ಮನೆ ಪ್ರವಾಸ ಒಂದು ದಿನದ ಪ್ರವಾಸದಲ್ಲಿ ಕೂರ್ಗ್‌ನಲ್ಲಿ ಇಷ್ಟೆಲ್ಲಾ ತಾಣಗಳನ್ನು ನೋಡಬಹುದು

ಒಂದು ದಿನದ ಪ್ರವಾಸದಲ್ಲಿ ಕೂರ್ಗ್‌ನಲ್ಲಿ ಇಷ್ಟೆಲ್ಲಾ ತಾಣಗಳನ್ನು ನೋಡಬಹುದು

August 12, 2022

ಕರ್ನಾಟಕದ ಅತ್ಯಂತ ಸುಂದರವಾದ ಗಿರಿಧಾಮಗಳಲ್ಲಿ ಕೊಡಗು ಕೂಡ ಒಂದಾಗಿದೆ. ಇದು ತನ್ನದೇ ಆದ ರಮಣೀಯ ವಾತಾವರಣ ಮತ್ತು ಗ್ರಾಮಕ್ಕೆ ಹೆಸರುವಾಸಿಯಾಗಿದೆ.

ಕೊಡಗಿನಲ್ಲಿ ಮುಖ್ಯವಾಗಿ ಮಡಿಕೇರಿ ಮತ್ತು ಕುಶಾಲ್‌ ನಗರ ಜನಪ್ರಿಯವಾದ ಪ್ರವಾಸಿ ಪಟ್ಟಣಗಳಾಗಿವೆ. ನೀವು ಕೂರ್ಗ್‌ನ ಪ್ರವಾಸ ಕೈಗೊಂಡಾಗ ಒಂದು ಅಥವಾ ಎರಡು ದಿನಗಳಲ್ಲಿ ಕೊಡಗಿನ ಸುಂದರ ತಾಣಗಳೆಲ್ಲಾ ಅನ್ವೇಷಣೆ ಮಾಡಿಬಿಡಿ.

ಕೊಡಗು ಮಂಜು ಮುಸುಕಿದ ಬೆಟ್ಟಗಳು, ಬೆರುಗುಗೊಳಿಸುವ ಜಲಪಾತಗಳು, ಆಹ್ಲಾದಕರವಾದ ಹಚ್ಚ ಹಸಿರಿನ ವಾತಾವರಣ ನಗರವಾಸಿಗಳಿಗೆ ತುಂಬಾ ಇಷ್ಟವಾಗಬಹುದು. ಕೂರ್ಗ್‌ಗೆ ಹೋದಾಗ ಒಂದೇ ದಿನದಲ್ಲಿ ಈ ಎಲ್ಲಾ ತಾಣಗಳನ್ನು ನೋಡಿ ಬನ್ನಿ.

ನಮ್ಡ್ರೋಲಿಂಗ್‌ ಮಠ

ನಿಮ್ಮ ಕೂರ್ಗ್‌ನ ಒಂದು ದಿನದ ಪ್ರವಾಸವನ್ನು ನಮ್ಡ್ರೋಲಿಂಗ್ ಮಠದಿಂದ ಪ್ರಾರಂಭ ಮಾಡಿ. ಈ ಸುಂದರವಾದ ಮಠವನ್ನು ಗೋಲ್ಡನ್‌ ಟೆಂಪಲ್‌ ಎಂಬ ಹೆಸರಿನಿಂದಲೂ ಕರೆಯುತ್ತಾರೆ. ಮಡಿಕೇರಿಯಿಂದ ಸುಮಾರು 35 ಕಿ. ಮೀ ದೂರದ ಬೈಲಕುಪ್ಪೆ ಎಂಬಲ್ಲಿ ಈ ಮಠವು ನೆಲೆಸಿದೆ.

1963 ರಲ್ಲಿ ನಿರ್ಮಿಸಲಾದ ಈ ಮಠವು ಪ್ರಾರಂಭದಲ್ಲಿ ಒಂದು ಬಿದಿರಿನ ರಚನೆಯಾಗಿತ್ತು. ಆದರೆ ಈಗ ದಕ್ಷಿಣ ಭಾರತದಲ್ಲಿರುವ ಅತ್ಯಂತ ಶ್ರೀಮಂತ ಬೌದ್ಧ ದೇವಾಲಯವಾಗಿದೆ.

