ಪ್ರಭೋ ಮಂಜುನಾಥ ನಿನಗೆ ಸುಪ್ರಭಾತ

ಪ್ರಭೋ ಮಂಜುನಾಥ ನಿನಗೆ ಸುಪ್ರಭಾತ |

ಆನಂದ ರೂಪ ಶಾಂತಿ ಸ್ವರೂಪ |

ಪ್ರಭುವೇ ಕಣ್ಣ ತೆರೆಯೊ ಮಂಗಲ ರೂಪ |

ನಮ್ಮಯ ಪಾಪ ನೀಗಲು ಕಣ್ಣ ತೆರೆಯೋ |

ತಂದೆಯೇ ಕಣ್ಣ ತೆರೆಯೋ | 1

ಬಾನಾಡಿಗಳು ಚಿಲಿಪಿಲಿ ಎಂದು |

ಹಾಡಿವೆ ಪ್ರಭಾತ ಗಾನ ನೇತ್ರಾವತಿಯ |

ಅಲೆಗಳು ಇಂದು ಮೀಟಿವೆ |

ಶಾಂತಿಯ ಸ್ಥಾನ ಪ್ರಭೋ ಮಂಜುನಾಥ |

ನಿನಗೆ ಸುಪ್ರಭಾತ | 2

ಭಕ್ತಕೋಟಿಯೂ ಭಕ್ತಿಯಿಂದ |

ಹಾಡಿವೆ ನಿನ್ನಯ ನಾಮ ಹಗಲು |

ರಾತ್ರಿ ಈ ಜಗದ ರಕ್ಷೆಯಲಿ |

ಸಾಲದೆ ನಿನಗೆ ವಿರಾಮ || 3

ಅಣ್ಣಪ್ಪ ಸ್ವಾಮಿಯ ಸೇವೆ ಸ್ವೀಕರಿಸಿ |

ತೋರು ನಿನ್ನ ಪ್ರೇಮ ನೀನು |

ನಿಂತಿಹ ಪುಣ್ಯಾ ಸ್ಥಳವಿದೆ ನಿತ್ಯಶಾಂತಿಧಾಮ || ಪ್ರಭೋ ||