ಏಪ್ರಿಲ್ 26ಕ್ಕೆ ಮೊದಲ ಹಂತದ ಚುನಾವಣೆ……
'ಕೈ' ಪರ ಪ್ರಚಾರದಲ್ಲಿದ್ದಾಗ ತಡೆದ ಬಿಜೆಪಿ ಕಾರ್ಯಕರ್ತರು….
ಹಿರಿಯ ನಾಗರಿಕರಿಗೆ ಹಾಗೂ ಅಂಗವಿಕಲರಿಗೆ ರಾಪಿಡೋ ವತಿಯಿಂದ ಸಿಹಿ ಸುದ್ದಿ
ಏಪ್ರಿಲ್ 26ಕ್ಕೆ ಏನೆಲ್ಲ ಲಭ್ಯವಿರುತ್ತದೆ….
ಲಂಡನ್ನಲ್ಲಿ ಅನಂತ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಮದುವೆ.
ಲೋಕಸಭಾ ಚುನಾವಣೆಗೆ ಬೆಂಗಳೂರಿನಲ್ಲಿ ನಿಷೇಧಾಗ್ನೆ ಜಾರಿ..
ಮನೆ ಮಾರಾಟಕ್ಕೆಮನೆ ಮಾರಾಟಕ್ಕೆ….
ಅಮೆರಿಕದಲ್ಲೂ ಕೂಡ ಹೆಚ್ಚಾಗುತ್ತಿದ್ದಾರೆ ಭಾರತೀಯರು.
27ರೂ. ಗೆ, 28000 ಸಾವಿರ ದಂಡ.
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.
ಪ್ರಸ್ತುತ ಕೋವಿಡ್ 19 ಎಲ್ಲರನ್ನೂ ಕಾಡುತ್ತಿದ್ದು, ಪ್ರತಿಯೊಬ್ಬರೂ ಎಚ್ಚರಿಕೆಯಿಂದ ಇರಬೇಕು. ಏಕೆಂದರೆ ಇದು ಉಸಿರಾಟದ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಪ್ರತಿದಿನ ಕೆಲವು ಉಸಿರಾಟದ ವ್ಯಾಯಾಮಗಳನ್ನು ಮಾಡುವುದರಿಂದ ಪಕ್ಕೆಲುಬು ಮತ್ತು ಡಯಾಫ್ರಾಮ್ ಸುತ್ತಲಿರುವ ಸ್ನಾಯುವಿನ ಶಕ್ತಿಯನ್ನು ಕಾಪಾಡಿಕೊಳ್ಳಲು ಸುಲಭವಾದ ಮಾರ್ಗವಾಗಿದೆ.
ಇದು ನಿಮ್ಮ ಶ್ವಾಸಕೋಶವನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ ಮತ್ತು ಕೊರೊನಾ ವೈರಸ್ ಸೋಂಕಿಗೆ ಒಳಗಾಗುವ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಉಜ್ಜಯೀ ಪ್ರಾಣಾಯಾಮ
ಈ ರೀತಿಯ ಉಸಿರಾಟವನ್ನು ಅಭ್ಯಾಸ ಮಾಡುವುದರಿಂದ ಏಕಾಗ್ರತೆ ಸುಧಾರಿಸುತ್ತದೆ, ಉದ್ವೇಗವನ್ನು ಬಿಡುಗಡೆ ಮಾಡಬಹುದು, ದೇಹದ ಆಂತರಿಕ ತಾಪಮಾನವನ್ನು ನಿಯಂತ್ರಿಸಬಹುದು, ಶ್ವಾಸಕೋಶದ ಕಾರ್ಯವನ್ನು ಉತ್ತೇಜಿಸಬಹುದು.
ಇದನ್ನು ಮಾಡುವುದು ಹೇಗೆ?
• ಹಂತ 1: ನೆಲದ ಮೇಲೆ ಯಾವುದೇ ಧ್ಯಾನಸ್ಥ ಭಂಗಿಯಲ್ಲಿ ನಿಮ್ಮ ಕಣ್ಣುಗಳನ್ನು ಮುಚ್ಚಿ ಕುಳಿತುಕೊಳ್ಳಿ, ಬೆನ್ನುಮೂಳೆ ತಟಸ್ಥವಾಗಿ ಇರಲಿ.