ನಿಸರ್ಗಧಾಮ

ಗೋಲ್ಡನ್‌ ಟೆಂಪಲ್‌ ನೋಡಿದ ನಂತರ 8 ಕಿ.ಮೀ ದೂರದಲ್ಲಿರುವ ನಿಸರ್ಗ ಧಾಮಕ್ಕೆ ಭೇಟಿ ಕೊಡಿ. ಸುಮಾರು 64 ಎಕರೆಯಷ್ಟು ವಿಸ್ತಾರವಾದ ಕಾಡಿನಲ್ಲಿ ನಿಸರ್ಗಧಾಮವು ನೆಲೆಸಿದೆ. ನೇತಾಡುವ ಹಗ್ಗದ ಸೇತುವೆಯನ್ನು ದಾಟುತ್ತಿದ್ದಂತೆ ನಿಸರ್ಗಧಾಮವು ನಿಮ್ಮನ್ನು ಸ್ವಾಗತಿಸುತ್ತದೆ.

ಪ್ರಕೃತಿಯನ್ನು ಗಾಢವಾಗಿ ಪ್ರೀತಿಸುವವರು ಖಂಡಿತವಾಗಿಯೂ ನಿಸರ್ಗಧಾಮವು ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸುತ್ತದೆ. ಇಲ್ಲಿ ಜಿಂಕೆಗಳ ಪಾರ್ಕ್, ಪಕ್ಷಿಗಳು ಉದ್ಯಾನವನ, ಕಾವೇರಿ ನದಿಯಲ್ಲಿ ಬೋಟಿಂಗ್‌ನಂತಹ ರೋಮಾಂಚಕಾರಿ ಚಟುವಟಿಕೆಗಳನ್ನು ಆನಂದಿಸಬಹುದು.

ಮಡಿಕೇರಿ ಕೋಟೆ

ನಿಸರ್ಗಧಾಮದ ಭೇಟಿಯ ನಂತರ ಐತಿಹಾಸಿಕ ಮಡಿಕೇರಿ ಕೋಟೆಗೆ ಭೇಟಿ ನೀಡಿ. ಮಡಿಕೇರಿಯ ಹೃದಯಭಾಗದಲ್ಲಿರುವ ಕೋಟೆಗೆ ಕುಶಾಲ್‌ನಗರದಿಂದ ಸುಮಾರು 30 ಕಿ.ಮೀ ದೂರದಲ್ಲಿದೆ. ಮುದ್ದುರಾಜ ಎಂಬ ಕೂರ್ಗ್‌ನ ಆಡಳಿತಗಾರ 1600ರಲ್ಲಿ ನಿರ್ಮಿಸಿದರು ಎನ್ನಲಾಗುತ್ತದೆ.

ಮುದ್ದುರಾಜರವರು ಈ ಕೋಟೆಯನ್ನು ಮಣ್ಣಿನಲ್ಲಿ ನಿರ್ಮಿಸಿದ್ದರು, ತದನಂತರ ಟಿಪ್ಪು ಸುಲ್ತಾನ್‌ ಗ್ರಾನೈಟ್‌ನಿಂದ ಮರುನಿರ್ಮಾಣ ಮಾಡಿದರು. ಟಿಪ್ಪುವಿನ ನಂತಹ ವಿಭಿನ್ನ ರಾಜ ಮನೆತನದವರು ತಮಗಿಷ್ಟ ಬಂದ ಹಾಗೆ ಕೋಟೆಯನ್ನು ನವೀಕರಣ ಮಾಡುತ್ತಾ ಹೋದರು.

ಅಬ್ಬೆ ಜಲಪಾತ

ಕೂರ್ಗ್‌ ಪ್ರವಾಸದಲ್ಲಿ ಮಿಸ್‌ ಮಾಡಬಾರದ ಪ್ರವಾಸಿ ತಾಣಗಳಲ್ಲಿ ಅಬ್ಬೆ ಜಲಪಾತವು ಒಂದು. ಮಡಿಕೇರಿಯಿಂದ ಕೇವಲ 6 ಕಿ.ಮೀ ದೂರದಲ್ಲಿರುವ ಈ ಅಬ್ಬೆ ಜಲಪಾತಕ್ಕೆ ಸ್ಥಳೀಯ ಆಟೋ ಅಥವಾ ಕ್ಯಾಬ್‌ಗಳ ಮೂಲಕ ಸುಲಭವಾಗಿ ತಲುಪಬಹುದು.

