ಎಷ್ಟು ಚೆನ್ನಾಗಿರುತ್ತಲ್ವಾ
ನಮ್ಮನ್ನು ಭೇಟಿಯಾಗಲು ಯಾರೋ ಕಾತರಿಸುವುದು…
ಸುಂದರವಾಗಿ ಆಲಂಕರಿಸಿಕೊಂಡು
ಹಣೆಗೆ ಬೊಟ್ಟು ಇಟ್ಟುಕೊಳ್ಳುವ ಆ ಒಂದು ಕನಸಿರುತ್ತದೆ..
ಆ ವ್ಯಕ್ತಿ ನಮ್ಮನ್ನು
ನಾವು ಹೇಗಿದೀವೋ ಹಾಗೆಯೇ ಸ್ವೀಕರಿಸುವಂತಿರಬೇಕು…
ನಾವು ಸಣ್ಣನೋ ಇಲ್ಲ ದಪ್ಪನೋ
ಕುಳ್ಳ ಇರಬಹುದು ಅಥವಾ ಎತ್ತರವಿರಬಹುದು,
ಅದ್ಯಾವುದು ಮುಖ್ಯವಾಗಬಾರದು..
ಅವನ್ನೆಲ್ಲಾ ಪಕ್ಕಕ್ಕೆ ಸರಿಸಿ,
ಹಾ ಇರು ಬಂದೆ ಎನ್ನುತ್ತಾ ಬಳಿ ಬರಬೇಕು..
ನಮ್ಮನ್ನು ಸಂಬಾಳಿಸುವ ಆ ವ್ಯಕ್ತಿ
ಖುದ್ದು ನಾವೇ ಆಗಿರುತ್ತೇವೆ ಎಂದು ತಿಳಿದಿರಬೇಕು
ನಮ್ಮನ್ನು ನಾನು ಪ್ರೀತಿಸುವುದು ತಿಳಿದಿರಬೇಕು…
ಎಷ್ಟು ಚಂದ ಅನ್ನಿಸುತ್ತಲ್ವಾ
ನಮ್ಮನ್ನು ನಾವೇ ಕಾಣಲು ಕಾತರಿಸುವುದು…
- ಮಂಜುಳ ಕಿರುಗಾವಲು
