ಮನೆ ಉದ್ಯೋಗ UPSC Prelims ಪರೀಕ್ಷೆಗೆ ಎರಡೇ ವಾರ ಬಾಕಿ; ತಯಾರಿ ಹೀಗಿರಲಿ

UPSC Prelims ಪರೀಕ್ಷೆಗೆ ಎರಡೇ ವಾರ ಬಾಕಿ; ತಯಾರಿ ಹೀಗಿರಲಿ

0

ದೈಹಿಕವಾಗಿ, ಮಾನಸಿಕವಾಗಿಯೂ ದೃಢವಾಗಿರುವುದು ಮುಖ್ಯ. ಊಟ-ನಿದ್ರೆ ತಪ್ಪಿಸಿ ಓದುವ ತಪ್ಪು ಮಾಡಬೇಡಿ. ತಪಸ್ಸಿನಂತೆ ಪರೀಕ್ಷೆಗೆ ತಯಾರಿ ನಡೆಸಬೇಕೆಂದರೆ ಮಾನಸಿಕ ಶಾಂತಿ ಮುಖ್ಯ. ಯೋಗ-ಧ್ಯಾನದ ಅಭ್ಯಾಸವಿದ್ದರೆ ಒಳ್ಳೆಯದು.

Join Our Whatsapp Group

ಪರೀಕ್ಷಾ ವಿಧಾನ, ಕಟ್ ಆಫ್ ಅಂಕಗಳ ಬಗ್ಗೆ ನಿಖರ ಮಾಹಿತಿ ಪಡೆಯಿರಿ. 5-6 ವರ್ಷಗಳ ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ಅಧ್ಯಯನ ಮಾಡಿದರೆ ನಿಮಗೆ ಪರೀಕ್ಷೆಯ ಬಗ್ಗೆ ಸ್ಪಷ್ಟತೆ ಬರುತ್ತದೆ.

ಯಾವುದೇ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಯಶಸ್ವಿಯಾಗಲು ಸೂಕ್ತ ವೇಳಾಪಟ್ಟಿ, ತಂತ್ರ ಮುಖ್ಯ. ದಿನಕ್ಕೆ ಎಷ್ಟು ಗಂಟೆ ಓದಬೇಕು, ಯಾವ ವಿಷಯಗಳನ್ನು ಓದಬೇಕು, ಯಾವಾಗ ವಿಶ್ರಾಂತಿ ಪಡೆಯಬೇಕು ಎಂದು ನಿರ್ಧರಿಸಿ. ವೇಳಾಪಟ್ಟಿಗೆ ಬದ್ಧರಾಗಿ ನಡೆದುಕೊಳ್ಳಿ.

ಕೊನೆ ಕ್ಷಣದಲ್ಲಿ ಹೆಚ್ಚಿನ ಪುಸ್ತಕಗಳ ಅಧ್ಯಯನ ಗೊಂದಲವನ್ನು ಸೃಷ್ಟಿಸುತ್ತದೆ. ಹಾಗಾಗಿ ಯಾವ ಪುಸ್ತಕ, ಇಂಟರ್ನೆಟ್ ನಲ್ಲಿ ಎಲ್ಲಿ, ಯಾವ ಮಾಹಿತಿ ಪಡೆಯಬೇಕೆಂಬ ಬಗ್ಗೆ ಸ್ಪಷ್ಟತೆ ಇರಲಿ.

ಈ ಕೊನೆ ದಿನಗಳಲ್ಲಿ ಹೆಚ್ಚಾಗಿ ಮಾದರಿ ಪ್ರಶ್ನೆಗಳನ್ನು ಬಗೆಹರಿಸಿ. ಮಾಕ್ ಟೆಸ್ಟ್ ಗಳನ್ನು ನಿರಂತರವಾಗಿ ತೆಗೆದುಕೊಂಡರೆ ನಿಮ್ಮ ಪ್ಲಸ್ ಪಾಯಿಂಟ್, ನಿಮ್ಮ ಮೈನಸ್ ಪಾಯಿಂಟ್ ತಿಳಿಯುತ್ತೆ.

ಇಷ್ಟು ದಿನ ಮಾಡಿಕೊಂಡಿರುವ ಟಿಪ್ಪಣಿಗಳನ್ನು ಪುನರ್ ಅಭ್ಯಾಸ ಮಾಡಿ. ಈ ಸಮಯವನ್ನು ರಿವಿಷನ್ ಗಾಗಿ ಮೀಸಲಿಡುವುದು ಸೂಕ್ತ. ಏನನ್ನು ಓದಿದ್ದೀರೋ ಅದು ಪರೀಕ್ಷೆ ಸಮಯದಲ್ಲಿ ನೆನಪಿನಲ್ಲಿ ಉಳಿಯುವುದು ಮುಖ್ಯ.

ಸಮಚಿತ್ತದಿಂದ ಇರಿ, ಪರೀಕ್ಷೆಯ ಭಯ ಬೇಡ. ಆತ್ಮವಿಶ್ವಾಸದಿಂದ ಇದ್ದರೆ ಅರ್ಧ ಗೆಲುವು ಸಿಕ್ಕಂತೆಯೇ. ಹಾಗಾಗಿ ನಿಮಗೆ ಗೊತ್ತಿಲ್ಲದ, ಓದಿಲ್ಲದ ವಿಷಯಗಳ ಬಗ್ಗೆ ಅಳುಕು ಬೇಡ. ಚೆನ್ನಾಗಿ ಓದಿರುವ ವಿಷಯಗಳ ಬಗ್ಗೆ ಆತ್ಮವಿಶ್ವಾಸದಿಂದ ಇರಿ.

ಹಿಂದಿನ ಲೇಖನಸಿಬಿಐ ಡೈರೆಕ್ಟರ್ ಹುದ್ದೆಗೆ ಕರ್ನಾಟಕ ಡಿಜಿಪಿ ಪ್ರವೀಣ್ ಸೂದ್ ನೇಮಕ: ನಾಲಾಯಕ್ ಎಂದಿದ್ದ ಡಿಕೆಶಿ ವಿರುದ್ಧವೇ ಸೂದ್ ಛೂಬಿಡುತ್ತಾ ಕೇಂದ್ರ !
ಮುಂದಿನ ಲೇಖನಪಿಂಕ್ ಜೆರ್ಸಿ ತೊಟ್ಟು ಕಣಕ್ಕಿಳಿಯಲಿರುವ  ಗುಜರಾತ್​ ಟೈಟನ್ಸ್