ಸ್ನೇಹಿತರೊಂದಿಗೆ ಪ್ರವಾಸವೆಂದರೆ ಅಲ್ಲಿ ಮೋಜು-ಮಸ್ತಿ ಎಲ್ಲವು ಇರುತ್ತದೆ. ಉತ್ತಮವಾದ ಸ್ನೇಹಿತರೊಂದಿಗೆ ದೇಶವೆಲ್ಲಾ ಸುತ್ತಾಡುವ ಮೂಲಕ ಖುಷಿ ಪಡಬಹುದು. ಇನ್ನು ಕೆಲವು ಪ್ರತ್ಯೇಕವಾದ ತಾಣಗಳು ಮತ್ತಷ್ಟು ಚಿರಸ್ಮರಣೀಯ ಅನುಭೂತಿಯನ್ನು ಉಂಟು ಮಾಡುತ್ತವೆ.
ಹಾಗಾದರೆ ಭಾರತದ ಯಾವ ತಾಣಗಳಿಗೆ ಸ್ನೇಹಿತರೊಂದಿಗೆ ತಪ್ಪದೇ ಭೇಟಿ ನೀಡಬಹುದು ಎಂಬ ಮಾಹಿತಿ ಇಲ್ಲಿದೆ.
೧. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪ
ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳ ಪ್ರವಾಸೋದ್ಯಮ ಇತ್ತೀಚೆಗೆ ಹೆಚ್ಚಿಗೆ ಪ್ರಸಿದ್ಧಿ ಪಡೆಯುತ್ತಿದೆ. ಸ್ನೇಹಿತರೊಂದಿಗೆ ಅಂತ್ಯವಿಲ್ಲದೇ ಎಂಜಾಯ್ ಮಾಡಲು ನೀವು ಅದ್ಭುತವಾದ ತಾಣಕ್ಕೆ ಭೇಟಿ ನೀಡಬಹುದು.
ಇದು ಗೋಲ್ಡನ್ ಬೀಚ್ಗಳಿಗೆ ತವರು, ಅಂಡಮಾನ್ 570 ಕ್ಕೂ ಹೆಚ್ಚು ರಮಣೀಯ ಭೂದೃಶ್ಯಗಳ ದ್ವೀಪ ಸಮೂಹಗಳಿಗೆ ನೆಲೆಯಾಗಿದೆ. ಸಾಹಸ ಚಟುವಟಿಕೆಗಳು, ಜಲ ಕ್ರೀಡೆಗಳನ್ನು ಇಲ್ಲಿ ಸಾಟಿಯಿಲ್ಲದೆ ಆನಂದಿಸಬಹುದು. ಸುಂದರವಾದ ಸೂರ್ಯಾಸ್ತವನ್ನು ನಿಮ್ಮ ಕ್ಯಾಮೆರಾದಲ್ಲಿ ಸೆರೆಹಿಡಿದುಕೊಳ್ಳಬಹುದು.
೨. ಗೋವಾ
ಸ್ನೇಹಿತರ ಪ್ರವಾಸ ಎಂದಾಕ್ಷಣ ತಟ್ಟನೆ ನೆನಪಾಗುವುದು ಗೋವಾ. ಇಲ್ಲಿ ಮೋಜು-ಮಸ್ತಿ ಮಾಡುವ ಮೂಲಕ ತುಂಬಾ ಎಂಜಾಯ್ ಮಾಡಬಹುದು. ಕುಟುಂಬ ಸಮೇತ ಗೋವಾ ಪ್ರವಾಸಕ್ಕಿಂತ ಸ್ನೇಹಿತರೊಂದಿಗೆ ಹೋಗುವುದು ಖುಷಿ ಕೊಡುತ್ತದೆ.
ಗೋವಾ ಸುಂದರವಾದ ಕಡಲತೀರಗಳನ್ನು ಹೊಂದಿರುವ ಸ್ವರ್ಗ ತಾಣವಾಗಿದೆ. ರಾತ್ರಿಯ ಜೀವನವನ್ನು ಆನಂದಿಸಲು ಗೋವಾ ಫರ್ಪೆಕ್ಟ್ ಪ್ಲೇಸ್ ಎಂದೇ ಹೇಳಬಹುದು. ಸಮುದ್ರಾಹಾರ, ಕಡಲತೀರಗಳಲ್ಲಿ ಮೋಜಿನ ಚಟುವಟಿಕೆಗಳನ್ನು ಆನಂದಿಸಬಹುದು. ನೀವು ರಾತ್ರಿಯ ಅತ್ಯುತ್ತಮವಾದ ಜೀವನವನ್ನು ಕಳೆಯಲು, ಮೋಜು ಮಸ್ತಿಯನ್ನು ಆನಂದಿಲು ಗೋವಾಗೆ ಭೇಟಿ ನೀಡಿ.
೩. ದಾಂಡೇಲಿ
ಕರ್ನಾಟಕದ ದಾಂಡೇಲಿ ಸ್ನೇಹಿತರಿಗಾಗಿ ಮೀಸಲಾಗಿರುವ ಸ್ಥಳ ಎಂದೇ ಹೇಳಬಹುದು. ದಾಂಡೇಲಿಯು ಸಾಹಸಮಯ ಕ್ರೀಡೆಗಳಿಗೆ ಬಹಳಷ್ಟು ಹೆಸರುವಾಸಿಯಾಗಿದೆ. ಕಾಳಿ ನದಿಯ ದಡದಲ್ಲಿರುವ ದಾಂಡೇಲಿಯು ಹಚ್ಚ ಹಸಿರಿನ ಕಾಡುಗಳಿಂದ ಆವೃತ್ತವಾಗಿದೆ. ಟ್ರೆಕ್ಕಿಂಗ್, ರಾಫ್ಟಿಂಗ್, ಮೌಂಟೇನ್ ಬೈಕಿಂಗ್, ಸೈಕ್ಲಿಂಗ್, ಕಯಾಕಿಂಗ್ ಮತ್ತು ಕ್ಯಾನೋಯಿಂಗ್ನಂತಹ ಹಲವು ಆಯ್ಕೆಗಳು ಕೂಡ ಇಲ್ಲಿವೆ. ಪ್ರಕೃತಿ ಪ್ರಿಯರಿಗೆ ದಾಂಡೇಲಿಯು ಅತ್ಯುತ್ತಮವಾದ ಅನುಭವವನ್ನು ಉಂಟು ಮಾಡುತ್ತದೆ.
