ಬಂದದ್ದನ್ನು ಇದ್ದ ಹಾಗೆ ಬೇಷರತ್ತಾಗಿ ಸ್ವೀಕರಿಸುವುದರ ಹೊರತಾಗಿ ಯಶಸ್ಸಿಗೆ ಯಾವುದೇ ಸಿದ್ಧ ಸೂತ್ರಗಳಿಲ್ಲಎಂದಿದ್ದಾರೆ ರಷ್ಯಾದ ಸಂಗೀತಗಾರ ಆರ್ಥರ್ ರೂಬಿನ್ಸ್ಟೀನ್.
ಕೆಲವೊಮ್ಮೆನಾವು ಇತರರ ಬದುಕನ್ನು ಗಮನಿಸುತ್ತಿರುತ್ತೇವೆ. ಮತ್ತು ಅವರು ಯಾವರೀತಿ ಬದುಕುತ್ತಿದ್ದಾರೆ ಅದು ನಮ್ಮ ಅನುಭವಕ್ಕೆ ತಂದುಕೊಳ್ಳುವುದಕ್ಕೆ ಸಾಧ್ಯವಿಲ್ಲಎಂದೇ ಭಾವಿಸುತ್ತೇವೆ. ಅದು ಸಕಾರಾತ್ಮಕವೇ ಆಗಿರಬಹುದು ಅಥವಾ ನಕಾರಾತ್ಮಕ ಪರಿಸ್ಥಿತಿಯೇ ಆಗಿರಬಹುದು. ಅಂತಹ ಪರಿಸ್ಥಿತಿ ಖಂಡಿತಾ ನಮಗೆ ಬರಲು ಸಾಧ್ಯವೇ ಇಲ್ಲಎಂದುಕೊಳ್ಳುತ್ತಿರುತ್ತೇವೆ.
ಎದುರಾಗುವ ಸವಾಲು
ಬದುಕು ಹೀಗೆಯೇ ಎಂದು ಊಹಿಸಲೂ ಸಾಧ್ಯವಾಗದೇ ಇರುವುದು ಬದುಕಿನ ನೈಜ ಸೌಂದರ್ಯದ ಒಂದು ಭಾಗ. ಯಾವುದೂ ಕೂಡಾ ಶಾಶ್ವತವಲ್ಲ. ಪ್ರತಿಯೊಂದು ಬದಲಾವಣೆಗೆ ಒಳಪಡುತ್ತಿರುತ್ತದೆ. ಅದರಿಂದ ಸಾಕಷ್ಟು ಬದಲಾವಣೆಗಳು ನಮ್ಮಲ್ಲಾಗುತ್ತಿರುತ್ತದೆ. ಬದುಕಿನ ಮೇಲೂ ಪರಿಣಾಮ ಬೀರುತ್ತಿರುತ್ತದೆ. ಆದರೆ ಬಂದದ್ದನ್ನು ಬಂದ ಹಾಗೆಯೇ ಸ್ವೀಕರಿಸುವ ಮನೋಭಾವ ಮತ್ತು ಅದನ್ನು ಅಪ್ಪಿಕೊಳ್ಳುವ ಮನಸ್ಥಿತಿ ಬೆಳೆಸಿಕೊಳ್ಳಬೇಕಾದುದು ಬಹಳ ಅಗತ್ಯ. ಬದುಕಿನಲ್ಲಿಆಗುವ ಘಟನೆಗಳನ್ನು ಸಕಾರಾತ್ಮಕವಾಗಿ ಸ್ವೀಕರಿಸುವ ಅಭ್ಯಾಸ ಮಾಡಿಕೊಳ್ಳಬೇಕು.
