ದರೆ ಚೆನ್ನಾಗಿರುತ್ತಿತ್ತು. ನಾನು ಇನ್ನೂ ಸಂತೋಷವಾಗಿರಬಹುದಾಗಿತ್ತು ಎಂದು.
ಅವರ ಹೇಳಿಕೆಗಳನ್ನು ಗಮನಿಸಿದಾಗ ಅರಿವಾಗುವ ಅಂಶವೆಂದರೆ ನಾವು ಹೀಗೆ ಹೇಳಬಾರದು. ಇದಕ್ಕೆ ಮದ್ದೇ ಪ್ರತಿದಿನವನ್ನು ಉತ್ಸವದಂತೆ ಆಚರಿಸುವುದು. ಹೆಚ್ಚು ಆಚರಿಸುತ್ತಿದ್ದಂತೆ ಜೀವನವನ್ನು ಮತ್ತಷ್ಟು ಆಚರಿಸಬಹುದಾದ ಅಂಶಗಳು ಗೋಚರಿಸುತ್ತವೆ.
ಪ್ರತಿಯೊಂದು ದಿನವನ್ನು ಶುಭ ದಿನವೆಂದು ಸಕಾರಾತ್ಮಕವಾಗಿ ಭಾವಿಸಬೇಕು.’ಇಂದಿನ ದಿನವೇ ಶುಭ ದಿನ, ಇಂದಿನ ವಾರ ಶುಭವಾರ, ಇಂದಿನ ತಾರೆ ಶುಭ ತಾರೆ, ಇಂದಿನ ಯೋಗ ಶುಭಯೋಗ ಇಂದಿನ ಲಗ್ನ ಶುಭಲಗ್ನ ಎನ್ನುತ್ತಾರೆ ಪುರಂದರ ದಾಸರು. ಪ್ರತಿದಿನವನ್ನು ಅದೃಷ್ಟದ ದಿನವೆಂದು ಭಾವಿಸಿ ಬದುಕಬೇಕು. ಹೀಗೆ ಜೀವಿಸುವ ಆಯ್ಕೆ ನಮ್ಮದೇ ಆಗಿರುತ್ತದೆ.
‘ಅಯ್ಯೋ ಬೆಳಗಾಯಿತೇ’ ಎಂದು ಏಳದೆ ‘ಎಂಥಾ ಬೆಳಗು’ ಎಂದು ಬೆರಗಿನಿಂದ ನೋಡುವುದು ನಮ್ಮ ದೃಷ್ಟಿಕೋನವಾಗಿರಬೇಕು. ಏಳುವಾಗಲೇ ಗೊಣಗಬಾರದು. ಪ್ರತಿದಿನವೂ ನಮಗೆ ಉಡುಗೊರೆಯಿದ್ದಂತೆ.
ಹುಟ್ಟು ಮತ್ತು ಸಾವಿನ ನಡುವಿರುವುದೇ ನಮ್ಮೀ ಜೀವನವೆಂಬುದು ಅರಿಯಬೇಕು. ಸಮಯದ ಜೊತೆಗೆ ನಮ್ಮ ಬದುಕೂ ಸಾಗಬೇಕು. ಇಡೀ ದಿನವನ್ನು ಸುಂದರವಾಗಿ ಯೋಜಿಸಿಕೊಳ್ಳಲು ಸಾಧ್ಯವಿದೆ. ನಮ್ಮ ಕೆಲಸ ಕಾರ್ಯಗಳನ್ನು ಯೋಜಿಸಿಕೊಂಡು ಸಾಗಬೇಕು. ಯೋಜಿತ ಕಾರ್ಯಗಳನ್ನು ಮುತುವರ್ಜಿ ವಹಿಸಿ ಮುಕ್ತಾಯಗೊಳಿಸಬೇಕು.
ಆಯಾ ದಿನವನ್ನು ಸರಿಯಾಗಿ ವಿನಿಯೋಗಿಸಿದ್ದೇವೆಯೋ ಇಲ್ಲವೋ ಎಂಬುದನ್ನು ಪರಿಶೀಲಿಸಬೇಕು. ಆದ್ಯತೆಯಿಂದ ಕೆಲಸ ಕಾರ್ಯಗಳನ್ನು ನಿರ್ವಹಿಸಿ. ಅನಗತ್ಯ ವಿಚಾರಗಳನ್ನು ದೂರವಿಟ್ಟರೆ ನಮ್ಮ ಕಾರ್ಯ ಸುಗಮವಾಗುವುದು. ನೀವು ಏನನ್ನು ಮಾಡಬೇಕೆಂದು ಬಯಸುತ್ತೀರೋ ಅದನ್ನು ತುಂಬಾ ಚೆನ್ನಾಗಿ ಮಾಡಿ. ಇಷ್ಟಪಟ್ಟು ಕೆಲಸ ಮಾಡಿ. ಆಗ ನಮ್ಮೆಲ್ಲಚಟುವಟಿಕೆಗಳಲ್ಲಿಸಂತೋಷ ಲಭ್ಯವಾಗುವುದು. ಸಂತೋಷವನ್ನು ವ್ಯಕ್ತಪಡಿಸಲು ಮುಗುಳ್ನಗೆ ನಮಗೆ ಸದಾ ನೆರವಾಗುತ್ತದೆ. ನಿರಂತರ ಹಸನ್ಮುಖಿಯಾಗಿರಿ. ಸಂತಸಮಯವಾದ ಕ್ಷಣಗಳನ್ನು ಹೆಚ್ಚಿಸಿಕೊಳ್ಳಿ. ಹಾಸ್ಯವೂ ಜೀವನದ ಭಾಗವಾಗಿರಲಿ.
ನಮ್ಮ ಸುತ್ತಮುತ್ತಲಿನವರನ್ನು ಸಂತೋಷವಾಗಿಟ್ಟರೆ ಮಾತ್ರ ನಾವು ಸಂತೋಷವಾಗಿರಲು ಸಾಧ್ಯ. ಇತರರ ಸಹಕಾರಕ್ಕೆ ಕೃತಜ್ಞತೆ ತಿಳಿಸಿ. ಕೃತಜ್ಞತಾ ಭಾವ ನಮ್ಮ ಮಾನಸಿಕ ಸ್ವಾಸ್ಥ್ಯವನ್ನು ಹತೋಟಿಯಲ್ಲಿಡುತ್ತದೆ. ಊಟ ಮಾಡಬೇಕಾದರೆ ರೈತರನ್ನು ಸ್ಮರಿಸಬೇಕು. ನಿಶ್ವಿಂತೆಯಿಂದ ನಿದ್ದೆ ಮಾಡಲು ತೆರಳುವಾಗ ಸೈನಿಕರನು ಸ್ಮರಿಸಬೇಕು. ತಂದೆ ತಾಯಿ, ಗುರುಗಳು, ಪ್ರಕೃತಿ ಹೀಗೆ ಎಲ್ಲರಿಗೂ ಗೌರವ ನೀಡುವುದನ್ನು ಕಲಿತರೆ ನಮ್ಮಲ್ಲೆಂದೂ ಅಹಂ ಇಣುಕುವುದಿಲ್ಲ. ಎಲ್ಲಕ್ಕಿಂತ ಹೆಚ್ಚಾಗಿ ಯಾರೂ ಪರಿಪೂರ್ಣರಲ್ಲ. ಯಾರೂ ದೋಷ ರಹಿತರಲ್ಲಎಂಬುದನ್ನು ಅರ್ಥ ಮಾಡಿಕೊಳ್ಳಬೇಕು.
