ಸೋಂಕು (INFECTION) ಹರಡಲು ಕಾರಣ ಹಾಗೂ ಇತರ ಮಾಹಿತಿ

ದೇಹಕ್ಕೆ ಹಾನಿಯುಂಟುಮಾಡುವ ಸೂಕ್ಷ್ಮಜೀವಿ (Pathogens)ಗಳು ಶರೀರವನ್ನು ಪ್ರವೇಶಿಸಿದಾಗ ಸೋಂಕು (Infection) ಉಂಟಾಗುತ್ತದೆ.

Join Our Whatsapp Group

Pathogens  ಈ ಸೂಕ್ಷ್ಮ ಜೀವಿಗಳು ಈ ಕೆಳಗಿನಂತಿರುತ್ತವೆ.

•      ಬ್ಯಾಕ್ಟೀರಿಯಾ (Bacteria)

•      ವೈರಸ್ (Viruses)

•      ಪ್ರೋಟೋಜೋವ (Protozoa)

•      ರಿಕೆಟ್ಸ್ ಯ್ (Reckttseia)

•      ಫಂಗಸ್ (Fungi)

•      ಹುಳುಗಳು (Worms)

 ಈ ಎಲ್ಲಾ ಸೂಕ್ಷ್ಮ ಜೀವಿಗಳು  ಒಬ್ಬರಿಂದ ಮತ್ತೊಬ್ಬರಿಗೆ ಹಲವು ರೀತಿಯಲ್ಲಿ ಸೋಂಕಿನ ರೂಪದಲ್ಲಿ ಹರಡುತ್ತವೆ. ಉದಾಹರಣೆಗೆ.

●  ಒಬ್ಬ ವ್ಯಕ್ತಿ ಕೆಮ್ಮಿದಾಗ, ಸೀನಿದಾಗ, ಗಾಳಿಯಲ್ಲಿ ಹರಡುವ ತುಂತುರುಗಳು ಇನ್ನೊಬ್ಬ ವ್ಯಕ್ತಿಯನ್ನು ತಲುಪಿದಾಗ, ಅವನಿಗೆ ಈ ಸೋಂಕು ಉಂಟಾಗಬಹುದು.

● ಕೆಲವು ಜೀವನಗಳು ಮುತ್ತು ಕೊಟ್ಟಾಗ ಅಥವಾ ಸಂಭೋಗದಿಂದ ಒಬ್ಬರಿಂದ ಒಬ್ಬರಿಗೆ ಹರಡುತ್ತವೆ.

●  ಸೊಳ್ಳೆಗಳಿಂದ ಪ್ರೋಟೋಜೋವ ತರಹದ Plasmodium ಎಂದು ಕರೆಯಲ್ಪಡುವ ಮಲೇರಿಯಾ ರೋಗಾಣುಗಳು ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತವೆ.

● ಪಕ್ಷಿಗಳು, ಕೋಳಿಗಳಿಂದ Psittacosis ಎಂಬ ಬ್ಯಾಕ್ಟೀರಿಯಾ ಸೋಂಕು ಉಂಟಾಗುತ್ತದೆ.

● ಕಲುಷಿತ ಆಹಾರ, ನೀರು, ಮಣ್ಣುಗಳಲ್ಲಿ ಕೆಲವು ವಿಷಕಾರಿ ಜೀವಾಣುಗಳಿರುತ್ತವೆ. ಇವು ಬಾಯಿಂದ ಶರೀರದ ಹೊರ ಗಾಯಗಳಿಂದ ಪ್ರವೇಶಿಸುತ್ತದೆ.

●  ಕೆಲವು ಜೀವಾಣುಗಳು ತಾಯಿಯಿಂದ ಗರ್ಭಧಾರಣೆ ಸಮಯದಲ್ಲೂ, ಪ್ರಸವದ ಸಮಯದಲ್ಲೂ ಮಕ್ಕಳಿಗೆ ಬರಬಹುದು.

