ಬಂತು ಬಂತು ಬಾದ್ರಪದ ಶುಕ್ಲ ಚತುರ್ಥಿ
ಬಡವ ಧನಿಕ ಆಚರಿಸುವ ಪುಣ್ಯ ಚತುರ್ಥಿ ||
ಭಕ್ತಿಯಿಂದ ಮಾಡುವ ಗಣೇಶ ಚತುರ್ಥಿ ||
ಮಂಗಳವ ತರುತಲಿರುವ ಶುಭದ ಚತುರ್ಥಿ || ಬಂತು ||
ಮಣ್ಣಿನಿಂದ ಮಾಡಿದ ಮೂರ್ತಿಯ ತಂದು
ಮಂಟಪದೆ ಕೂರಿಸಿ ಭಕುತಿಯೋಳು ಇಂದು||
ಮಾವಿನೆಲೆಯ ಕಟ್ಟಿ ಮನೆಯ ಸಿಂಗರಿಸಿ ||
ರಂಗೋಲಿಯ ಹಾಕಿರಿ ಹಬ್ಬವ ಆಚರಿಸಿ || ಬಂತು ||
ಮಂತ್ರ ಹೇಳಿ ಪ್ರಾಣ ಪ್ರತಿಷ್ಠೆಯ ಮಾಡಿ |
ಅರಿಶಿನ ಕುಂಕುಮಾವ ಅದಕ್ಕೆ ಹೇರಿಸಿ |
ಬಗೆ ಬಗೆ ಹೂಗಳಿಂದ ಆರ್ಚನೆ ಗೈದು |
ದೂರ್ವೇಯಿಂದ ಪೂಜಿಸಿ ದೈವ ಗಣಪತಿಗೆ || ಬಂತು||
ಧೂಪ-ದೀಪದಿಂದ ಅವನ ಉಪಾಸನೆ
ಮೋದಕ ಕಡಬು ನೈವೇದ್ಯದ ಆರಾಧನೆ ||
ಕರ್ಪೂರದ ಆರತಿಯ ಎತ್ತಿರಿ ಗಣಪತಿಗೆ ||
ಕರುಣಾಮಯ ವರನೀಡು ಎನ್ನಿರಿ ನಮಗೆ || ಬಂತು||
