ಮೇಷ್ಟ್ರು : ನಿನ್ನೆ ಕ್ಲಾಸ್ ಮೇಟ್ ಗಳೆಲ್ಲ ಸರಿಯಾದ ಟೈಮ್ ಗೆ ಕ್ಲಾಸಿಗೆ ಬಂದಿದ್ದಾರೆ. ನೀನೊಬ್ಬ ಯಾಕೋ ಲೇಟು?
ಬಾಲು : ಗುಂಪಾಗಿ ಬರೋದು ಕುರಿಗಳು, ಸಿಂಹ ಯಾವಾಗಲೂ ಸಿಂಗಲ್ಲಾಗೆ ಬರೋದು ಸರ್.
***
ಅಜ್ಜಿ : ಯಾಕೆ ರಾಜಿ ನಿನ್ನ ಒಪ್ಪಿದ್ನಲ್ಲ ಹುಡುಗ ಅವನನ್ನ ಬೇಡ ಎಂದು ಬಿಟ್ಟೆಯಂತೆ?
ರಾಜಿ : ನಾಲ್ಕು ದಿನ ಅವನು ಓಡಾಡಿದ ಮೇಲೆ ತಿಳಿಯಿತು ಅವನು ಶತಮೂರ್ಖ ಅಂತ ಅದಕ್ಕೆ ಬೇಡ ಅಂದೆ.
ಅಜ್ಜಿ : ಈ ಕಾಲದವರೆ ಅದೃಷ್ಟವಂತರು ನಮ್ಮ ಕಾಲದಲ್ಲಿ ಮದುವೆಗೆ ಮುಂಚೆ ಗಂಡ ಆಗುವವನು ಪೆದ್ದನೋ, ಬುದ್ಧಿವಂತನೋ ಒಂದು ಗೊತ್ತಾಗುತ್ತಿರಲಿಲ್ಲ.
ರಾಜಿ : ಬರೀ ಸುಳ್ಳು ನಿನಗೆ ಗೊತ್ತಾಗಿರಬೇಕು.
ಅಜ್ಜಿ : ನಿಜವಾಗಿಯೂ ಇಲ್ಲ ರಾಜಿ.
ರಾಜಿ : ಏನಜ್ಜಿ ನೀನು ಹೇಳೋದು. ನಿನ್ನಂತಹವಳನ್ನು ಮದುವೆಯಾಗಲು ಒಪ್ಪಿದ ಅಂದಮೇಲೂ ತಾತನ್ನ ಬುದ್ದಿವಂತ ಅಂತ ಕರೆಯಕ್ಕಾಗುತ್ತಾ?
***
ಸುಮ : ನಾನೇನೇ ಆದರೂ ಗೊರಕೆ ಹೊಡೆಯುವವರನ್ನು ಮದುವೆ ಮಾಡಿಕೊಳ್ಳಲ್ಲ.
ಗೆಳತಿ : ಅದೇನು ಒಳ್ಳೆಯದೇ, ಆದರೆ…. (ರಾಗ ಎಳೆದಳು)
ಸುಮಾ : ಆದರೆ ಏನೇ ?
ಗೆಳತಿ : ಅದಕ್ಕೆ ಮದುವೆ ಮುಂಚೆ ಎಷ್ಟು ಜನರ ಜೊತೆ ಮಲಗಬೇಕಾಗುತ್ತದೆ ಏನೋ.
***
ಇಬ್ಬರು ಹುಡುಗರು ಕ್ಲಿನಿಕ್ ನಲ್ಲಿ ಕುಳಿತು ವೈದ್ಯರು ಮಾಡುವ ಕೆಲಸ ಗಮನಿಸುತ್ತಿದ್ದರು.
“ಅವರು ಸ್ಪೆಥಾಸ್ಕೋಪ್ ಮೈಮೇಲೆ ಇಟ್ಟಾಗ ಏನು ತಿಳಿಯುತ್ತೆ?” ಒಬ್ಬ ಕೇಳಿದ.
“ಮೈಯೊಳಗೆ ಇರೋ ಬ್ಯಾಕ್ಟೀರಿಯಾ ಗಳು ಪರಸ್ಪರ ಮಾತನಾಡುವುದು ಕೇಳಿಸುತ್ತೆ ಕಣೋ.”
***
ರಾಮು : ನಮ್ಮ ಗೋಪಿ ಹೆಂಡ್ತಿ ಸಕ್ಕತ್ ಕಿರಿಕ್ಕಂತೆ. ಅಡಿಗೆ, ತಿಂಡಿ, ಕಾಫಿ ಒಂದು ಸರಿಯಾಗಿ ಮಾಡಲ್ವಂತೆ.
ಶಿವ : ಹೌದಾ… ನಿನ್ ಹೆಂಡ್ತಿ ಹೇಗೆ ?
ರಾಮು : ನನ್ ಹೆಂಡ್ತಿದು ಆ ವಿಚಾರದಲ್ಲಿ ಕಿರಿಕ್ಕೇ ಇಲ್ಲಯ್ಯ. ಯಾಕಂದ್ರೆ ನಮ್ಮಲ್ಲಿ ತಿಂಡಿ, ಕಾಫಿ, ಮಾಡೋದು ನಾನೇ.