●  ಅಂಟುರೋಗಗಳು ಹರಡುವ ಮಾರ್ಗಗಳು: ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿ ಅಂಟುರೋಗಗಳು ಲೈಂಗಿಕತೆಯಿಂದ, ಗಾಳಿಯಿಂದ, ರಕ್ತದಿಂದ ಅಥವಾ ಸ್ಪರ್ಶದಿಂದ ಹರಡುತ್ತವೆ.

● ಹಿಂದುಳಿದ ದೇಶಗಳಲ್ಲಿ ಕ್ರಿಮಿಕೀಟ, ಆಹಾರ, ನೀರು ಮತ್ತು ಇತರ ವಿಧಗಳಿಂದ ಹೊರಡುತ್ತವೆ.

ರೋಗಕ್ಕೆ ಪಕ್ವತೆಯ ಅವಧಿ (INCUBATION PERIOD)

● ಹಾನಿಕಾರಕ ಬ್ಯಾಕ್ಟೀರಿಯಗಳು ಒಂದು ಬಾರಿ ಶರೀರದಲ್ಲಿ ಪ್ರವೇಶಿಸಿದ ನಂತರ ಅವುಗಳ ಸಂಖ್ಯೆಯಲ್ಲಿ ವೃದ್ಧಿಯಾಗುತ್ತಿರುತ್ತದೆ. ಹೀಗೆ ವೃದ್ಧಿಯಾದ ನಂತರ ತಮ್ಮ ಪ್ರಭಾವ ಬೀರಲು ರೋಗ ಲಕ್ಷಣಗಳನ್ನು ತೋರಿಸಲು ಸ್ವಲ್ಪ ಸಮಯ ಬೇಕಾಗುತ್ತದೆ.

●  ಕ್ರಿಮಿಗಳು ಶರೀರ ಪ್ರವೇಶಿಸಿ ರೋಗದ ಲಕ್ಷಣಗಳ ಮುನ್ಸೂಚನೆಯನ್ನು ತಿಳಿಸುವ ಕಾಲವನ್ನು “ರೋಗ ಪಕ್ವತೆ ಅವಧಿ” ಎನ್ನುತ್ತಾರೆ.

●  ರೋಗ ಪಕ್ವತೆಯ ಅವಧಿ  ಕಾಲರಾದಂತಹ ವ್ಯಾಧಿಗಳಿಗೆ ಕೆಲವು ಗಂಟೆಗಳು ಬೇಕಾದರೆ, ಪಿತ್ತ ಜನಕಾಂಗದ ಮೇಲೆ ಪರಿಣಾಮ ಬೀರುವ ಹೆಪಟೈಟಿಸ್ ರೋಗಗಳಿಗೆ ಐದು ತಿಂಗಳು ಬೇಕು.

● ಅಂಟುರೋಗ ಸುಂಕದ ವ್ಯಕ್ತಿಯ ಸೋಂಕಿನ ಮೇಲೆ ದಾಳಿ ನಡೆಸಲು ಶರೀರವು ಆ್ಯಂಟಿಬಾಡೀಸ್ ಗಳನ್ನು ಉತ್ಪಾದಿಸುತ್ತದೆ.

● ಆ ವ್ಯಕ್ತಿ ರೋಗದಿಂದ ಮುಕ್ತನಾದರೂ, ರೋಗನಿರೋಧಕ ಶಕ್ತಿಯನ್ನು ನೀಡುವುದಲ್ಲದೆ, ಮತ್ತೆ ಕ್ರಿಮಿಗಳು ಆಕ್ರಮಿಸಿದರೆ ಹೋರಾಡುವ ಶಕ್ತಿಯನ್ನು ಹೊಂದಿರುತ್ತದೆ.

ಶರೀರದಲ್ಲಿ ಹಲವಾರು ರೋಗಗಳೊಂದಿಗೆ ಹೋರಾಡುವ ಆ್ಯಂಟಿಬಾಡಿಸ್ ಅನ್ನು ಕೃತಕವಾಗಿ ತಯಾರಿಸಿ ಲಸಿಕೆಗಳ(Vaccine) ಮೂಲಕ ನೀಡುತ್ತಾರೆ.