ಖಂಡಿತಾ ಪ್ರತಿಯೊಬ್ಬರ ಬದುಕಿನುದ್ದಕ್ಕೂ ಅನೇಕ ಸವಾಲುಗಳು ಎದುರಾಗುತ್ತವೆ. ಉದಾಹರಣೆಗೆ ಆತ್ಮೀಯರ ಸಾವು. ಅದನ್ನು ಅಷ್ಟು ಸುಲಭವಾಗಿ ಅರಗಿಸಿಕೊಳ್ಳುವುದಕ್ಕೆ, ಅದನ್ನು ಒಪ್ಪಿಕೊಳ್ಳುವುದಕ್ಕೆ ಖಂಡಿತಾ ಸಾಧ್ಯವಿಲ್ಲ. ಆದರೆ ಅದನ್ನೂ ಒಪ್ಪಿಕೊಳ್ಳುವ ಮನಸ್ಥಿತಿ ಬೆಳೆಸಿಕೊಂಡರೆ ಭವಿಷ್ಯದಲ್ಲಿಬರುವ ಅನೇಕ ಬಿಕ್ಕಟ್ಟುಗಳನ್ನು ವಿಭಿನ್ನ ರೀತಿಯಲ್ಲಿಎದುರಿಸುವುದಕ್ಕೆ ಸಾಧ್ಯ.
ಬದುಕಿನಲ್ಲಿಘಟಿಸುವುದನ್ನು ತೆರೆದ ಕೈಗಳಿಂದ ಅಪ್ಪಿಕೊಳ್ಳುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಒಂದು ವೇಳೆ ಅದರ ವಿರುದ್ಧ ಹೋರಾಡುವುದು ಅಥವಾ ತಡೆಯುವುದಕ್ಕೆ ಪ್ರಯತ್ನಿಸಿದರೆ ಮನಸ್ಸಿನಲ್ಲಿಯೇ ಅನೇಕ ರೀತಿಯ ಪ್ರಕ್ಷುಬ್ಧತೆಗೆ ಕಾರಣವಾಗುವುದು.
ಬದುಕು ಭವಿಷ್ಯದಲ್ಲಿಹಾಗಿರಬೇಕು, ಹೀಗಿರಬೇಕು ಎಂಬ ಕನಸು ಪದೇ ಪದೆ ಕಾಣುತ್ತಿರುತ್ತೇವೆ. ಆದರೆ ಸದ್ಯದ ಪರಿಸ್ಥಿತಿಯಲ್ಲಿಹೇಗಿದೆಯೋ ಹಾಗೆಯೇ ಸ್ವೀಕರಿಸಬೇಕು. ಇದರಿಂದ ಜೀವನ ಕ್ಲಿಷ್ಟವಾಗುವುದಿಲ್ಲ. ಆದರೆ ಬಂದದನ್ನು ಬಂದ ಹಾಗೆಯೇ ಸ್ವೀಕರಿಸುವುದು ಅಷ್ಟು ಸುಲಭವಲ್ಲ. ಅದನ್ನು ಒಪ್ಪಿಕೊಳ್ಳುವುದೇ ಒಂದು ಒಳ್ಳೆಯ ಆಯ್ಕೆ. ಒಂದು ಸಮಸ್ಯೆ ಎದುರಾದಾಗ ಅದರಿಂದ ಹೊರಬರಲು ಎರಡು ದಾರಿಗಳಿರುತ್ತವೆ. ಒಂದು ಏನು ನಡೆಯುತ್ತಿದೆಯೋ ಅದನ್ನು ಹಾಗೆಯೇ ಒಪ್ಪಿಕೊಳ್ಳುವುದು ಅದು ಸಕಾರಾತ್ಮಕವಾಗಿ. ಮತ್ತೊಂದು ದುಃಖದ ವಿರುದ್ಧವಾಗಿ ಹೋರಾಡುವುದು, ಜಗತ್ತಿಗೆ ವಿರುದ್ಧವಾಗಿ ಹೋರಾಟ ನಡೆಸುವುದು. ಅದರಿಂ ನಕಾರಾತ್ಮಕ ಪರಿಣಾಮ ಬೀರುವುದು.
