Saval TV on YouTube
ಬೊಗಳೆ
ಗುಂಡ: ತನ್ನ ಗೆಳೆಯರಿಗೆ ಹೇಳಿದ – ತಿಂಗಳ ಕೆಳಗೆ ಬಾವಿಗೆ ಬಿದ್ದ ನಮ್ಮಣ್ಣನ ವಾಚು ನಿನ್ನೆ ಸಿಕ್ಕಿತು
ತಿಮ್ಮ: ಅದರಲ್ಲೇನು ವಿಶೇಷ…
ಗುಂಡ: ವಿಶೇಷ ವಿರುವುದು ಅಲ್ಲೇ… ಆ ವಾಚು ಇನ್ನೂ ನಡೆಯುತ್ತಲೇ ಇತ್ತು…
ತಿಮ್ಮ: ಅದೇ ಬಾವಿಗೆ ಬಿದ್ದ ನನ್ನ ತಮ್ಮ ನಿನ್ನೆ ತಾನೇ ಎದ್ದು ಬಂದನು…
ಗುಂಡ: ಅವನು ಅಲ್ಲೇನು ಮಾಡುತ್ತಿದ್ದ…
ತಿಮ್ಮ: ನಿನ್ನಣ್ಣನ ವಾಚಿಗೆ ಕೀ ಕೊಡುತ್ತಿದ್ದನು…
*****
ಯಾಕೆ?
ಗುಂಡ: ಶಾಲಾ ವಠಾರದಲ್ಲಿ ‘ನಿಧಾನವಾಗಿ ಚಲಿಸಿ’ ಎನ್ನುವ ಫಲಕ ಹಾಕಿರುತ್ತಾರೆ. ಕಾಲೇಜಿನ ಬಳಿ ಯಾಕಿರುವುದಿಲ್ಲ..
ತಿಮ್ಮ: ಯಾಕೆಂದ್ರೆ ಅಲ್ಲಿ ಗಾಡಿ ತನ್ನಷ್ಟಕ್ಕೆ ತಾನೇ ಸ್ಲೋ ಆಗುತ್ತೆ.
*****
ಎಲ್ಲಿಗೆ
ಶೀಲಾ: ಎಲ್ಲಿಗೆ ಗನ್ ಹಿಡಿದು ಕೊಂಡು ಹೊರಟಿರುವಿರಿ?
ಗುಂಡ: ಹುಲಿಯ ಬೇಟೆಗೆ
ಶೀಲಾ: ಮತ್ಯಾಕೆ ನಿಂತಿರುವಿರಿ ಹೋಗಿ..
ಗುಂಡ: ಹೊರಗೆ ನಾಯಿ ಗುರಾಯಿಸ್ತಾ ಇದೆ. ಅದನ್ನು ಸ್ವಲ್ಪ ಓಡಿಸು ಮತ್ತೆ…