• ಹಂತ 2: ನಿಮ್ಮ ಬಾಯಿಯ ಮೂಲಕ ಒಳಗೆ ಮತ್ತು ಹೊರಗೆ ದೀರ್ಘ ಉಸಿರನ್ನು ತೆಗೆದುಕೊಳ್ಳಿ.ಈಗ ನಿಮ್ಮ ವಿಂಡ್ ಪೈಪ್ ಮೂಲಕ ಗಾಳಿಯು ಹಾದು ಹೋದಂತೆ ಭಾಸವಾಗುತ್ತದೆ.
• ಹಂತ 3: ಉಸಿರನ್ನು ಹೊರಗೆ ಬಿಟ್ಟ ನಂತರ ನೀವು ಆರಾಮದಾಯಕವಾದಾಗ, ಗಾಳಿಯ ಹಾದಿಯನ್ನು ನಿರ್ಬಂಧಿಸಲು ನಿಮ್ಮ ಗಂಟಲಿನ ಹಿಂಭಾಗವನ್ನು ಸಂಕುಚಿತಗೊಳಿಸಿ. ಆಗ ನಿಮ್ಮ ಗಂಟಲು ಉಸಿರಾಡುವಾಗ ನುಗ್ಗುತ್ತಿರುವ ಶಬ್ದ ಮಾಡಲು ಪ್ರಾರಂಭಿಸುತ್ತದೆ.
• ಹಂತ 4: ಉಸಿರನ್ನು ಹೊರಗೆ ಬಿಟ್ಟ ನಂತರ ಆರಾಮದಾಯಕವಾಗಿದ್ದರೆ, ಉಸಿರು ತೆಗೆದುಕೊಳ್ಳುವಾಗ ಗಂಟಲನ್ನು ಅದೇ ರೀತಿ ಸಂಕುಚಿತಗೊಳಿಸಿ.
• ಹಂತ 5: ಉಸಿರನ್ನು ಒಳಗೆ ತೆಗೆದುಕೊಳ್ಳುವಾಗ ಮತ್ತು ಹೊರಗೆ ಬಿಡುವಾಗ ನಿಮ್ಮ ಗಂಟಲು ಸಂಕುಚಿತಗೊಂಡರೆ, ಬಾಯಿ ಮುಚ್ಚಿ ಮತ್ತು ಮೂಗಿನ ಮೂಲಕ ಉಸಿರಾಡಲು ಪ್ರಾರಂಭಿಸಿ.
• ಹಂತ 6: ಸ್ವಲ್ಪ ಸಮಯದವರೆಗೆ ನಿಮ್ಮ ಉಸಿರನ್ನು ಹಿಡಿದುಕೊಳ್ಳಿ, ನಂತರ ಉಸಿರನ್ನು ಬಿಡಿ.
ಕಪಾಲಬಾತಿ ಪ್ರಾಣಾಯಾಮ
ಕಪಾಲಬಾತಿ ಪ್ರಾಣಾಯಾಮ ಪರ್ಯಾಯವಾಗಿದೆ. ಈ ರೀತಿಯ ಪ್ರಾಣಾಯಾಮವು ನಿಮ್ಮ ಏಕಾಗ್ರತೆ ಮಟ್ಟವನ್ನು ಹೆಚ್ಚಿಸಲು ಮತ್ತು ಶ್ವಾಸಕೋಶದ ಸ್ನಾಯುಗಳನ್ನು ಬಲಪಡಿಸಲು ಅತ್ಯುತ್ತಮವಾಗಿದೆ.
ಇದನ್ನು ಮಾಡುವುದು ಹೇಗೆ?
• ಹಂತ 1: ಕಮಲದ ಭಂಗಿಯಲ್ಲಿ ನೆಲದ ಮೇಲೆ ಆರಾಮವಾಗಿ ಕುಳಿತುಕೊಳ್ಳಿ. ನಿಮ್ಮ ಬೆನ್ನುಮೂಳೆಯು ನೆಟ್ಟಗೆ ಇರಲಿ.
• ಹಂತ 2: ನಿಮ್ಮ ಮೂಗಿನ ಮೂಲಕ ಆಳವಾದ ಉಸಿರನ್ನು ತೆಗೆದುಕೊಳ್ಳಿ ಮತ್ತು ನೀವು ಉಸಿರು ಬಿಡುವಾಗ ನಿಮ್ಮ ಹೊಕ್ಕುಳ ಮತ್ತು ಹೊಟ್ಟೆಯನ್ನು ಬೆನ್ನುಮೂಳೆಯ ಕಡೆಗೆ ಎಳೆಯಿರಿ.
• ಹಂತ 3: ನಿಮ್ಮ ಹೊಕ್ಕುಳ ಮತ್ತು ಹೊಟ್ಟೆ ವಿಶ್ರಾಂತಿ ಮಾಡುವಾಗ ನಿಮ್ಮ ಮೂಗಿನ ಮೂಲಕ ಉಸಿರನ್ನು ಬಿಡಿ.