ಕುಟುಂಬವನ್ನು, ಸಂಬಂಧ, ಉದ್ಯೋಗವನ್ನು ಕಳೆದುಕೊಳ್ಳುವುದು ಅಥವಾ ಅವಕಾಶಗಳಿಂದ ವಂಚಿತರಾಗುವುದು, ನಮ್ಮದೇ ಕಾರ್ಯಯೋಜನೆಗಳು ಉಲ್ಟಾ ಹೊಡೆಯುವುದು ಇವೆಲ್ಲವೂ ಕೂಡಾ ನಮ್ಮ ನಿಯಂತ್ರಣದಲ್ಲಿಲ್ಲದೇ ಇರುವುದರಿಂದ, ಅದನ್ನು ಒಪ್ಪಿಕೊಳ್ಳಬೇಕು. ಅದರಿಂದ ನಮ್ಮೊಳಗೆ ಸಮಾಧಾನ, ಆಂತರಿಕ ಶಾಂತಿ ಹಾಗೂ ಖುಷಿಗೆ ಕಾರಣವಾಗುವುದು.
ಬದಲಾವಣೆ ಜಗದ ನಿಯಮ
ಸದಾ ಬದಲಾವಣೆಗೊಳಪಡುತ್ತಿರುವ ಈ ಜಗತ್ತಿನಲ್ಲಿಸ್ವೀಕಾರಾರ್ಹ ಮನೋಭಾವವನ್ನು ಬೆಳೆಸಿಕೊಳ್ಳುವುದರಿಂದ ಮುಂದೆ ನಡೆಯುವ ಘಟನೆಗಳಿಗೂ ಅದು ನಮ್ಮನ್ನು ತಯಾರಿ ಮಾಡುವುದು. ಅದೊಂದು ರೀತಿಯಲ್ಲಿನಮ್ಮನ್ನು ನಾವು ರಕ್ಷಣೆ ಮಾಡಿಕೊಂಡಂತೆ.
ಹಾಗಂತ ನಡೆದದ್ದೆಲ್ಲವನ್ನೂ ಹಾಗೆಯೇ ಒಪ್ಪಿಕೊಂಡುಬಿಡುತ್ತೇವೆ ಅಂತಾದರೆ ಅದು ನಮ್ಮ ವೀಕ್ನೆಸ್/ ಬಲಹೀನತೆ ಅಲ್ಲ, ಅಥವಾ ಅದು ಸಾಧಾರಣ ವ್ಯಕ್ತಿತ್ವದ ಸಂಕೇತವೂ ಅಲ್ಲ. ನಮಗೆ ಎದುರಾಗುವ ಸವಾಲುಗಳ ಹಿಂದಿರುವ ಉದ್ದೇಶ ಅಥವಾ ಅದರಿಂದ ಕಲಿತುಕೊಳ್ಳುವ ಪಾಠ ಬದುಕಿನ ಆಗುಹೋಗುಗಳ ವಿರುದ್ಧ ಹೋರಾಡುವ ಬದಲು ಅದನ್ನು ಒಪ್ಪಿಕೊಳ್ಳುವಂತೆ ಮಾಡುವುದು.
ಬದುಕಿನಲ್ಲಿಯಾವುದೋ ಒಂದು ಘಟನೆ ನಡೆದುಹೋಗಿರುತ್ತದೆ. ಅದಕ್ಕೆ ತೀರ್ಪು ನೀಡುವುದು ಮಾಡಬಾರದು. ಜಗತ್ತಿನ ಪ್ರತಿಯೊಂದು ಘಟನೆಗೂ ಒಂದು ಕಾರಣ ಇದ್ದೇ ಇರುತ್ತದೆ. ಮತ್ತದು ಒಳ್ಳೆಯದಕ್ಕೆ ಆಗಿದೆ ಎಂಬುದನ್ನು ಅರಿಕೆ ಮಾಡಿಕೊಳ್ಳಬೇಕು. ಸ್ವೀಕಾರಾರ್ಹ ಮನೋಭಾವ ಬೆಳೆಸಿಕೊಳ್ಳುವ ಮೊದಲ ಹಂತವದು.