ಲಸಿಕೆಗಳ ಮೂಲ ತತ್ವಗಳು

● ನಿಶ್ಚಿತ ರೋಗಕ್ಕೆ ಸಂಬಂಧಿಸಿದ ಲಸಿಕೆಯು, ಅತಿ ಸ್ವಲ್ಪ ಪ್ರಮಾಣದಲ್ಲಿ ಚುಚ್ಚುಮದ್ದಿನ ಮೂಲಕ ಶರೀರ ತಲುಪಿದಾಗ, ಆ ರೋಗ ಬಾರದೆಯೇ ಆ ರೋಗದ ರೋಗಾಣುಗಳೊಂದಿಗೆ ಹೋರಾಡುವ ಶಕ್ತಿ ಆ್ಯಂಟಿಬಾಡೀಸ್ ಗೆ ಬರುತ್ತದೆ. ಹಾಗಾಗಿ ಮುಂದೆ ಆ ರೋಗಗಳು ದೇಹ ಪ್ರವೇಶಿಸಿದರು ಏನು ಮಾಡಲಾರವು.

● ವ್ಯಕ್ತಿಯ ದೇಹ ರೋಗನಿರೋಧಕ ಶಕ್ತಿಯಿಂದ ಕೂಡಿ, ರೋಗಾಣು ಸೋಂಕಿದರೂ ರೋಗ ರಹಿತನಾಗುತ್ತಾನೆ.

● ಎಲ್ಲಾ ತರಹದ ಸೋಂಕಿಗೂ ನಮ್ಮಲ್ಲಿ ಲಸಿಕೆಗಳು ಇಲ್ಲದಿದ್ದರೂ, ಈಗಿರುವ ಲಸಿಕೆಗಳಿಂದ ಎಷ್ಟೋ ಭಯಂಕರ ರೋಗಗಳಿಂದ ನಾವು ರಕ್ಷಿಸಿಕೊಳ್ಳಬಹುದು.

ಚಿಕಿತ್ಸೆ

● ಅಂಟುರೋಗಗಳಿಗೆ ಆಯಾ ರೋಗವನ್ನುಂಟು ಮಾಡುವ ಜೀವಾಣುಗಳ ಪ್ರಕಾರ ವೈದ್ಯಕೀಯ ಚಿಕಿತ್ಸೆ ಲಭ್ಯ. ಉದಾಹರಣೆಗೆ .

● ಡಿಫ್ತೀರಿಯ (ಗಂಟಲು ರೋಗ) ಗೊನ್ಹೋರಿಯ (Gonorrhoea) ನ್ಯೂಮೋನಿಯ, ಸಿಫಿಲಿಸ್, ಕ್ಷಯ, ಟೈಫಾಯ್ಡ್ ಮೊದಲಾದ ಬ್ಯಾಕ್ಟೀರಿಯ ಮೂಲಕ ಹರಡುವ ಕಾಯಿಲೆಗಳಿಗೆ (Pencilin) ಪೆನ್ಸಿಲಿನ್ ಅಂತಹ ಆ್ಯಂಟಿಬಯೋಟಿಕ್ಸ್ ಉಪಯೋಗಿಸುತ್ತೇವೆ.

ಅಂಟುರೋಗಗಳು ಯಾರಿಗೆ ಸೋಂಕುತ್ತವೆ?

 ● ಅಂಟು ರೋಗಗಳು ವ್ಯಾಪಿಸಿರುವ ಪ್ರದೇಶಗಳಲ್ಲಿ ವಾಸಿಸುವವರಿಗೆ ಮತ್ತು ಅಲ್ಲಿ ಪ್ರಯಾಣಿಸುವವರಿಗೆ.