• ಹಂತ 4: ಈ ಪ್ರಕ್ರಿಯೆಯನ್ನು 10 ಬಾರಿ ಪುನರಾವರ್ತಿಸಿ ನಂತರ, ನಿಧಾನವಾಗಿ ಉಸಿರು ಬಿಡಿ ಮತ್ತು ಎಳೆದುಕೊಳ್ಳಿ.
ನಾಡಿ ಶೋಧನ
ನಾಡಿ ಶೋಧನ ಉಸಿರಾಟದ ವ್ಯಾಯಾಮವು ಒತ್ತಡದ ಮಟ್ಟವನ್ನು ನಿರ್ವಹಿಸಲು, ಆತಂಕವನ್ನು ಕಡಿಮೆ ಮಾಡಲು ಮತ್ತು ಒಟ್ಟಾರೆ ಯೋಗಕ್ಷೇಮವನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.
ಇದನ್ನು ಮಾಡುವುದು ಹೇಗೆ?
• ಹಂತ 1: ನಿಮ್ಮ ಕಾಲುಗಳನ್ನು ಕತ್ತರಿ ರೀತಿ ಒಂದರ ಮೇಲೆ ಇನ್ನೊಂದು ಹಾಕಿ ನೆಲದ ಮೇಲೆ ಆರಾಮವಾಗಿ ಕುಳಿತುಕೊಳ್ಳಿ, ಬೆನ್ನುಮೂಳೆ ನೆಟ್ಟಗೆ ಇರಲಿ.
• ಹಂತ 2: ಈ ಭಂಗಿಯಲ್ಲಿ ನೀವು ಆರಾಮಾಗಿ ಇರಲು ಕೆಲವು ಬಾರಿ ನಿಧಾನವಾಗಿ ಉಸಿರು ತೆಗೆದುಕೊಳ್ಳಿ ಮತ್ತು ಉಸಿರು ಬಿಡಿ.
• ಹಂತ 3: ನಿಮ್ಮ ಹೆಬ್ಬೆರಳು ಮತ್ತು ತೋರುಬೆರಳನ್ನು ಸೇರಿಸಿದರೆ ಧ್ಯಾನ ಭಂಗಿ ಬರುತ್ತದೆ. ಈಗ ನಿಮ್ಮ ಎಡಗೈಯನ್ನು ನಿಮ್ಮ ತೊಡೆಯ ಮೇಲೆ ವಿಶ್ರಾಂತಿ ಮಾಡಲು ಬಿಡಿ. ನಿಮ್ಮ ಮಧ್ಯ ಮತ್ತು ತೋರು ಬೆರಳನ್ನು ಮಡಿಚುವ ಮೂಲಕ ನಿಮ್ಮ ಬಲಗೈಯನ್ನು ನಸಾಗ್ರಾ ಮುದ್ರೆ ಮಾಡಿ.
• ಹಂತ 4: ನಿಮ್ಮ ಬಲಗೈಯ ಹೆಬ್ಬೆರಳಿನಿಂದ ಬಲ ಮೂಗಿನ ಹೊಳ್ಳೆಯನ್ನು ಮುಚ್ಚಿ. ನಿಮ್ಮ ಎಡ ಮೂಗಿನ ಹೊಳ್ಳೆಯಿಂದ ಆಳವಾದ ಉಸಿರನ್ನು ತೆಗೆದುಕೊಂಡು ನಂತರ ಅದನ್ನು ನಿಮ್ಮ ಉಂಗುರ ಮತ್ತು ಕಿರು ಬೆರಳಿನಿಂದ ಮುಚ್ಚಿ.
• ಹಂತ 5: ನಿಮ್ಮ ಬಲ ಮೂಗಿನ ಹೊಳ್ಳೆಯನ್ನು ತೆರೆದು ಉಸಿರು ಬಿಡಿ. ನಂತರ ನಿಮ್ಮ ಬಲ ಮೂಗಿನ ಹೊಳ್ಳೆಯಿಂದ ಉಸಿರಾಡಿ. ನಂತರ ಅದನ್ನು ನಿಮ್ಮ ಹೆಬ್ಬೆರಳಿನಿಂದ ಮುಚ್ಚಿ. ಮತ್ತೆ ನಿಮ್ಮ ಎಡ ಮೂಗಿನ ಹೊಳ್ಳೆಯನ್ನು ತೆರೆದು, ಉಸಿರು ಬಿಡಿ.