ಕೆಲವೊಮ್ಮೆ ಅನಿರೀಕ್ಷಿತವಾದ ಘಟನೆಗಳು ನಡೆದಾಗ ಅದರ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸುವುದು ಅಥವಾ ಅದರ ಬಗ್ಗೆಯೆ ಅತಿಯಾದ ಯೋಚನೆ ಮಾಡುವ ಬದಲು ಅದರೊಂದಿಗೇ ಬದುಕುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಖಂಡಿತಾ. ಬಂದಿದ್ದೆಲ್ಲವೂ ಬರಲಿ ಎಂದುಕೊಂಡು ಹೀಗೇ ಆಗಬೇಕೆಂದುಕೊಂಡಿದ್ದೂ ಬೇರೆ ರೂಪ ಪಡೆದುಕೊಂಡರೆ ಎಲ್ಲವನ್ನೂ ಒಪ್ಪಿಕೊಳ್ಳುವುದು ಅಷ್ಟು ಸುಲಭದ ಸಾಧನೆ ಅಲ್ಲ. ವಾಸ್ತವ ಅಂದರೆ ಕೆಲವೊಮ್ಮೆ ಕೆಲವೊಂದನ್ನು ನಾವು ಪ್ರಯತ್ನಪಟ್ಟರೂ ಅದನ್ನು ಬದಲಾವಣೆಗೊಳಪಡಿಸಲು ಸಾಧ್ಯವಿಲ್ಲ.
ಹಾಗಾಗಿ ಮುಚ್ಚಿದ ಒಂದು ಬಾಗಿಲಿನೆಡೆಗೆ ನೋಟ ಬೀರುವುದಕ್ಕಿಂತ ಅಥವಾ ಅದನ್ನು ಒಡೆಯುವ ಪ್ರಯತ್ನ ಮಾಡುವ ಬದಲು ಪ್ರಪಂಚದೆಲ್ಲೆಡೆ ತೆರೆದಿರುವ ಅನೇಕ ಕಿಟಕಿಗಳೆಡೆಗೆ ದೃಷ್ಟಿ ಹಾಯಿಸುವುದು ಒಳಿತು.
ಚಿಕ್ಕಬಳ್ಳಾಪುರ ಜಿಲ್ಲೆಯ ಆರು ತಾಲೂಕುಗಳಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆ…
ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯಿಂದ ಕೋ ಆರ್ಡಿನೇಟರ್ ಹುದ್ದೆಗಳು
ಹೆಚ್ಎಎಲ್ ಯಲ್ಲಿ ಅಪ್ರೆಂಟಿಸ್ ಹುದ್ದೆ
ಸಿಬ್ಬಂದಿ ನೇಮಕಾತಿ ಆಯೋಗ ಎಸ್ ಎಸ್ ಸಿ ಇಂದ 39,481 ಹುದ್ದೆಗಳ ನೇಮಕಾತಿ
ಚಿಕ್ಕಬಳ್ಳಾಪುರ ಗ್ರಾಮ ಪಂಚಾಯಿತಿಯಲ್ಲಿ ಗ್ರಂಥ ಪಾಲಕರು ಹಾಗೂ ಮೇಲ್ವಿಚಾರಕರ ಹುದ್ದೆಗಳು
ಮಂಗಳೂರಿನ ಸುರತ್ಕಲ್ ನಲ್ಲಿರುವ ಎನ್ ಐ ಟಿ ಕೆ ಯಲ್ಲಿ ಹುದ್ದೆಗಳಿಗೆ ಅರ್ಜಿ ಆಹ್ವಾನ..
ಗ್ರಾಮೀಣ ಅಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯಲ್ಲಿ ಫೆಲೋಶಿಪ್ ಹುದ್ದೆಗಳ ಭರ್ತಿ..
ರಾಮನಗರ ಜಿಲ್ಲೆ ವ್ಯಾಪ್ತಿಯಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರ ಹುದ್ದೆಗಳು..
ವಾಹನ ಚಾಲಕರೇ ಎಚ್ಚರ 130 ಕ್ಕಿಂತ ಹೆಚ್ಚಾದ ವೇಗದಲ್ಲಿ ಚಲಿಸಿದರೆ ಬೀಳುತ್ತೆ FIR
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.