 ● ಮೂರು ವರ್ಷದೊಳಗಿನ ಮಕ್ಕಳಿಗೆ ● ಅಂಟುರೋಗವುಳ್ಳ ವ್ಯಕ್ತಿಯ ಕುಟುಂಬದ ಸದಸ್ಯರಿಗೆ

● ಸೀತಾಳ ಸಿಡುಬು(Chicken pox) ನಂತಹ ಬಾಲ್ಯ ರೋಗವು ದೊಡ್ಡವರಿಗೆ ಬಂದಾಗ ಅದರ ಪರಿಣಾಮ ಬಹಳ ತೀವ್ರವಾಗಿ ಇರುತ್ತದೆ.

● ವೃದ್ದರು, ದುರ್ಬಲರು ಮತ್ತು ರೋಗನಿರೋಧಕ ಶಕ್ತಿ ಕಡಿಮೆ ಇರುವಂತಹ ಜನರಿಗೆ.

●Protozoa  ಕ್ರಿಮಿಗಳಿಂದ ಉಂಟಾಗುವ ಮಲೇರಿಯಾ, ಶಿಲೀಂಧ್ರ (Fungi) ಗಳಿಂದ ಉಂಟಾಗುವ ಮೈಸಿಲೋಮಾ ಫಂಗಸ್, ಕ್ಯಾಂಡಿಡಾ ಫಂಗಸ್ ಇವುಗಳಿಗೆ ಬೇರೆ ಔಷಧಿ ನೀಡಲಾಗುತ್ತದೆ.

 ಸಾಂಕ್ರಮಿಕ ರೋಗಗಳ ನಿವಾರಣೋಪಾಯಗಳು:

● ವೈದ್ಯರು ಸೂಚಿಸುವ ಲಸಿಕೆಗಳನ್ನು ಮಕ್ಕಳಿಗೆ ಹಾಕಿಸುವುದು.

●  ಹೊರದೇಶಗಳಿಗೆ ಹೋಗುವಾಗ ಅಲ್ಲಿ ವ್ಯಾಪಿಸಿರುವ ಸೋಂಕು ರೋಗಗಳ ಬಗ್ಗೆ ವೈದ್ಯರಿಂದ ತಿಳಿದುಕೊಂಡು, ತಕ್ಕ ಲಸಿಕೆ ಆ್ಯಂಟಿಬಯಾಟಿಕ್ ತೆಗೆದುಕೊಳ್ಳುವುದು.

● ಸಾಂಕ್ರಾಮಿಕ ರೋಗ ಹರಡುವ ಪ್ರದೇಶಗಳಲ್ಲಿ ಪ್ರಯಾಣಿಸುವಂತಿದ್ದರೆ ಅಲ್ಲಿ ಐಸ್ ಕ್ರೀಮ್, ಅಶುದ್ಧ ನೀರು,  ತಣ್ಣನೆಯ ಮತ್ತು ಕೂಯ್ದು ಮಾರಾಟ ಮಾಡುವ ಹಣ್ಣು ಮತ್ತು ತರಕಾರಿಗಳ ಉಪಯೋಗಿಸಬಾರದು.

●  ಸೋಂಕಿನ ಬಗ್ಗೆ ಅತಿ ಜಾಗ್ರತೆ ವಹಿಸುವುದು ಸೂಕ್ತ.

 ಕೆಲವು ಅಂಟುರೋಗಗಳು

● ಏಡ್ಸ್

● ಹೆಪಟೈಟಿಸ್ ಎ ಬಿ ಮುಂತಾದವು 

● ಶೀತ

● ಪ್ಲೂ

● ದಡಾರ

● ರೆಬಿಸ್

● ರುಬೆಲ್ಲಾ

● ಸಿಫಿಲಿಸ್, ಗನೋರಿಯದಂತಹ ಲೈಂಗಿಕ ರೋಗಗಳು

● ಮೆದುಳು ಜ್ವರ

● ಅತಿಸಾರ

● ಜ್ವರ

● ತಲೆನೋವು ಮೊದಲಾದವು

● ನ್ಯೂಮೋನಿಯಾ

● ಕ್ಷಯ

● ಟೈಫಾಯ್ಡ್ 

● ಅಮಿಬಿಯಾಸಿಸ್

● ಕಾಲರ

●ಮಲೇರಿಯಾ ಮೊದಲಾದವು…