ಈ ಕಾಡಿಗೇಕೆ ನೀ ಬಂದೆ ಸ್ವಾಮಿ
ಈ ದಾರಿಯಲಿ ಹೇಗೆ ನಡೆದೆ ಸ್ವಾಮಿ
||ಈ ಕಾಡಿಗೇಕೆ||
ಈ ಕಲ್ಲು ಈ ಮುಳ್ಳು ಈ ಹಳ್ಳ
ಈ ದಿಣ್ಣೆ ಆಯಾಸ ನಾ ತಾಳೆನಲ್ಲ
||ಈ ಕಲ್ಲು||
ತಂಪಾದ ಗಾಳಿಯಲು
ಮೈ ಬೆವರುತಿದೆಯಲ್ಲ
ಅಯ್ಯಪ್ಪ ಸಾಕಾಯಿತಲ್ಲ|
ಸ್ವಾಮಿ ಅಯ್ಯಪ್ಪ ಸಾಕಾಯಿತಲ್ಲ
||ಈ ಕಾಡಿಗೇಕೆ||
ಆನೆಗಳು ಇಲ್ಲೆಲ್ಲ ಓಡಾಡುತಿವೆಯಲ್ಲ
ದೂರದಲಿ ಹುಲಿ ಕೂಗಿತಲ್ಲ |
ಗಂಡೆದೆಯ ಗುಂಡಿಗೆಯು ಕ್ಷಣಕಾಲ ತತ್ತರಿಸಿ
ಕಣ್ಣೆಲ್ಲ ಮಂಜಾಯಿತಲ್ಲ ||
ನನ್ನ ಕಣ್ಣೆಲ್ಲ ಮಂಜಾಯಿತಲ್ಲ
||ಈ ಕಾಡಿಗೇಕೆ||
ನನ್ನಲ್ಲಿ ನಿನ್ನನ್ನು ಕಾಣುವಾಸೆಯ ತಂದು
ನೀ ಕಾಣದಾಗಿ ಎಲ್ಲಿರುವೆ |
ಕೂಗಲು ಉಸಿರಿಲ್ಲ ಅಳುವ ಶಕ್ತಿಯು ಇಲ್ಲ
ದಾರಿ ತೋರೊ ಬೇಗ ಪ್ರಭುವೆ||
ನನಗೆ ದಾರಿ ತೋರೊ ಬೇಗ ಪ್ರಭುವೆ
||ಈ ಕಾಡಿಗೇಕೆ||
