ಉಚಿತ
ತಿಮ್ಮನ ಮನೆ ಹಸು ತುಂಬಾ ಹುಷಾರಿಲ್ಲದೇ ಸಾಯುವ ಪರಿಸ್ಥಿತಿ ತಲುಪಿತು. ತಿಮ್ಮ ತಿರುಪತಿ ತಿಮ್ಮಪ್ಪನಿಗೆ ಹರಕೆ ಹೊತ್ತು ಹಸು ಬದುಕಿದರೆ ಹಸುವನ್ನು ಮಾರಿ ಬರುವ ಹಣವನ್ನು ಹುಂಡಿಗೆ ಹಾಕುವುದಾಗಿ ಹರಕೆ ಹೊತ್ತು. ಹರಕೆ ಫಲವೆಂಬಂತೆ ಹಸು ಹುಷಾರಾಯಿತು. ತಿಮ್ಮನಿಗೆ ಹಸುವನ್ನು ಮಾರಿ ಹಣ ತಿಮ್ಮಪ್ಪ ಹುಂಡಿಗೆ ಹಾಕಲು ಮನಸ್ಸು ಬಾರದೆ ಹಸುವಿನ ಜೊತೆ ಗಿಣಿಯೊಂದನ್ನು ತೆಗೆದುಕೊಂಡು ಹಸುವನ್ನು ಮಾರಾಟ ಮಾಡಲು ಸಂತೆ ಕೊಂಡೊಯ್ದರು. ಗಿಣಿ ಬೆಲೆ ಸಾವಿರ ರೂಪಾಯಿ ಗಿಣಿಯನ್ನು ಕೊಂಡರೆ ಹಸು ಉಚಿತ ಎಂದು. ಗಿಣಿಯನ್ನು ಮಾರಿ ತಿಮ್ಮ ತಿಮ್ಮಪ್ಪನಿಗೆ ಟೋಪಿ ಹಾಕಿದ.
*****
ಜೋಗಕ್ಕಿಂತ
ತಿಮ್ಮ ತನ್ನ ಗೆಳೆಯನಿಗೆ ಹೇಳಿದ “ನಾನು ಜೋಗಕ್ಕಿಂತ ಎತ್ತರದಿಂದ ನೀರು ಬೀಳುವ ಪ್ರದೇಶ ನೋಡಿರುವೆ?”
ಗೆಳೆಯ ಕೇಳಿದ “ಹೌದಾ ಅದೆಲ್ಲೆದೆ?”
ತಿಮ್ಮ ಹೇಳಿದ “ಮಳೆ”
*****
ಕೊನೆಯ ಪುಟ
ತಿಮ್ಮ ತನ್ನ ಹೆಂಡತಿಗೆ ಹೇಳಿದ “ಅತ್ಯಂತ ದುಃಖಕರವಾದ ಕೊನೆಯ ಪುಟಗಳಿರುವ ಪುಸ್ತಕವೊಂದನ್ನು ನಾನಿವತ್ತು ನೋಡಿದೆ.”
ತಿಮ್ಮನ ಹೆಂಡತಿ ಹೇಳಿದಳು “ಹೌದು ಅದು ಯಾವ ಪುಸ್ತಕ?”
ತಿಮ್ಮ ಹೇಳಿದ ನನ್ನ “ಬ್ಯಾಂಕ್ ಪಾಸ್ ಪುಸ್ತಕ”