ಪರ್ಸ್ಡ್-ಲಿಪ್ಸ್
ಉಸಿರಾಟದ ತೊಂದರೆ ಅನುಭವಿಸಿದಾಗ ಈ ವಿಧಾನ ನಿಮ್ಮ ಶ್ವಾಸಕೋಶಕ್ಕೆ ಹೆಚ್ಚು ಆಮ್ಲಜನಕವನ್ನು ಪಡೆಯಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮನ್ನು ಶಾಂತಗೊಳಿಸುತ್ತದೆ.
ಇದನ್ನು ಮಾಡುವುದು ಹೇಗೆ?
• ಹಂತ 1: ನಿಮ್ಮ ಬೆನ್ನನ್ನು ನೇರ ಮಾಡಿ, ಆರಾಮದಾಯಕ ಸ್ಥಾನದಲ್ಲಿ ಕುಳಿತುಕೊಳ್ಳಿ. ನಂತರ ಕೈಯ್ಯನ್ನು ನಿಮ್ಮ ಮೊಣಕಾಲುಗಳ ಮೇಲೆ ಇರಿಸಿ.
• ಹಂತ 2: ನಿಮ್ಮ ಮೂಗಿನ ಮೂಲಕ ಕೆಲವು ಸೆಕೆಂಡುಗಳ ಕಾಲ ಉಸಿರಾಡಿ. ನಿಮ್ಮ ಹೊಟ್ಟೆಯನ್ನು ನಿಮ್ಮ ಶ್ವಾಸಕೋಶದ ಬದಲು ಗಾಳಿಯಿಂದ ತುಂಬಲು ಪ್ರಯತ್ನಿಸಿ.
• ಹಂತ 3: ನಿಮ್ಮ ತುಟಿಗಳನ್ನು ಪರ್ಸ್ ಮಾಡಿ ಮತ್ತು 4 ರಿಂದ 6 ಸೆಕೆಂಡುಗಳ ಕಾಲ ನಿಧಾನವಾಗಿ ಉಸಿರಾಡಿ.
• ಹಂತ 4: ಇದನ್ನು 5-10 ಬಾರಿ ಪುನರಾವರ್ತಿಸಿ.
ಹೊಟ್ಟೆಯ ಉಸಿರಾಟ
ಈ ವಿಧಾನವು ಸಂಪೂರ್ಣ ಆಮ್ಲಜನಕ ವಿನಿಮಯವನ್ನು ಉತ್ತೇಜಿಸುತ್ತದೆ. ಹೃದಯ ಬಡಿತವನ್ನು ನಿಧಾನಗೊಳಿಸುತ್ತದೆ, ರಕ್ತದೊತ್ತಡವನ್ನು ಸಹ ಸ್ಥಿರಗೊಳಿಸುತ್ತದೆ. ಒತ್ತಡ ಕಡಿಮೆ ಮಾಡುತ್ತದೆ.
ಇದನ್ನು ಮಾಡುವುದು ಹೇಗೆ?
• ಹಂತ 1: ಮೊದಲು ಹಾಸಿಗೆಯ ಮೇಲೆ ಮಲಗಿಕೊಳ್ಳಿ.
• ಹಂತ 2: ಒಂದು ಕೈಯನ್ನು ಹೊಟ್ಟೆಯ ಮೇಲೆ ಮತ್ತು ಇನ್ನೊಂದು ಕೈಯನ್ನು ಹೃದಯದ ಮೇಲೆ ಇರಿಸಿ.
• ಹಂತ 3: ಮೂಗಿನ ಮೂಲಕ ಉಸಿರನ್ನು ಒಳಗೆ ಎಳೆದುಕೊಳ್ಳಿ, ನೀವು ಉಸಿರಾಡುವಾಗ ನಿಮ್ಮ ಹೊಟ್ಟೆ ಹೇಗೆ ಚಲಿಸುತ್ತದೆ ಎಂಬುದನ್ನು ಗಮನಿಸಿ.
• ಹಂತ 4: ನಿಮ್ಮ ಹೊಟ್ಟೆಯ ಸ್ನಾಯುಗಳನ್ನೊಳಗೊಂಡು ನಿಧಾನವಾಗಿ ನಿಮ್ಮ ಬಾಯಿಯ ಮೂಲಕ ಉಸಿರನ್ನು ಹೊರಗೆ ಬಿಡಿ, ನಂತರ ಎಲ್ಲಾ ಗಾಳಿಯನ್ನು ಹೊಟ್ಟೆಯಿಂದ ಹೊರಗೆ ತಳ್ಳಿರಿ.