ಸುತ್ತಲೂ ಕಾಫಿ ತೋಟಗಳಿಂದ ಆವೃತ್ತವಾಗಿರುವ ಅಬ್ಬೆ ಜಲಪಾತವು ರಮಣೀಯವಾದ ನೋಟವನ್ನು ಹೊಂದಿದೆ. ಸುಮಾರು 70 ಅಡಿ ಎತ್ತರದಿಂದ ಧರೆ ಬೀಳುತ್ತದೆ. ಅಲ್ಲದೇ ತನ್ನದೇ ಆದ ಒಂದು ಕೊಳವನ್ನು ನೈಸರ್ಗಿಕವಾಗಿ ಸೃಷ್ಟಿ ಮಾಡಿದೆ.

ಓಂಕಾರೇಶ್ವರ ದೇವಾಲಯ

ಅಬ್ಬೆ ಜಲಪಾತವನ್ನು ಕಂಡು ಆನಂದಿಸಿದ ನಂತರ ಓಂಕಾರೇಶ್ವರ ದೇವಾಲಯಕ್ಕೆ ಭೇಟಿ ನೀಡಿ. ಓಂಕಾರೇಶ್ವರ ದೇವಾಲಯದಲ್ಲಿ ಮಹಾಶಿವನು ಲಿಂಗ ಸ್ವರೂಪಿಯಾಗಿ ದರ್ಶನವನ್ನುನೀಡುತ್ತಾರೆ. ರಾಜ ಲಿಂಗರಾಜೇಂದ್ರ ಎಂಬ ರಾಜನು 19 ನೇ ಶತಮಾನದಲ್ಲಿ ನಿರ್ಮಿಸಿದರು ಎನ್ನಲಾಗುತ್ತದೆ.

ಪ್ರಸಿದ್ಧ ಜಾನಪದ ಕಥೆಯ ಪ್ರಕಾರ, ತನ್ನ ಆಡಳಿತ ದುರಾಸೆಯಿಂದ ಒಬ್ಬ ಬ್ರಾಹ್ಮಣನನ್ನು ಕೊಲ್ಲಿಸಿದ ಕಾರಣ, ಪಾಪ ಪರಿಹಾರಕ್ಕಾಗಿ ಈ ಪವಿತ್ರವಾದ ದೇವಾಲಯವನ್ನು ನಿರ್ಮಿಸಿದನು.

ರಾಜಾಸೀಟ್‌

ರಾಜಾಸೀಟ್‌ ನಿಮ್ಮ ಕೊನೆಯ ಪ್ರವಾಸಿ ತಾಣವಾಗಿದೆ. ಓಂಕಾರೇಶ್ವರ ದೇವಾಲಯದಿಂದ ಕೇವಲ 1 ಕಿ.ಮೀ ದೂರದಲ್ಲಿ ನಯನ ಮನೋಹರವಾದ ರಾಜಾಸೀಟ್ ಉದ್ಯಾನವನವಿದೆ. ಕೂರ್ಗ್‌ನ ಅದ್ಭುತ ನೋಟವನ್ನು ಕಣ್ತುಂಬಿಕೊಳ್ಳಲು ನೀವು ರಾಜಾಸೀಟ್‌ಗೆ ಭೇಟಿ ನೀಡಲೇಬೇಕು.

ಸಂಗಾತಿಯೊಂದಿಗೆ ಏಕಾಂತ ಕಳೆಯಲು ಮತ್ತು ಸುರ್ಯಾಸ್ತದ ಅಪೂರ್ವ ದೃಶ್ಯಗಳನ್ನು ಕಣ್ತುಂಬಿಕೊಳ್ಳಲು ಬೆಸ್ಟ್ ಪ್ಲೇಸ್‌ ಇದಾಗಿದೆ. ಕೂರ್ಗ್‌ ಅತ್ಯಂತ ಜನಪ್ರಿಯವಾದ ಪ್ರವಾಸಿ ಆಕರ್ಷಣೆಗಳಲ್ಲಿ ರಾಜಾ ಸೀಟ್‌ ಅಗ್ರಸ್ಥಾನದಲ್ಲಿದೆ ಎಂದರೇ ತಪ್ಪಾಗಲಾರದು.