ದಯೆ ತೋರಮ್ಮ ಶ್ರೀ ತುಳಸಿ ವರನೀಡಮ್ಮ
ಶ್ರೀ ತುಳಸಿ ದಯಮಾಡಮ್ಮ ಶ್ರೀ ತುಳಸಿ ನಿತ್ಯವು ಪೂಜಿಪೆ ವರ ತುಳಸಿ
ಇಂದಿರೆ ಸುಂದರಿ ವಂದಿಪೆ ಮಾಧವಿ ಶುಭವನು ಮಾಡೆ ಜಯ ತುಳಸಿ ||ಇಂದಿರೆ||
ವೃಂದಾವನವೆ ಮಂದಿರವಾಗಿದೆ ನಿಂದಿರೆ ಶ್ರೀತುಳಸಿ||ವ್ರಂದಾವನವೇ||
ನಂದನಂದನ ಮುಕುಂದಗೆ ಪ್ರಿಯಳಾದ ||2|| ಚೆಂದದ ಶ್ರೀ ತುಳಸೀ…. || ವೃಂದಾವನವೆ||
ತುಳಸಿಯ ವನದಲಿ ಹರಿ ಇಹನೆಂಬುದ ಶ್ರತಿಸಾರುತಿದೆ ಕೇಳಿ
ತುಳಸಿ ದರ್ಶನದಿಂದ ದುರಿತಗಳೆಲ್ಲವು ದೂರವಾಗುವುದು ಕೇಳಿ|
ತುಳಸಿ ಸ್ಪರ್ಶವ ಮಾಡೆ,ದೇಹ ಪಾವನವೆಂದು |
ತಿಳಿದುದಿಲ್ಲವೆ ಕೇಳಿ ತುಳಸಿ ಸ್ಮರಣೆ ಮಾಡಿ ,ಸಕಲ ಇಷ್ಟವ ಪಡೆದು | ಸುಖದಲಿ ನೀವು ಬಾಳಿ ||ವೃಂದಾವನವೆ||
ಮೂಲ ಮ್ರತ್ತಿಕೆಯನು ಮುಖದಲಿ ಧರಿಸಲು ಮೂರ್ಲೋಕ ವಶವಹುದು
ಮಾಲೆ ಕೊರಳಲಿಟ್ಟ ,ಮುನುಜಗೆ ಮುಕುತಿಯ ಮಾರ್ಗವ ತೋರುವುದು |
ಕಾಲ ಕಾಲಗಳಲಿ ,ಮಾಡುವ ದುಷ್ಕರ್ಮ | ಕಳೆದು ಬಿಸಾಡುವುದು
ಕಾಲನ ದೂತರ ಕಳಚಿ ಕೈವಲ್ಯದ | ಲೀಲೆಯ ತೋರುವುದು
||ವೃಂದಾವನವೆ||
ಧರೆಯೊಳು ಸುಜನರ ಮರೆಯದೆ ಸಲಹುವ ,ವರಲಕ್ಷ್ಮಿ ಶ್ರೀ ತುಳಸಿ
ಪರಮ ಭಕ್ತರ ಘೋರ ಪಾಪಗಳ ತರಿದು ಪಾವನ ಮಾಡುವ ತುಳಸಿ |
ಸಿರಿ, ಆಯು, ಪುತ್ರಾದಿ ಸಂಪದಗಳನ್ನಿತ್ತು| ಹರುಷಗೊಳಿಪ ತುಳಸೀ…
ಪುರಂದರವಿಠ್ಠಲನ ಚರಣ ಕಮಲಗಳ | ಪುರಂದರವಿಠ್ಠಲನಾ……ಆ…ಆ… |
ಪುರಂದರವಿಠ್ಠಲನ ಚರಣ ಕಮಲಗಳ | ಸ್ಮರಣೆ ಕೊಡುವ ತುಳಸಿ
||ವೃಂದಾವನವೆ||
